Day 2 24.06.06

Sat

00.30am 食左dinner+宵夜 (原來唔係lunch+dinner)睇左兩套戲幾段卡通片按爆左個選台器再加側左身側右身翻身後身前身左九萬幾次都瞓唔著座得唔舒服正想大叫既時候, 架機終於降落。攞行理過海關出到黎12點半。我姐話12點4有架係東涌開出既N26, 所以我又豬咁腳衝去搭車。

等等等…企企企…望望望…又shitshitshit, 先後見到N21,N23,N29就係唔見N26…..

01.45am 天呀!!....望下錶…我以為自己眼花, 落左機都成粒幾鐘….點解我仲未返到屋企….而係仲係機場????就係呢個時候, 清潔阿姐同我講

「你等咩呀???無車架啦wor。」

『下???』心諗你唔好玩啦,你當我部N26死嫁『無車????』

「係呀, 而家得返車出尖咀個D嫁乍。」

『可唔可以借個電話打呀, 因為我岩岩係第二度返黎, 無電話係身, 而家無車唔知點返屋企好。』

「前前前邊個到有電話, 你去個邊打啦。」

於是我死死地氣由車站尾行返去站頭,

『姐呀! 等左9粒幾鐘都唔見有車呀, 而家阿清潔阿姐話無晒車, 我好無係機場等到佢朝早有車先走呀?????』勞氣地+很認真地。

「你痴嫁??!!瞓機場??無車你就好走啦。求期有車出到黎轉的士啦, 我係的士站等你。」傳聞佢係巴士站已經等左1粒鐘。

就係咁, 瘋狂巴士+口水的士, 歷盡千山萬(汗)水之後, 返到屋企。望下錶3.00am, 24小時既機場之旅應該告一段落。

Day 1 23.06.06

Fri

瞓左四粒鐘。

5.00am起身。

沖涼, 洗頭, 淋花, 洗碗, 收衫, 摺衫, 放好, 舖好床, 整好行李, 收拾乾淨, 倒埋四大袋垃圾。

6.15am 出發!!!!

由屋企直去行10分鐘就去到搭機場巴士, 據說 - 據說每10分鐘一班20分鐘到機場, 搭6.30個班 6.55就應該可以到機場, 跟住Check in入集上機食完早餐瞓2覺食埋lunch3.00pm就到HK。Perfect!!!!!

Perfect!!!!!如果一齊如此的話…..

實情係….

6.15am 出發!!!

因為琴日玩得太盡買得太盡, 得返幾蚊鷄係身, 所以要去ATM攞錢。沿路行, 無時無刻提住叫你攞晒D錢出黎用晒佢既ATM消失得無影無踨, 心諗機場巴士既總站應該有, 話晒都係交通要塞地方, 總有人會無錢搭車既, ATM呢家野又點可以少??? 呵呵~~ 我實在少看佢, 有格, 無就係無比你睇。 一問, 邊到有ATM呀??????

『隔離Train Station ar。』

隔離既意思就真係好隔離, 行3分鐘過返去Spencer Station。不過, 不過, 再不過, 唔好因為Spencer station既超現代外表, 你就以為佢真係好high tech好現代化, 或者又佢真係好high tech, 係ATM太太太low tech, 難怪由街頭行到街尾, 由東邊再行到西邊,  參觀全新既Spencer Station足足5分鐘, 先見到部小小既ATM塞縮係個陰暗角落。

記得麻, 我既perfect行程中係屋企行去車站係10分鐘, 無錯而家我又由車站行返去屋企附近。Shit!
就係咁, 10mins(屋企行去車站) + 10mins(由車站去ATM) + 10 mins(再由ATM行返去車站) = 30mins = 唔再Perfect!!!!!!

6.55am 人仍在巴士上

5分鐘10分鐘????後, 我又係我, 好豬咁落錯車!!!!!

呢個故事敎訓我地執輸行頭真係慘過敗家。

永遠記住1好過2, 快又好過慢, 早又好過遲, 多又好過少, 醒又好過豬, 肥又好過瘦, 大又好過細, 我又好過你, 呀呀呀, 講緊咩呢….係!!!就係架車停係TERMINAL1時唔肯落車, 死要去到TERMINAL2先落, 於時乎迷路了。 用左10分鐘先搵到check in個counter , 唔係, 最多都係7分幾秒 – 我發誓!!!!
好! 又係我最愛既數學題, 問題係:
一個靚女6.15am出門口, 用左10分鐘(屋企行去車站) + 10分鐘(由車站去ATM) + 10 分鐘(再由ATM行返去車站) + 20分鐘(車程) + 7分n秒(迷路) =????????

