今日返工就真係不得了囉，全日...由返工到放工，都係得我一個人，正喎!! 其他人全部出哂去做嘢，爽呀!!

準時到咩咁收工，出咗去搵阿C。跟住就返觀塘APM食嘢，"白木屋"都OK，幾年前係日本食過，都係日本好食D。跟住就四圍行咗陣，行到無咩想行既時候，我地就上咗去McDonld買杯嘢飲，係度打PSP，一打就打咗兩個鐘。打完就落返去搭車送佢返屋企!!

今日一放工就返屋企lu~~

阿媽話佢同老豆係旺角返緊嚟，當時係6點鐘; 但係我等到8點幾佢地都重未返嚟......乜旺角搬咗咩? 定係我地搬咗呢?

再等多陣，終於都收到電話喇，我就嗱嗱聲落樓食飯。好耐都無試過一家人出去食飯~~~

食完就返屋企lu~~

今日真係忙到廁所都無時間去。一返到去連早餐都無時間食，一直到十點先可以食。

跟住就不停咁同d阿婆唇槍舌劍，因為要同佢地開會，煩到咩咁.........

上下晝都要開，又有好多嘢入電腦，所以到5點都未做哂，今日要OT~~~

放工就返屋企，發覺無飯食，好彩有人搵我食飯。8點幾落咗大家樂同阿蕾、新、詩姐十下十下。食完就送詩姐搭巴士，跟住就返屋企。

今日返工好快咁做哂d嘢，因為我下晝又要入camp。 今次只係day camp唔使過夜~~~

十二點幾就係粉嶺搭車出荃灣，出到去先食嘢。食完就搭車入"曹公譚戶外康樂中心"，呢個營又真係未去過喎!! 個營係座山上面幾特別，而且個營都幾靚!! 真係諗住自已攪返一次!!

至於今次要做既嘢，同上次好唔同，今次係就係有幾個老師跟住嚟，但係佢地好唔投入，將成班學生交哂比我地就算，理都唔理下佢地。都唔知佢地想點!!

同佢地玩到5點30到，跟住我就同其他兩個同事一齊走。真係好凍，又大風......重要落雨添!! 可憐.........

阿C收工去荃灣搵我，我地係地鐵站等，搵到佢之後，我地就去行街。因為落大雨既關係，我地都無咩心情行，之後去咗食飯食完就搭車返觀塘，送佢返屋企。

今日係放假，本來今日有比賽，但係取消咗~~

唔緊要，有街去。

約咗阿C去旺角行街，行行下我想去睇犀照，但係見到阿C個樣好似好驚咁，本來都諗住唔睇，但係我又真係好想睇，跟住佢又話想睇，佢死人都話要去睇，其實佢係知我想睇，所以佢先陪我睇!! 多謝佢~~~  其實套戲都真係唔錯，可以話係近期既佳作。正!!!

睇完戲跟住就返觀塘食嘢，再跟住就上山。