呵呵~~~ “多多啤你”又黎la!!!!
  
係有枝有葉嫁~~

 “多多啤你”其實9月頭就開始又便又靚又多lu。
迪今朝去vic. mar shopping, 又買左兩盒。 因為佢好鬼易爛, 所以返到屋企, 迪就會將佢地攤晒出黎, 等佢地抖下氣ma, 唔係好快瓜柴, but都只係可以留一晚咁大把, 第二日唔食就……。

KeN煲左夏枯草。
比迪發現原來係拿拿姐捐贈出黎既。大家叫拿拿姐飲, 佢就叫我地飲多D, 因為佢自己屋企都成日煲。
個一刻, 迪覺得有媽係身邊真係像個寶。

「迪咪, 迪好好好掛住您呀!」迪係心裡面大喊。

雖然兩年無見, 返去3個禮拜, 迪都有本事同迪咪大吵到不歡而散, 但迪都係覺得有迪咪係身邊既時候係最最最棒既。

少少傷風流行鼻水夜瞓第二朝唔夠瞓頭暈暈行完街腳痛痛兼暈車浪到無食菜去唔到大大, 通通只要向迪咪撒個嬌, 咩湯水涼水糖水生水熱水唔拖唔水都隨時候命。

前排同迪咪講電話唔知講開咩, 迪咪話其實初初好擔心迪自己一個人, 驚迪呢到唔掂又個到唔妥, 無諗到e+迪竟然係肥左又白左。 其實迪好怕好怕自己真係病, 所以無事無刻都同自己講要好好好。 迪想講, 因為無您係身邊, 迪就只係像棵草, 連頭暈身慶都唔敢咁張狂。

肚痛痛痛痛痛。

學無返, 係床同bean bag到典典典, 典左一個朝早。 
滿腦子係古力救我古力救我, 諗黎諗去得返個包古力咖啡豆。
算~放棄!!!!
忍忍忍, 忍到下就點零鐘, 頂唔住, 不顧身世, 奮不顧身直衝落去7記, 執左大包古力上黎。

食食食, 食完又似好返d。