真係多假放到咩咁呀?

今日就約咗阿蕾、謙、佳，一行四人走去攝太歲。因為大家都唔識點做，所以中途攪咗好多攪笑嘢。其中最精彩既嘢係，張小姐化身特技人，為我地表現"火燒人"。跟住我地就求籤，唔知點解我求極都求唔到既。幾經辛苦都跌咗一支出嚟，支籤話.......我會比人呃~~~我係求事業喎，咁都有得比人呃???

跟住我同阿佳就送阿蕾返工，一齊去買咗隻電眼。我同阿佳就上咗阿蕾屋企攪嘢，一開門.......嘩..........攪完嘢阿佳就過咗我屋企，我地打機打到差d停唔到手，並唔係咩新機新games喎~~~

等到八點幾到，咁我、佳、新 、蕾、詩姐就上咗新街巿食飯。大約食到十一點幾到就食完lu~~~

尋日就五個人返工，今日就得兩個人返工，所以"齊人之福"真係唔易得到。

放工約咗去踼波，但係約幾都好似唔夠人咁，好唔容易先約夠五個人。點知去到既時候，臨時有一個人唔到喎，仆街~~~~ 得四個人踢咩呢? 好彩對面就有一個人多咗，如果唔係都真係唔使踼。

踼到十點幾，我地有一個人話唔踼要走，咁走囉。睇下個電話，見到阿蕾搵過我，我咪打返比佢囉。一聽佢把聲.......跟住就搵埋阿謙一齊去火車站等佢，一見到佢個樣......跟住去咗海港打獲甘佢(邊爐)。

點知突然胃病，病到要去買藥食。食完藥又真係唔痛喎! 咁就梗係繼續食嘢，隊下酒咁啦(我已經唔記得咗自己食咗藥~~)! 起初都無咩事，坐多個幾鐘~~~仆街喇~~~作嘔添!! 行返屋企既時候，嘔埋!! 辛苦到咩咁呀!!

***凡事太盡，緣份誓必早盡！***

呢排放假都真係放得太多喇，都放到無咩心情返工。但係今日難得齊人返工，就即管比d精神啦。

放工就返屋企，等阿媽返到嚟就同佢出街食飯。同佢上咗新街巿食，都ok丫~~

食完飯就返屋企lu~~~

成十一點先起身，又係諗下煮咩食。

諗完就開始煮，跟住又係一路睇碟一路食嘢。

晏少少老豆老母返嚟LU~~~吹咗一陣水~~~跟住就同阿C出咗沙田食嘢，又行咗一陣街，跟住就送佢返屋企。

今日同阿C去行山，無錯喎~又係行嗰個山喎~因為我只係識行一個山!!

我一早起身就整定D三文治上山上面食，換埋衫就出發......食早餐先，之後先行!

今次行咗兩個鐘到啦，就行到最高點，比我想像中快咗，可能因為都行慣咗LU~~落返山後就車返上水食晏，之後就去買餸今晚煲湯煮飯。重租咗兩隻碟睇添。

返到屋企沖完涼就煲湯先，之後再攪好哂所以要煮既材料，終於都可以休息下......瞓咗一陣。

起身就開始煮飯，跟住就一路食嘢一路睇碟，睇到十二點幾就瞓。