經過咗差唔多一個月既辛勞，排山倒海既工作終於都暫告一段落。

尋晚咁夜先收工，今日得我一個人無得放假。老細放全日、兩個同事返上晝放下晝、一個同事放上晝放下晝、我返上晝同返下晝。
唔公平喎，但係我呢d做細既，又邊有得話事呢?

原本今日應該要返去交功課，但係我放工要去油塘做嘢，所以返唔到，唯有下星期先交返!

今日上晝放假，所以瞓到成11點先起身......呢覺正呀~~~

老母今日無返工，所以就同佢食完晏就返工。

今日公司攪團年飯，返到去開會傾咗今晚既RUN DOWN 跟住就執埋D嘢出發去酒樓。我又係負責音響，去到就SET機，試音響，幫手彩排，攪一輪都已經要開始節目。

話明攪團年飯，當然我同幾個同事都係負責攪，係無得食既 ! 慘~~~ 攪就成晚，終於都到壓軸表演...................中心職員歌舞表演 "黑夜豹妹" ......係由中心女職員伴舞、男同事扮豹妹....... 重要帶假髮、眼罩、重要著一件釘滿珠片緊身黑色小背心......勁......我一上到台就同其他豹妹係度亂跳，之後就爆衫，再之後就爆波，一世難忘!!!!!

表演完後，就繼續攪埋個節目，大約九點半到，攪掂哂。重要執埋D嘢返公司，攪到10點半終於收工。

買D嘢返屋企食，跟住瞓。

尋晚攪到2點幾先返到屋企，撞你個鬼。

行李都無執就沖涼瞓覺，今朝起身先執嘢。晏晝約咗阿蕾、謙食飯，原來係尋晚既，但係太夜所以改咗今日。

由於都重有野想買，所以我地今朝起身再去原宿一次。今次主要想去"BUZY WORK SHOP"、"ADIDAS"、"NEW BALANCE" 我地九點幾十點就去到。行去 "BUZY WORK SHOP"重未開門，但係已經有人係門口排隊。我地見到咁樣，就梗係行第二度先啦，點知佢間間都未開喎，咁我地就去飲杯咖啡先，跟住再去過。由於"BUZY WORK SHOP"要排隊，我地梗係去呢度先啦。去到由樓下排到上樓上，你老闆多人到丫，見到D人買完嘢出嚟，個個都好大個袋嫁喎，唔使錢咁。排咗唔使一個鐘，終於都入到去，好多好嘢都己經比人買哂，所以我地買咗兩件衫就算LU~</p>
<p>跟住就去"ADIDAS"都係未開門，又等......好彩好快就開門，入到去打咗一陣XBOX 360 既FIFA，正到丫~~~~不得了呀! 買完嘢再殺去"NEW BALANCE"，買多對鞋，走LU~ 返到酒店拎埋D行李走去機場。我地搭返一個鐘"EXPRESS"去機場。</p>
<p>去到機場，嘩攪乜咁多人既 ? 寄行李咋喎~ 使唔使呀? 跟住聽到佢地話班機要DELATE半個鐘 ，去到櫃台佢話要DELATE 2個鐘，玩咩? 排隊寄行李都排咗半個鐘，而家又要我再等......但係都無計~~咁我地就係機場食下嘢、買下嘢、睇下嘢，好唔容易先等到8點~~~ 香港---->我返嚟喇~

今日起身食完早餐搭JR去淺草，跟住行咗去一間賣龍貓既專門店睇咗一陣。之後我地就行去雷門寺。 嘩~~~~使唔使咁多人呀? 有錢派咩? 之前都有嚟過，係門口影完相就行入去，門口距離間寺條路都好長，沿路都有好多舖頭賣嘢，都幾有特色。慢慢行~大約行咗十幾廿分鐘到去到個寺，係門口求咗支籤，幾好喎! 影完幾張相就沿路走LU~~

跟住我地就去秋葉原，因為我想扮"電車男"。我地係嗰度搵到一間全幢賣玩具既大廈，勁呀，真係好正喎，咩都有得賣，又新又好玩，去到頂樓重有"LOITA" SELL你買嘢添~ 正呀。 重比呇a叫我影相~ 行完就去咗食嘢 ~

跟住我地就去上野，一去到就去咗一間又係全幢買玩具既大廈，呢幢重勁~睇見都開心呀真係~~ 睇完我地就去咗隔離條街買手信，我地由街頭行到街尾，數完一輪，再由街尾數返上街頭。攪掂~ 返酒店 ~ 因為又好多嘢呀。

返到去我地將呢幾日買既戰利品舖哂係張床度，集體影相，精彩呀~~ 跟住就出去食晚飯，今晚我地揀咗食居酒屋，但係我地上咗好多間都好人呀，終於搵到一間無咁多人等，但係等咗我9個字囉......點都好啦，最終都入到去。D嘢都叫OK丫。

食完嘢行多一陣就返酒店LU~

電車男                                                        戰利品