今日去左睇<<兄弟>>, 都ok ge, 普通江湖片~陳奕迅做得幾好~ 不過可能因為係苗橋偉做主角, 個feel好似電視劇~

另外嗰3虎有點大才少用, 個角色好似用d普通人做都得~

今日要上大陸廠, 攪完d辦就衝番番黎, 因為約左TAL d舊同事 (yan, kitty, pheobe)唱k~

去到都已經成8:45, 食完d好難食嘅k-buffet就唱~ 嗌下真係好爽, 好耐無唱過了~ 之後又傾下計, 影下d低b相~

我前阿頭愈來愈過份, 攪埋d無聊野, 話"以人為本", 攪好同事關係, 安排每組都要飛去泰國3日, 同嗰邊d cs玩遊戲~ 真係正死~ 又話而家星期五下午攪小party, 每team輪住要hold個party, 負責宣傳, 準備食物, 遊戲.....真係唔得佢死~

佢地幾個都勁多怨氣, 話唔知過唔過到年尾~ 代我嗰個新人仲慘, 無人同佢食飯, 無人理佢, 我以前做野點辛苦, 起碼都會有人俾我呻下, 都會有人一齊鬧, 佢而家又無朋友, 做d野又咁一劈屎, 上一手又pk, 真係想俾d advice佢, 叫佢早走早著~

我嘅決定果然係啱嘅~

昨日去了south ocean interview, int左3個鐘, 各方面都好滿意, 最緊要人工真係好ok, 有16個月糧呀~~

下個星期開始番工了, 係一個新挑戰, 因為我之前無sweater的經驗, 要重新學了~~ 希望今次會順順利利啦~

要多謝阿yan喇~

呢幾個月完全荒廢了呢個blog, 原因就係我份"好"工將我嘅時間同精神都折磨哂....

2weeks china fty training - 其實係悶到pk, 好似好學到野, 不過其實無咩機會用到, 加上要我自己一個上堂, 悶到pk....開頭覺得公司好似好多training咁, 好似好好, 會好多野學, 所以抱住好有衝勁嘅心態~~

之後的2個月...每日都係做傳聲筒, 俾客罵, 俾廠迫, 上training, 做budget, 覆過百個email, 扮pro見客....精神面臨崩潰, 試過對住個mon眼濕濕, 成枱野唔知做邊樣先, 晚晚9點走, 番屋企食完兩啖飯就繼續做到1,2點......
每日最開心就係lunch同d同事一齊呻下工作上的不快, 好彩識左一班好啱key的好同事 (不過唔係自己team)~ 最慘係所謂自己team的teammate唔會理我, 個sm攬住個mt當係寶, 咩都同我分得好清楚....個mt有人揸住隻手教, 我就要咩都自己攪掂....算, mt係矜貴d~呢個係呢間公司的文化, 仲有係itc人唔可以做mt的!!

最正就係我個太子爺abc阿頭 (唔識講中文的),  個個以為我前世唔知做左幾多好事先積到呢d福去跟佢, 一定有得上位~ 點知, 走得最快嗰個係我....呢條白痴極品大我幾年, 出黎做野都唔知有無2年, 唔好講management skill, 連普通am要做嘅野都唔識...最慘佢係一個白痴, 以為呢個世界個個都係好人, 無壞人, 以為有咩野問人就得, 個個都會好樂意help....無錯, 佢就係lor, 個個都仆到去幫佢~ 而我呢個可憐虫就成日俾佢點, 叫我去周圍問人, 仲要我問埋d唔關事嘅人, 攪到人啼笑皆非....

到我臨過probation之前我終於頂唔順要resign, 我阿頭勁問我點解, 我都預左, 咪是但講d藉口, 點知佢迫我同個top manager解釋!! 佢都痴線ga!! 攪到我勁尷尬....之後仲要迫我做多一個月先走, 我睬佢都傻, 話我要搵工, 會俾7日通知, 點知佢問番我咩係7日通知.....要我解釋番勞工法例俾佢聽......到佢明左之後, 佢話put左好多resources响我身上, 話俾左training我, 又話帶左我我去台灣, 叫我do him a favour留耐d.....提起都把幾火, 去大陸training我都未同佢計, 講到我去台灣好似俾我去玩咁, 我去到都要覆email, 要見客, 要做野啦, 佢都痴線ga!!!! 不過佢咁講仲好, 我完全唔使俾面佢, 求其同佢講我已經搵到工, 7日通知就byebye!!

之後同hr傾番時, hr都明白我處境, 話我都好慘, 同我拿拿聲計埋d糧, 無留難我~

响呢間公司唯一嘅開心事就係識到班好啱key嘅同事, 可能大家對公司都好多怨氣啦~~ 每日lunch都好開心咁呻, 雖然個個都係formal dressing, 斯斯文文咁, 但講到興起都會勁粗俗~~ 佢地個個都好支持我走, 佢地都好理解我幾咁慘, 佢地都話捱到過年都即閃, 此地不宜久留~

最後要講嘅, 係我last day都做到9點先走, 算係盡左我能力同責任啦!!! 仲有就係, 辭左職我真係好開心, 好似放低左個包袱咁呀~~

終於完成左一個星期traing了, 真係好辛苦呀, 星期一5:30就要起身, 搭左$90的士去紅磡kcr再去羅湖, 要7:10到再搭廠車去東莞, 8:00開工, 真係好辛苦.... 仲要日日8:00開工, 不過我晚晚11:00就訓, 好攪到好健康~~

 今日阿頭同我一齊上,  介紹我俾d人識~

呢幾日不停咁聽野, 逐個dept的manager同我講2個鐘課, 講下佢地的運作&經驗, 佢地咁忙都咁1對1教我, 真係幾難得~ 之後又去我嗰team的cs睇下佢地做d咩, 不過其實係傾計, 佢地好好人, 好好傾, 咩都講一餐, 時間過快d~

呢個星期我全部都係用普通話溝通, 因為無論management定worker都係本地人~ 都係一個好好嘅機會俾我練普通話, 而我阿頭又係ABC, 所以又全程同佢講英文~~

不過canteen嘅飯真係幾難食, 我次次都係求其塞飽個肚就算...番到香港真係要食好d!