今日返工，一直都無咩特別嘢，順順利利咁就收工。

放工又無約人，所以就返屋企食飯。本來都諗住今晚會係屋企過，點知......突然間電話響.............我收到一個令人難過既消息。點解??? 我就打比阿新睇下佢點，佢話佢返緊嚟....好!! 我好明白佢而家既心情，因為係大半年前......我都係咁，而且重比佢嚴重。約好咗係火車站等佢，一見到佢......記憶中好似無見過佢咁既樣。同佢過咗上水中心對開公園，同佢傾下計，了解返件事。明明應該係兩個人安慰一個人，點知到最後係......我一個人安慰兩個人，唔緊要~我應付得嚟~~話哂都係專業社工。晚少少阿謙都到埋，傾多一陣阿新話走，咁佢就走，我、阿謙、蕾就食宵夜。食完就返屋企瞓。

當你愛一個人的時候，你可以用愛包容他的一切。然而，當你不再愛一個人的時候，你會把他所有的缺點和壞習慣放大、放大、再放大，大到罪無可恕的地步。

今日九點幾就以經起身，因為十一點就開車出發比賽。呢個時間好差，都真係唔知食唔食嘢好，點半鐘就開波，十一點開車，一早起身又食唔到D咩，唔食嘢就到等到三點幾四點先有得食......到最後我都只係食咗二個包仔。

十二點到就去到球場，坐到咗換埋衫就開始熱下身猜下波咁。今日得好少人嚟，直到出場前都只係得十二個人。我等咁耐就係等呢一刻，我終於可以正選出場。我心諗呢次就係我上位既時候!!!!!!!!

今日既對手係油尖旺，係前列球隊，我地就係中游球隊。今日打左閘，有得打就咩位都唔理LU~~~雖然呢個唔係踼慣既位置，但係自問今日既表演都算係特出。因為對手見我生面口，諗住我會唔多掂就係我嗰邊攻，就係咁我就多咗好多表現自己既機會，雖然都有少少犯錯，但整體講，都算係好!! 賽後都大受好評!! (好似講到自己好勁咁添，但係無吹水!!!)

踼完換返衫就落旺角搵阿C，約咗佢去買嘢(係我既生日禮物 PSP~) 真係多乜謝哂佢呀!!!

6點幾到上咗去老闆娘CRYSTAL到飲嘢，都真係好耐無見佢。上去飲下嘢、傾下計、玩咗陣，咁就8點幾LU~~~

跟住再同阿C行多一陣就返觀塘食嘢，之後就送佢返屋企LU~~

今朝要返工，尋晚辛辛苦苦做既嘢，我老細今日同我講話唔要喎~~  

今日要上阿C到拜年，所以放工就出咗去搵阿C，同佢係尖下咀四圍遊咗一陣，食下嘢咁。跟住就返觀塘APM 買定飛睇戲。之後買埋拜年既嘢就去搵爬山車上山。上到去佢阿爸就唔係度，佢阿媽就瞓咗一半……坐咗又玩咗一陣，跟住就搭車落咗淘大行下。再食咗少少嘢，跟住就返返APM睇”TOUCH”。其實成套戲都真係唔差，因為個故仔好，但係相對起嚟睇，漫畫好睇好多，套戲有部份都無跟原著!

 睇完戲去食鳥冬，食完就送佢返屋企LU~~~又上山

由於呢排真係放假放得太多既關係，真係唔多想返工~~今日開咗一個鐘OT~~都好耐無開過OT~~開下都好既，反正今日都無街去，咪儲返D OT囉，而家都只係得返廿幾個鐘。

放工就返屋企，點知又無飯開喎，咁咪自己煮嘢食囉。跟住就沖個涼又呆咗一陣，一邊做埋D公司嘢一路玩MSN。跟住瞓!

今日就勁喇~~~~首先十點起身，打埋比阿佳、謙叫佢地起身。之後就沖返個涼，換件衫就出門口。

大約十一點到，就約埋阿謙、佳係火車站等。一落到月台既時候：由於粉嶺火車站有人比火車撞到，所以往火東方向既列車將受到影響，不便之處，敬請原諒!!

搭咗差唔多一個鐘先出到沙田，我地就先去戲院買飛睇"霍元甲"，買完飛我地就去GREEN BOX做歌神。

一入到房，我地咩都唔理，嗌嘢食。跟住我地既演出就正式開始，今日主要都係以舊歌為主。其中最精彩既一幕係........阿佳唱"勁歌金曲"既時候，每一次到佢唱嗰段都......"中"呀!!! 唱咗兩個鐘到，係時候走喇，到最後我演繹"命硬"嚟完結呢個節目，可以話係實力之作。

跟住就"呵呵哈嘿~我就是霍元甲"。

睇完去咗KCF食嘢，跟住上CITY SUPER搵嘢，但係搵唔到!!

之後就各散東西，我去尖沙咀搵阿C。同佢行咗一陣、打咗陣機、食咗少少嘢，跟住就去九龍公園打波。

打完都係9點，我地就落咗旺角行一陣，跟住就送佢返屋企。