o尋晚出埋個post就出去接Nat
佢o尋晚同同事食飯, 又係講o的八婆o野時間..哈哈!
跟住去o左買yogurt食, 我同Nat Nat都超喜歡食呢間yogurt呢!

跟住就車Nat返屋企繼續OT
我就去夜蒲兼check下o的業務

返到carpark換車時, 突然飛o左隻o野落擋風玻璃度
嚇到Nat唔肯落車, 要我"處理"o左佢先肯落..哈哈!

哈哈! o尋晚個個都以為今朝唔使返工
好多人落o左o黎飲o野, 襯Friday Night, 我都落去湊下熱鬧先

23:00上到去已經80% full, 幾意外o波!
今晚仲撞到Suki, 佢帶o左班同事落o黎玩..仲全女班
大大話話都識o左Suki幾年, o個陣我o地有段時間一齊玩得好癲
之後佢俾公司調o左上大陸做o野, 就無再一齊玩

呢年佢又調返o黎香港, 但大個女o左..都無再玩得咁密
o尋晚見咁耐無見, 當然坐低同佢飲返2杯聚聚啦

]

大家傾o左好多近況..事業..愛情..大計咁
原來佢o係大陸同o左個都係俾公司調o左上去o既男仔一齊
個男仔細佢少少, 個title亦無Suki咁高

Suki話自己最近唔開心o既都係因為覺得佢男友唔係好明白佢
始終覺得佢諗o野仲係好唔成熟, 但另一方面亦有佢o既可取之處
傾傾下先知"另一方面"係指床上功夫..哈哈!

估唔到個衰妹大個o左仍然咁大食
以前初初識佢無耐, 同過佢一齊一排, o個陣已經見識過

傾下傾下都4am, o的人都走得7788
咁就車佢返屋企, o係佢樓下又傾o左陣
大家都覺得對方變o左好多, 亦覺得o個陣一齊只係timing唔o岩
umm...咁人係要向前望o既, 更何況呢個世界無o野係最好, 只有更好

講o左咁多又玩又拍拖, 個個都覺得我好似唔使做咁
我都想唔使做有錢使有o野玩, 但人又點可以咁懶o架呢
要有好o既享受, 就一定要努力做o野

自grad.之後, 打o既工都係關於create o既工種
做過production house, media, 娛樂, 電影等field

o係2年前開o左間PR公司, 專營幫o的公司搞event
初初做, 無論大細brand都殺, 務求o係market上攞o左一定o既名聲先

個個人都會覺得做老闆好過癮, 鐘意幾時返工都得
但其實壓力大到爆! 開講都有話"力不到, 不為財"
打工o既點會同你咁搏丫, 就算分紅始終佢o地都會覺得最大o個份唔係佢袋
我都打過工, 所以好明白打工仔心態

所以開呢間公司時, 所有rules同benefit我都有企o係staff角度諗完先set
我唔可以話自己係一個100分o既老闆, 但at least我可以做到同staff打成一片
佢o地有咩advices/ideas都唔會怕同我提出

有時o的project無咁趕, 咪請下佢o地出去happy hour囉
大家一齊玩下, build up多o的歸屬感同凝聚力, 咁做o野先會有power

有時玩車又帶埋班仔出o黎玩, 識多o的人
等佢o地個視野wide o的, 同o的客傾o野時都多o的o野吹嘛
依家"lum"客唔係sell橋就夠, 第一下係要catch到佢o地, 令佢覺得你係得
咁先會將o的project交俾你跟, 放心俾錢你盡情去搞

每個人o既小宇宙其實都係無限大
只係睇你有無好好咁俾空間佢發揮

第2朝起身, 同Nat互望o左一下, kiss o左一下
個感覺係前所未有咁sweet, 有咁心動o既感覺
之前同過好多女仔一齊都未試過有呢種感覺

初初好多人都話我o地唔會長, 邊有咁多一見鍾情
但緣份o既o野就係咁奇妙, 我o地都唔知點解會咁..哈哈!

記得我o地第一日拍拖, 都係去返石澳食tea
仲傾返好多o尋日對大家o既感覺, 個感覺好得意
一日之隔..我o地由唔識到一齊o左, 好似發緊夢咁

食完tea帶o左Nat去接我部新車車
哈哈! 我仲同車車講佢有mami接好幸福
Nat Nat就話有新車車接佢仲幸福, 傻瓜!

就係咁, 我o地簡簡單單就過o左拍拖o既第一日
之後一直都一齊得好開心好幸福
希望以後都會係咁呢!

講o左咁多自己, 又講下我同Nat Nat啦
好多friend都話我同o左Nat一齊後就收心養性o左
佢o地成日都話我無以前咁活躍

其實都唔係丫,,只係當認定o左一個人, 就想定落o黎令對方安心
不過我知Nat仍然都覺得我好貪玩, 不過比以前好o左好多呢..哈哈!

