放完4日假，今日返工......，其實我而家返工都已經無咩做~所以返到去都係上下網，同d阿婆玩下咁又一日。

放工~出咗去搵阿C，阿媽今晚請我同阿C食BUTTET，7點鐘我地去到"美麗華酒店"，呢期呢度攪緊"全蟹宴"，咁當然重有其他嘢食啦~ 總括嚟講，正!!

之後，爸媽就自己走，我就送阿C返屋企。

8點幾起身，攪下呢樣，攪下嗰樣，9點幾先出門口，10點去到迪士尼門口。

入到去......真係咁細既。

係入面玩咗8個鐘，一共玩咗6次"巴斯光年"、3次"Space Mountain"、睇咗3個show、其他既嘢都玩過哂，重比我發玩咗個識行識走識講嘢既垃圾桶，幕後既控制員。

總括嚟講，入面都係開心既。

玩到7點幾，走lu~~返到觀塘食埋嘢，就返屋企lu~~

24 ~ 已經過咗24次生日。23至24歲呢一年發生咗好多事，有好多嘢都改變咗......一年前既我估唔到一年後會變成咁~ 但係無論點都好，生活都係一樣咁過，我依然係我!!

今日約咗阿C12點半到係旺角等，我地去咗食晏，食完行咗一陣街，跟住就入迪士尼。

今日天氣好差，好大霧，成日都落住雨。大約三點到，我地到咗迪士尼......個門口。好大霧，咩都睇唔到。跟住就行去酒店，大約十分鐘到就會行到去。但係並唔係我地住嗰間，因為唔識路既關係，所以我地都係搭車去。

去到酒店，阿C就CHECK IN，我就四圍行，都幾靚喎。上到房，都唔算好大，正常SIZE，但係D裝修就唔錯。

安頓好之後，我地就落去四圍行下，可能係閒日既關係啦，都無咩人。我地玩咗一陣，影下相咁。最後決定去青衣行街。

其實青衣都無咩行，咪又得個青衣城。我地咪係青衣城行街、食飯、重差D睇埋戲。行到9點到就返迪士尼LU~~~

今日要比賽，起身既時候......個天都好黑喎~~~係咪會取消嫁? 行緊去搭車既時候，收到球會既message，諗住都係會取消啦，點知佢話比賽如常，仆街~~~

今日係大埔比賽，對手係"深水埗"，依然有正選打，但係依然輸波。

比完賽之後同幾個隊友去咗食嘢，之後就返屋企lu~~~

返到去沖涼，跟住瞓咗一陣。之後就出街食飯。阿嬸同我攪生日，一行四人去咗美心食飯~~正~~

食完咗返屋企lu~~~

今日放假，將會連放4日，真高興!!!

今日一起身，就立即沖涼走人。出咗尖沙咀搵阿C，同佢去咗北角"焱記"食米線，真係勁正!!! 小食又好味，掂呀!!

食完嘢我地就過咗上環睇展覽，係一個"性"既展覽。我重諗住會有D咩睇，點知真係有D失望，佢主要係SELL用品。無咩興趣~~~~

之後就落咗銅鑼灣行街，行到6點幾7點就送阿C返屋企~~

之後就約埋BEE狗一齊入大埔，入到去都未夠9點，但係上水出發既就約咗10點，重有咁多時間，咪同BEE狗行下街囉。行咗一陣，就約埋阿謙。三個一齊坐係火車站等人齊。等到十點幾，終於齊人。