開完2個例會就離開o左公司出去唞唞氣
揸住架車..繼續漫無目的咁行..諗o左好多o野
亦諗到o的問題可以點解決會好o的, 心情好o左好多

跟住去接Nat放工, 夜晚入o左Stanley食飯
平日夜晚o既Stanley無咩人真係好舒服

今晚Nat揀o左o係Ocean Bay食, 呢間weekend通常都會好full
估唔到今晚係平日都好full下

Ocean Bay真係唔錯! 無論環境..食物..staff都唔錯
下次大家去到Stanley都可以試試啊

今晚食飯同Nat傾o左好耐, 講晒呢幾日自己o既感覺佢聽
講完出o黎..真係舒服好多, 有一個肯聽自己講o野o既人係好重要
而Nat就係一個永遠會好耐心咁聽我講o既人

今晚即興同Nat返o左舊屋睏, 有時轉下環境個感覺好得意
好多謝Nat咁耐心聆聽我, 陪住我, i love u

今日決定俾自己唞下, 再同個腦鬥落去都無用
出去玩下..同人傾下偈, 可能o的idea先會突然出o黎

見揸住M3, 當然約返o的有揸馬仔o既friend出o黎gathering下啦
自從無揸馬仔後, 都好少見呢班friend, 今日見返有好多笑料爆出..哈哈!

今晚揸住呢隻白馬, 感覺幾free
成架車o的handling set得好好, Matt應該擺o左好多心機去tune佢
雖然架車唔係好飛得, 但都做到有爆炸力

依家馬仔group都多o左好多人, 好熱鬧!
睇下幾時出返架馬仔玩下, 又一齊玩過吧!

Thanks Vincent影o左張咁pro. o既相
Matt見到一定話佢二奶好靚

放o左工, 揸架車去同Matt交換架M3
佢話老婆有o左BB, 想換架4門方便o的
所以想試下我架C仔, 咁就交換玩一星期吧

出M3時都有諗住去試下, 但一直撞唔o岩機會
今次可以玩下, 都幾有新鮮感

不過今晚o既心情實在太差, 都無咩心機同架車車溝通
淨係漫無目的咁揸住佢周圍行, 見燈走停..見highway就飛
個腦有好多o野諗, 唔想搵人傾, 只想自己一個人諗下o野

我想公司有突破, 唔想再踩住market中o既二三線走落去
我唔需要做到全香港最top, 但o係我目標at least要Top 5

係! 依家唔係差, 行內都有好多人讚我o地可以o係短短幾年間做到咁o既成績已經好叻
但o係我眼中, 呢o的只係standard, 距離我目標仲有好遠

我唔想做一個無良o既boss, 但我亦想加倍鞭策o的細
我明白要鞭策就無staff喜歡, 要贏得人心, 就要慢慢build-up
所以最後答案係:"急唔o黎!"

開完2個會, 個腦好似諗唔到o野咁
揸o左架車出去"dull"下..., "dull"下"dull"下去o左西九海濱
落車行下..影下架車..諗下o黎緊公司o的project要點突破

咁o岩撞到班90後去踩單車, 成班6個人..有男有女
個個o係度高談闊論點玩..點想唔使做..想買o的咩..

我o係度諗..如果我係佢daddy mami, 我真係唔會想生佢o地
個個daddy mami含辛茹苦咁o係出面挨生挨死, 都係想屋企o個件有得食有得著
但屋企o個件就淨係識諗去買o的咩..去邊玩

我真係唔明依家o的90後咩思想
或者真係要佢o地一無所有先會學識珍惜

同uncle auntie飲完茶, uncle問我跟唔跟佢o地去深井睇樓
好丫! 睇下都無防..哈哈! 又可以有機會睇下o個邊o的樓

今日uncle睇個複式單位, view同size都唔錯!
呢個size真係平過香港區好多好多, 搞到我都想入一間放租

uncle問我有無諗過住呢度...
講真..真係無! 一直都係住香港區, 住慣o左..點都覺得o個邊好
就算買..都唔會for自住吧!

夜晚出o左CWB打邊爐..熱爆呢!!!
不過咁多人一齊打, 的確過癮!
uncle介紹o左好多friend我識, 大家都好o岩傾

打完邊爐仲扭我下場, 我當然奉陪啦!
大家興致勃勃去唱K

哈哈! 個個去到飲多過唱
早知帶佢o地上我間bar啦!

星期日兼咁好天, 當然要早o的起身出去MD下啦!
今日都好齊人啊, 個個都話好天要帶架車出o黎曬下

襯紅燈..落車影

thanks TK幫我影o左張正o野!

入到大埔食個早餐就走人
返屋企接Nat meet uncle auntie飲茶

好喜歡o係公司好忙, 放工又忙住去玩o既感覺
有o的人會問題係咪唔使休息, 抑或我真係咁貪玩
哈哈! 我都唔知, 我淨係知做人要work hard play hard

今日一早入o左Bob屋企玩, 又bbq..又GT5..又玩BB
到o左黃昏o的friend都陸續到

好鐘意Bob間屋house, 有船位..有車位..個view又正!
每一次去到, 我都同Nat講.."不如我o地搬o黎呢度"
不過呢度又的確係遠o左o的...

今晚大家傾o左多過去同將來
大家對自己都充滿信心, 充滿正能量
好喜歡大家o既信心可以感染到對方, 呢種力量好重要

o尋晚做到23:00先返屋企, 因為開會同唔到Nat食飯
Nat知我辛苦, 放工時已經sms我話返屋企有禮物收

我真係估唔到係佢...hahahahahahaha...
真係好開心! 我只係提過一次妳都記得
真係好多謝妳Nat Nat..i love u!

無返2日公司, 一返到去就連開4個會
真係人都癲@@ 個腦keep住咁轉轉轉

o黎緊下半年會有好多大project
全公司都要開turbo, 將每個大小project都做到最好!

o尋晚同Nat出o左去會好友yan yan
yan yan係我o係UCLA讀書時o既好partner
做o野認真, 玩時又玩得癲..哈哈!

佢之前一直都o係美國做o野, 依家公司調佢返香港
哈哈! 太開心喇! 咁以後就可以多o的機會meet喇!

yan yan間屋整得好舒服啊, 佢話at least都會stay o係香港3年, 所以想整好o的
今晚yan yan話佢親自下廚, 俾我同Nat試下佢o的手勢
o係美國獨立o左咁耐, 果然train出一手好廚藝啊!

食完飯, yan yan扭我出去night ride
唔講你唔知, 唔好睇yan個樣斯斯文文, 佢手車好過好多仔
以前讀書我o地成日都同o的鬼仔鬥車..哈哈!

一落到車場..咦! 估唔到yan yan都係揸C仔喎!
咁咪同我一樣..哈哈! 我即刻call多2個都有揸C仔o既fd出o黎一齊玩

去飲o左杯o野, 大家傾下近況..又一晚
we had a great night!