就係 = 去到check in counter時發現空無一人 = “check in close” = 心肌緊塞 = 由有位座變左無位走 = 唔知上唔上到下班機 = 今日未必走到 = 發呆 = 流口水(等到瞓著) = 行李愈黎愈輕(太悶太餓太無聊唯有食食食) = 去個厠所都操身大細 = 我都發現自己真係死蠢黎!!!!
不過感謝主! 最少而家我有大把時間行熟機場等下次唔會再迷路, 最少唔會再miss左下一班機, 最少去到下班check in時counter唔會再空無一人, 最少下次再miss左飛機時知道可以點做而唔會低能到走去撕機票, 最少下班機係食lunch+dinner咁樣比早機時食breakfast+lunch抵D。

12.30pm 就係咁, 呆坐左3粒幾鐘, 外加睇埋半場意大利對捷克既世盃重溫 (上半場完煬意1:0領先), 終於睇到顯示牌打出

“ CATHAY   CX104       HHONG KONG    14.40       CHECK IN OPEN”

為表承意, 豬咁腳走去排隊。
『我……我…我miss左今朝班機呀, 已經攪左係waitlist, 咁而家有無位呀????唔該。』

「唔…呢班機full晒, 你攞返d行理落黎, 點九再黎過睇下有無位。」

隔離做緊野既肥空姐話原來今朝就係你miss左班機呀???!!!!
咩者, 可以miss左班巴士, miss左班火車, miss左部lift就唔可以miss左班飛機呀?????當然, 心係咁諗, 但我仍然死狗咁樣點晒頭, 唉!
所以我又睇多左2/3場澳洲對克羅地亞 , 澳洲開波唔夠15分鐘就好死蠢咁比人入左一粒, 到我走時佢雖然有多次埋門機會但都時不與我, 希望陣間再check in時無佢咁黑仔。

1.40pm唔夠 我衝住咁去check in counter, 空姐示意我仲未得. 叫我企埋一邊等, 我就好似做錯事既小學生比老師叫左去罰企。一路企一路等, 我就一路咀咒黎check in既人<<<sorry, 亦希望奇積會出現, 出現一個同我一樣丙既丙仔黎唔切上機。
就係最後個1分鐘, 空姐姐姐將登機證交到我手。Yeah…yeah….yeah!!!!阿媽我得左啦, 係呢到我要多謝我阿媽生得佢個女我咁鬼死蠢多謝晒多謝晒, 我由一個被罰既細路變身成為攞左奧c卡最佳男主角。

用盡我個個同佢主人一樣都係low battery既手機報告比屋企知今晚會到後, 機場之旅告一段落 – 我以為。

終於幫妹仔找到頭好人家。

今年birthday自己送左份大禮比自己, 就係係World Vision到助養左個仔 – Kevin。佢今年４歲人仔, 面仔紅噹噹, 好鬼cutie。 住係智利, 單親家庭, 對上仲有個哥。 我將佢張相放係雪櫃頂, 原本係想提醒自己唔好亂買野要慳d, 咁淨低既錢就可以幫更多人。 咁最終就梗係….

最近WV又寄左另一個小妹子過我, 話希望我幫手睇下有無好人家, 等D有需要要小朋友仔可以改善生活, 咁樣就可以讀書識字, 改變佢地將來既人生咁話。 諗左好耐, 都諗唔到搵邊個好。 原本諗住介紹過標槍, 希望佢會認認真真咁對待人家。 不過好野都係多人要, 3B琴日黎我家攞野+傾計, 就係咁講講下, 我問佢有無興趣助養返個人仔呀, 佢竟然話佢都想wor, 我見機不可失, 就即刻跟住WV教我既技倆 - 拖阿仔落水。

『呢個我仔呀, 係未好得意?!!!!!!』( 技倆1: 攞阿仔張相迫人睇 )

『嗱嗱嗱….呢個女都好得意嫁, 咁當然無我仔咁cute la…唔岩心水唔梗要……上網仲有好多…..你可以睇到鐘意邊個揀邊個…..呵呵。』

就係我小小死狗又加小小甜言蜜語之下,

3B好英咁話「我唔睇樣嫁wor。」

呵呵, 就係咁小妹子就找到頭歸宿lu。

之後大家講講先知, 3B都好想去D落後地方做義工。 佢仲set左個目標過自己, 就係等夠2年經驗<<<佢讀nurse,而家係準護士, 就會去參加無國界醫生咁話。 睇住佢刺熱既眼神, 找到同道中人, 希望大家都可以做到la。