由5月開始有轉工的念頭, 走的原因: 1. 想學多d野;  2.公司孤寒

5月開始send信, int過5,6份, 大部份都請, 人工比而家仲多幾多tim~~ 有幾個offer揸手之下, 我上星期一就遞了信給大佬, 佢好驚訝咁問我點解走, 我好輕鬆咁同佢講~~ 佢之後用左成個鐘同我傾, 叫我留低, 話佢同hr都睇好我, 又教我第日條路應該要點行, 又問我工作上有咩想要改善, 佢會再安排去滿足我, 叫我再諗下先~ 第二日佢拎我封信落去同HR傾, 之後同我傾番幫我FIGHT到幾多$, 個數字比我想像中多, 仲係比我所知的超出上限, 而家只係欠大老闆動筆~~ 之後佢就同我講番d工作會點樣重新安排去令我地學多d野, 做得全面d, 話會俾denim我跟, 仲話下年會升我tim~~ 同我講完之後, 仲叫埋jeanie 同jayson入房傾tim!! 好似因為我封信攪到好大件事咁, 重新arrange過哂d job duty, 又再安撫過jayson~ 但唯一無變的就係嗰2條廢柴仍然係做d廢野!!

之前遞信都諗左好耐, 左諗右諗, 因為而家份工product range好窄, 但總算係自己由頭跟到尾, 而大佬又唔會罵人, 就算我地錯都唔會罵, 對我地幾好, 只係衰在佢太縱容嗰2件化石~
加上日日同jayson and jeanie有講有笑, 番工番得開開心心~ 如果走左, 驚去到第二度人事好複雜, 遇著d pk同事 or 變態阿姐就死啦~ 所以成日都不停衡量: $, 人事, ot, job nature.... 諗到人都癲~ 到最後有左決定, 阿頭又有d咁嘅對策, 攪到我又要重新諗過~ 大佬同我傾嗰日, TAL又打黎叫我2nd int!! 呢份係我好想做嘅工, 等左2個星期都無消息, 本來諗住放棄, 點知又有2nd int, 真係太多變數了~ 我由第一份offer 印度公司開始煩, 到而家不停有轉變, 其實根本唔使諗咁多, 命運係自有安排, 根本唔使你特別去控制~~  

我相信上天會為我作出最好的安排了, 我就放心交給祢吧~~

等左成幾個星期, tal終於叫我去2nd int了~~ 今日請左2個鐘假去int, 仲要飛的tim~~ 去到見一個男人, 串串的, 猛challenge我, 人地答完一次仲不停追問, 好煩~~ 不過我知道佢係想試我的耐性 and反應, 我唔會俾佢試到嘅~~ int左大約半個鐘就走得, 一個星期內有通知~~

好耐好耐無寫diary了~ 因為真係好忙好忙, 個人又好累好累, 終於上完個first aid course, 試都考埋, 而家先得閒d~ 之前成日都要放工仆去金鐘, 真係好辛苦... 不過上course都學到好多野, 可能有d人會覺得上first aid好無聊, 但當我經歷過咁多, 明白到一個人有幾脆弱時, 上嘅每一堂, 阿sir講嘅每個case我都絕對想像到個情況.

不過如果俾我揀, 我都寧願唔需要學呢個course, 唔需要用到我學過嘅野!!

多謝野兔同我一齊上呢個course, 我知呢個course浪費左你好多時間, 令到你去唔到玩, 去唔到旅行, 而家終於完左, 你可以有番多d時間用了~~

今日同maggie慶祝生日~ 當然有fellow, chung啦, 今次fellow仲帶埋女友黎tim~~ 我地去左旺角釣蝦, 個地點好偏僻, 人一,但都好多人釣~ chung話佢之前每人知一個鐘都釣到幾隻, 但今次....5個人夾埋釣到3隻!!!! 好彩我都釣到一隻~~ 可能因為太多人釣, 已經餵飽哂d蝦~~ 好彩個場都會每人俾多幾隻, 之後我地即場燒黎食, 好味~~

之後我地去左neway唱k, 但maggie竟然咁啱打左俾一間無buffet的....我地即刻轉, 去左近油麻地的一間~ $108有buffet 加唱左好耐, 因為第日番工我地先自動走ja~ 同尋晚比差好遠~~ 我地都係點哂福仔d歌, 佢真係好正~~ 福仔萬歲~~

今晚同邦邦狗河馬方包去了apm green box唱k, 癲左一晚,: 愛多80年, 夢想有你.... 好暢快~  不過呢間野已經black list左, 11點開始, 只係唱到1:45就cut, 仲要出面明明無人tim!!! 太過份了!! 呃錢!!!