開工大吉...... 年初四就要開工~ 有好有唔好啦~~~
返到公司就梗係同老細拜個年先啦，跟住就袋返兩封利是。之後就陸續有d阿婆上嚟，咪逐個同佢地拜年囉，真係人都軟埋~~ 全日就一路做返d公司嘢，一路同d阿婆拜年。
今日準時收工，去咗尖沙咀搵阿新佢地。因為今日要同新哥賀生日。搵咗阿新、佳，再等埋詩姐，就沖落旺角，再join埋蕾、Doris、Yan，就直入Green Box。今日把聲唔係幾好，所以都唔係點諗住唱歌。一入到房大家第一件事係......食~~~好似餓咗幾年咁! 跟住先開始唱歌! 當中不乏歌舞表演，係近期小有既佳作。
而家大家可以投標選出今晚最精彩既節目：
1. 搬屋 ~ 由家豪同阿佳演繹 _ 主要講述詩姐即將要離開輝哥屋企既心情。
2. 明星 ~ 由家豪同阿佳演繹 _ 最精采既地方係"橫蠻的她 常為了小東西吵架" 唱去歌手各自心中既對某人既心聲。
3. 一生可求 ~ 由阿佳演繹 _ 阿佳向電話內既Yimmy唱出，盡顯情懷。
4. 極樂 ~ 由家豪、阿佳、阿新演繹 ~ 可以話係全晚既高潮所在，各人一路唱一路跳...全情投入，令在場fans也進入忘我境界，當中更有fans扲出相機影相留念，更有fans拍低片段。
~~~由而家開始大家可以留言(寫低號碼、原因)，各自選出大家既心水，寫得最好既...有機會得到豐富既獎品~~~ |
