啱啱終於睇完《14 歲的媽媽》啦!!!

真係幾好睇....

雖然無喊過但係隻眼都紅左幾次

一個14 歲既女仔有左不但無落左佢

就算面對住所有人既冷嘲熱諷都要生佢出黎

真係好唔容易~

係套劇裡面我見得到咩野係負責任咩野係母愛

真係幾有教育意義....

日本電視台果邊原來遇左一出街一定會收到投訴

重做好晒準備..

聽落都係幾搞笑!!!

遲d 無線都會播.. 唔知又會比佢地cut 左幾多 = ="
                                                (都係睇原版好)

到時唔知香港有無人會走去投訴呢!?

最後恕我係到大膽講幾句...

我到依家一直都唔係好明點解當初個個都話《一公升的眼淚》好睇.

類似哩d 主角患上絕症之後唔放棄咁去努力不懈生存落去既題材

我地唔係由細睇到大架咩!? 咁套野好睇在個女主角夠靚定係拍得好呢?

↑連張劇照都好有諭意.... 唔知你地睇唔睇得明呢!? @﹏@

依家睇緊藍淋 既《逆風而行》

好好睇......

不過未買第二集!!!

好想睇迷羊 既新書《愛的豹豹》

好想睇風弄 既《主子》

聽人講話《鳳於九天》先係佢登峍造極既作品

唔理啦~ 遲d 去信和全部掃晒番黎

我知我係到自甘墮落緊..

好想將以前買落果d 漫畫塞晒落垃圾桶

咩男女戀愛 咩學長師妹 咩窮家女有錢少爺

全部同我收儅啦唔該!!

可能hk 仲未有漫畫商代理耽美漫畫

所以每本都要比普通既漫畫貴成10 蚊

果日同靚靚表妹出左兩轉信和

買左幾本小說同漫畫

咁就幾舊水.....

就黎變成耽美敗家女!!!

不過我鍾意...