己轉了新日記 :

http://www.xanga.com/cstim

今日 hea 了整天, 1 點幾時起身... 食炒飯

然後玩電腦...... 玩到累時又訓覺

夜晚本來同今日大陸黎的親戚食飯, 但係佢地架旅遊車壞左......... 佢地黎到果陣都成 9 點~

食到 11 點先完....... 好耐未試過咁夜食飯, 餓壞了

然後同麻麻搭車返屋企........大陸親戚比左 100 蚊我.......

今日下午 yim 打黎話升到原校, congratulation!!!

my brother 今日返左黎, 有糧出了....... 銀包唔駛得番 6 毫子...........可以去買書了

今朝好早起身, 9 點幾, 因為要打電話關心下 repeat 同 rekate 的同學~ 好開心 repeat 的同學大部份都升到~ 希望肥雙盡快搵到好歸宿la.... 佢都只係差 1 分......

retake 的同學都有人升 grade, 就算升唔到都好多 keep 到原本個 grade~ 好似暫時未聽過有人跌 grade... yan, 世傑同劉桂陽今次拎到 C~ 恭喜

不過今年何中 overall 都考得唔好, 理科竟然有咁多位剩.......今年係呢幾年何中第一次理科要收外校生, 係繼今年AL 外一個打擊.....希望到我地果年 AL 會考得好la~

今年比較突出的係許銘同學, 竟然有23 分~ 真係估佢唔到~ 不過會考只係一個小考驗, 根本測試唔到你d 乜~ 會考高分去到 AL 都可以好低分, 相反低分的都可以變番高分~ 希望升到中 6 的同學記住呢一點~ (其實大家同年, 扮下長輩先~ )

一諗到以前的同學要係來年一齊對抗 AL, 就覺得好興奮~ hehehe~ 雖然唔係一齊考~ 但係一齊感受果種氣氛都已經好好~ 期待係來年見到大家

今朝周圍打完電話後就睇電影, 魔盜王第 1 集~ 好似冇第 2 集咁好睇...... 第 2 集好笑d

因為太早起身~ 下午訓覺~

今日係 8/8, 係一個 special day, 因為我同 han 已經一齊左一年了~ hohoho

朝早同 han 去左睇戲--- 加勒比海盜: 決戰魔盜王~ 好好睇~ 有好笑位, 有驚嚇位, 雖然片長 2 個半鐘都唔覺得悶~ 等我搵番第 1 集黎睇先~ Johnny depp 好搞笑

然後食 KFC 做 lunch, 個雞胸勁大舊~ 食完後好飽... 然後再周圍行... 行... 行

行左潮流特區, langham place, 飲左杯野...... 然後去商務同漢榮買書, 再行潮流特區, 再返去新世紀廣場.....a tiring journey.....

經過今日後, 我身家得番 6 毫子~ congratulation~ 由去完海洋公園之後, 我已經陷入山窮水盡的地步... 唯有等brother 去完 camp 返黎打救我吧

搭火車時睇新聞, 今年有成 25 個 10A, wtf..... 初時睇到都有d 擔心我地ge 大學學位會比尖子搶晒, 但係返屋企再睇番, 6A 或以上人數反而比上年更少~ 大家可以放心

今日行街時撞到呂志豪, 佢話佢勁有信心...... 勁有信心升唔到 ? haha~ may god bless him

聽日放榜, I wish all repeat 的朋友仔同埋 retake 英文的同學 good luck..... 希望你地能有好成績 !

頭先 8 點鐘望出去都冇乜人熄燈.... 今次 ' 香港熄燈 ' 行動晒氣了, 我屋企都冇熄~ 因為食緊飯~ 我唯有熄房燈, 當一個小小響應吧....

遲d 我都可能會隨波逐流轉用 xanga, 呢個日記係時候 byebye 了 

今朝同左 so sir, cream, yip, 珊珊, yim, yan, 慧慧去唱k~ 今次份到一間超大ge 房..... party 房............. 我地 8個人坐晒都仲有勁多位剩....梳化可以再坐多 8 個~ 計埋中間d 位, 可以再坐多 10 個...但係仍然係得 3 枝咪...

因為人多, 可以唱成 3 個鐘~ 我地由 10:45 唱到 1:45~ 好耐都未試過咁大班人一齊唱k....我都唱左少少~

個 lunch 真係食到我好飽.........

唱完 k 之後, 女孩們去左睇戲.... 男孩們就返屋企~ 男孩們大家都有自己的原因~

返到屋企後又訓覺了..........ZZZzzzzZZzzzzz