我同Nat其實都係朋友介紹咁識
有日放假無o野做, 自己一個揸車入o左石澳hea
一入到carpark見到Jeff架車, 就即刻call佢啦
原來佢同班舊同學bbq緊, 仲問我join唔join, 咁見無o野做..咪去join下囉

佢o地都好大班人gathering啊, 男女加埋都有十幾人, Nat係其中一個女仔
去到坐低, 燒下o野食..吹下水, 記得o個日Nat無嘜出聲, 感覺好cool咁
呢o的女仔我係特別buy, 因為佢唔會特別整色整水去引人注意

傾耐o左..大家都warm up晒, 就齊齊落沙灘玩又影下相咁
玩緊期間, 同Nat有o的身體接觸, 大家對望o個下真係有o的觸電o既感覺
之後當然更加留意佢啦, 仲特登叫Jeff幫我o地影多幾張合照o添

玩到差唔多9pm, 佢o地就話出尖沙咀飲o野
記得o個我日揸o左SLK, 得2坐..所以順理成章只有Nat一個可以坐我車走

上到車, 我當然唔會錯過呢個獨處o既機會啦
所以都特登唔揸太快, 慢慢遊住車河同佢傾偈
有意咁chok下佢有無男朋友呀o個o的, 好在仲係single

o個晚一行人去o左棉登徑飲o野, o個晚間bar都幾多人幾熱鬧
大家都玩得好投入好開心, 大家飲多o左幾杯都玩得好free
當然o個晚一直都痴住Nat玩, 無俾佢"離開"過我啦

玩到差唔多3am, 大家都開始累, 陸陸續續都散
Nat亦醉醉地, 問佢住邊佢淨係識笑又唔答我
佢o的friend個個都話淨係知佢住邊區, 我又唔想用佢電話打返佢屋企嚇親佢屋企人

咁又係順理成章咁, 車佢返o左我屋企
我沖o左杯熱茶俾佢, 俾o左條熱毛巾佢敷面
佢好快都酒醒, 我問佢使唔使送佢返屋企, 佢又話唔使
咁我就話..不如妳去沖個涼舒服o的咁睏啦

大家沖完涼出o黎坐o係個廳度睇電視傾偈 (其實半夜三更鬼有電視睇咩)
唔知點解2個都好似唔眼睏咁, 傾傾下大家有一下眼神接觸...
就係咁..我o地就開始o左

今日實在太得閒了, 望住出面呢一片天
再伸一伸隻手出窗. 真係唔想做o野
既然係咁..再打下我o既過去俾大家知

以前讀書時一o的壓力都無, 可以話要嘜有嘜
所以好多時都成日出去玩, 玩到勁癲都有
身邊所謂o既女朋友亦轉得快到連名都唔記得

o個陣o既生活可以話係要幾複雜有幾複雜
記得有幾個女仔真係好好, 自己又唔識珍惜
白白浪費o左人o地o既心機同時間, 依家諗返都覺得好唔o岩

o係facebook睇返好多舊相, 諗返起好多o野
o個陣襯daddy未租出呢間屋, 所以就成日帶o的朋友上去玩
個情景同套"喜愛夜蒲"差唔多, 女..酒..醉..玩..樣樣齊

好多女仔亦因為見到我呢o的所謂佢o地眼中o既筍盤而投懷送抱
真係莫講話拍一星期拖, one night stand絕對係好容易就咁發生o左
依家諗返都覺得自己o個陣o既生活好恐怖, 朝朝起身都有唔同人睏o係隔離

o個陣覺得自己後生, 應該及時行樂
好在我錯過o既o野唔多, 有o的o野錯過o左好俾我追得返
否則一定後悔死..哈哈!

開開心心又一個星期
自從開o左呢個blog後, 好多friend都話我好住家男
我就覺得一半半啦! 我有好認真o既時候, 亦有好o靚仔o既一面
畢竟我都只係26歲仔, 太成熟都嚇親人啦!

今朝送完Nat返工, 約o左個partner去食早餐
同呢個partner傾o左好多o野, 我o地識o左around 3年
大家都係之前落pub friend "lung" friend咁識

識落覺得大家o既aims同做人態度都好相似
所以就一齊plan合作搞下o的生意仔做

我呢o的咁爛玩o既人, 當然唔會做o的悶o既生意吧
同埋呢個partner本身識好多賣酒o既人
所以好順理成章咁開o左間細細o既bar

呢幾年一直都做得唔錯, 大家亦合作得好愉快
亦希望o黎緊呢年可以由樓上舖專做熟客, 搬到地面做埋生客