哩個世界真係充滿住偶然同埋可能性..

係咁偶然既情況下都比我撞番你

雖然只係擦身而過   不過我知你認得我既

就好似我認得你咁...

估唔到咁就幾年.. 時間過得真係快

唉.. 唔怪得之人地話青春永遠都充滿住歡笑同苦澀

不過我既青春都就黎無咯 ..^^..

細個就好恨做大人.. 想要自由

但係依家就想時間行得慢啲..

哩種感覺個名係唔係叫矛盾!? 

唔好意思 @﹏@

特然變得咁感性tim

最新消息!!!

我個靚仔表哥前兩日去左台灣玩丫

好... 等佢番黎時同佢交流下先

因為遲d 就到我去架啦 

等我第時搵到錢.. 要去好多好多地方旅行

唔好成世都困於香港 !!!

琴日朝頭早時特然有人送郵件上門..

睇清楚d 原來係我個台證丫 ^﹏^

終於送左黎啦!!!

之前重好擔心張相唔啱size 會唔批

依家就唔使擔心啦.. 等6月5號攞埋本passport 就掂晒啦

↑簡單黎講.. 張台證係爛紙一張.. 不過又無佢唔得
   咁就無左百幾蚊..

↑d 死人證件相四十蚊四張.. >﹏<  咁啱果日我著左件黑色衫
   果個人就同我批左條粉紅色既野上博頭   勁搞笑...

~

今朝訓醒發現自己生眼挑針  成隻左眼腫起左 = ="

唔准笑丫.. 我唔係因為睇左d 唔應該睇既野而生

我諗應該係琴日走去游水時細菌感染到呱.....

我隻水汪汪既大眼睛 T_T

唔係啦... 都係要去睇下醫生...