今日起身，就即沖涼衫走人，因為我要殺出觀塘，接阿C去街，呢獲重唔嚇死佢。結果係企係佢屋企樓下食風囉!

接到佢，同佢去食飯，跟住走去銅鑼灣行街。

行咗幾個鐘，大家都係咩都買唔到，只係扭咗幾隻蛋。

行到七點幾就去咗食蕉葉咖哩屋，嘩~叫到成枱都係，幾開心呀!

到最後既時候，因為嗰件事攪嬲咗阿C，仆街丫~

一路送佢返屋企一路"乙水"都唔掂~~~慘!!!

今日要返工，都係做返D普通嘢~

放工約咗阿媽去探阿婆，都好耐無去過。最估唔到既係......阿婆已經唔記得咗我係變個..................

從來都無諗過有呢樣嘢會發生，真係對我打擊好大，覺得自己好不孝，係阿婆已經太老丫，定係我真係好耐無嚟呢?

.............................................

今日放工又要出去食飯，都唔明點解公司可以咁多飯食，今次都好D，可以同埋一班阿公阿婆一齊去食，起碼無咁悶先丫~

全晚都係玩，同班阿叔隊酒。咁就一晚。返到公司都成十點幾，返屋企LU~ 聽日重要返工呀!

放工出咗去搵阿C，我地約咗係油麻地等，因為今日係交功課既大日子。終於都交得喇，我真係好感動。

上到去搵阿SIR，話咁快就睇完。阿SIR話之前有幾個都交唔齊、有D又唔交、又有D重未交，所以重未可以畢業。

交完功課就同阿C去廟街食煲仔飯~~正呀!! 食完就落旺角行一陣，之後就送阿C返屋企LU~~

今日都繼續放假，呢排放假都真係放到悶。一係成個月都無得放，一係就個個禮拜都放兩三日。

今日都係屋企歎，執返好D功課準備聽日交、睇下電視咁~~

下晝去接阿C放工，同佢食飯，跟住就送佢返屋企LU~~~