最近迪一上網就覺得好上火, 原因之一係成日都入唔到msn, 就算係msn無咩特別野同豹豹講但上緊網hi唔到佢隻野就會覺得週身唔至在。

最最最令我火爆既就係上網成日斷線, 可憐我呢個窮鬼村姑迪仲係用緊dial up 56k, 每次再上返網都要再比$$$, 原本一日上一次3毫子就可以攪掂, 但而家係上唔夠半粒鐘, 斷線, 再打,又斷,再打, 再斷, 3毫3毫又3毫之後迪已經忍無可忍, 好好好!!!唔上law~~睇下你想點?! 迪唔記得講佢斷線係因為有人打黎, 雖然迪明確表示拒絶接聽, 但佢3秒之後就會話online失敗, 我@#$%

當然呢d @#$%既咒罵只係對個supplier la, 打黎個個, 比迪天大既膽都唔夠膽@#$%佢地, y??? 除左迪咪同迪姨之外, 仲有邊個會失驚無神咁打迪屋企電話嫁。其實我真係好佩服佢地兩條友, 一程小巴距離既dede唔打, 隔兩條村既miss吹唔搵, 係要打比個十萬九千里隔左個南極洲同幾千隻北極熊既迪, 但最最最慘情既係, 佢地打黎通常都係…
先講迪咪,
迪 : 『打比我, 有咩事???』
迪咪 :「呵呵~~
              我去緊茶樓…
              我行緊超市…
              我買緊餸…
              我食完飯落樓行下… 
              我返緊屋企…
               +無野嫁見悶得閒未打比你law, 電話費又咁便….。」
迪(心裡) : 『@#$%xzy』<<<鬧緊電話公司嫁乍唔關迪咪事嫁。 

到迪姨,
迪 : 『做咩呢個時候打比我, 有咩事???』 

過左黎呢邊, 迪開始玩煮飯仔, 以前3不5時都會約大班FRIENDS上黎開P, 等迪過下下廚隱 , 但自從housemate走佬大屋搬細屋又拋個身出做………. part-time job之後咁既情懷真係一去不返忘記得一乾二淨廚藝自然變得一落千丈心情更加一蹶不振煮出黎既野簡直係一塌糊塗<<<呢d一一都係迪既謙虛之詞黎既者只有0.0001%先係事實。

呢年幾真係好少會煮3餸1湯白飯任裝<<<其實係未試過而且迪係無電飯煲既, 平時3餐都係食垃圾多, SORRYYY!!!!係垃雜野多, 唔好問我點解唔食飯都會攪到咁肥獅大隻, 呢個唔係今日既topic, 咳咳~~不過迪有時都會DIY既, 而係我既DIY裡邊既NO.1就係 “迪迪薄命雛菊蛋”。 呢個“迪迪薄命雛菊蛋”真係唔係浪得虛名, 迪迪每次都真係括左出去, 攞條命黎搏, 不懼沙門士又無懼呢個禽流感,, 所以真係名附其實。 話佢係NO.1唔係因為佢係我能手菜裡邊最最最出色, 亦唔係最最最好味, 而係佢係我nX7X52X1.5咁多餐裡面出現既頻率係NO.1者, 唔信?!

上湯藻藻素面加隻“迪迪薄命雛菊蛋”

迪迪逛完街, 豬下豬下咁返屋企, 係大堂入口處, 見到位貎似印度人既伯伯禁緊對講機請人為佢開大堂門。

雖然度門唔係窄到兩個人一齊過會過唔到, 而迪又未肥到會賺爆到門, 但佢都好鬼醬土文, 處處都讓迪先行, 咁迪就報以一笑以示謝。 佢問迪係未係到住, 迪就狂點個豬頭, 死命認係, 慌死人地以為佢係白撞兼居心不良既小偷迪。

入lift後, 伯伯開始BB爸爸, 話黎係探個朋友, 個朋友係菲律賓黎, 無朋友又唔慣所以自己就黎陪佢。 迪一直笑笑笑<<<禮貎地, 猜想伯伯都係見悶搵下人講下野。 薯不知, 佢出lift時邀請迪去佢朋友屋企, 介紹友人過迪認識認識, 見迪呆左既豬樣, 佢話一係食din添, 即係咁, 雖然迪覺得佢係真人真事兼真誠想朋友多一個朋友, 但…. 呆左3秒3, 迪做左個痛苦既決定, 堆起個狗到唔狗既笑容講左個假到唔假既籍口, 揮手關門莎喲啦啦。

千祈千祈唔好怪我, 因為迪係蘋果東方帶大睇警訊敎育大既香港人黎, 真係好難三九唔識七跟你返屋企識人law。