今日又放假，約咗阿C去踩單車，佢一早入咗上水比咗D嘢我先，跟住我地去食早餐，食完就去大埔租單車。而家都要成$60全日，好耐無踩，都唔知平定貴。

我地沿住吐露港踩出沙田，全條路都唔同哂，真係同以前完全唔同。大約一個鐘頭到啦，已經踩到出沙田，我地就去肯德基買嘢去公園食。食完嘢就開始回程，唔知係咪好耐無踩呢，個"籮友"好痛呀! 踩到大埔都已經四點，我地就踩咗去大埔海濱公園，入到去見到好多人放風箏，我地都落車睇咗一陣。之後再四圍踩多一陣就還車LU~~

之後去咗買零食，買完就搭車返上水。因為阿C今晚約咗人食飯，所以坐再一陣就走LU~~我送佢搭火車，跟住就去咗同阿謙、蕾打邊爐。

放完兩日假，之後又放兩日假，今日好應該係無心機返工既!

今日返工都無咩做，因為好急既嘢都已經做哂，唔急既嘢又唔會想做喎，所以今日都係同D阿婆吹下水~咁又一日。

放工就返屋企食飯，一家人齊齊整整咁既好呀~

放兩日假真係好。

今日阿C早晝要返一返工，但係我都未起身佢都已經話走得，咁佢就入嚟上水搵我。

佢入到嚟就同佢食嘢，跟住就返屋企LU~ 睇下電視，打下機。佢係我屋企食埋飯，我先送佢走。

今日好舒服，無乜壓力 !

一個月以來既辛勞日子，去到今日終於都畫上一個句號。 因為我今日放假!!!!!

十一點幾就起身，跟住就出去搵阿C，同佢食晏~~~ 跟住就行下街~ 因為阿C6點要去做 嘢，所以我地唔可以離開尖沙咀。

我地去咗藝術中心睇嘢，嘩~~嗰個展覽真係好正，從中學到唔少嘢~ 行完就去咗打機，過一陣阿C就去咗做嘢，咁我一個人繼續打機，打到佢返嚟。

跟住就同佢食飯，食完就返屋企LU~~ 因為阿C聽日要返工，所以早D同佢走。

今日要幫另一個部門做嘢，要我8點半就去到油塘地鐵站，重早過平時呀~~~~

盡時8點半就去到，我個同事打比我話佢食緊早餐，叫我自己行一陣先，轉個頭再約我，你早d講丫，等我都去食嘢嘛。 咁我唯有行下啦，油塘~~~細個成日都係度出現，因為阿嫲以前住油塘，細個差唔多每個星期都會係度出現，但係自從政府要收樓重建後都無返過嚟，真係原全唔同哂，只係得少少地方有d印象......呢種感覺唔係幾好，好想去記返起，但係記幾都記唔到~~

行咗一陣同事打比我，約咗我係個商場等，咁我行去搵埋佢地就開始今日既工作。今日要同一班小學生入camp玩下.......就係咁簡單。行緊去學校時候，我個同事同我講 : 今日呢就有三個小朋友都叫做家豪，有一個重同你同名同姓添。我既反應我好冷靜咁話 : 我都估到會有d咁既事發生。

今日要同佢地去西貢個唔知咩營，主要目的係教佢地點做一個有人既有，點樣去思考。試問一個無用既人又點教人做一個有用既人呢? 全日都陪佢地一齊玩、一齊諗、一齊食，真係好開心! 大約三點到就要回程，返到油塘四點到啦。

約咗阿C今晚食飯，出到尖沙咀都只係四點幾，所以上咗阿媽公司玩下。等到阿C收工就去接佢，跟住我地行完街就食飯。