今日去左西九龍踩冰!!!
d 粉腸一個二個遲到成半個鍾
搞到我地好似企街咁棟左係到等...
入到冰場好涷~
竟然比我見到個成40張野既aunty 係個場
中間著住對冰鞋係到做瑜珈肩一字馬 = ="
真係一百歲唔死都有新聞......
之後去左食壽司
估唔到咁平重要任食
搞到我係咁嗌三文魚 ( 真係好正.... )
夜晚成十點先番到屋企!!!
無意中比我睇左果 "出" 《大國掘起》
個主持真係好勁 又有料幽默感又勁!!!
笑到我死!! 佢講既野真係可以成為經典...
==========================================
經典１:
荷蘭人既性格好真同埋好團結.. 會將鍾意錢既性格毫
無保留咁表現出黎..相反中國人就可以用一個假字黎代表...
起初只係一d 小人先會講假話...直至50 年代初期.. 假話已
經普及左全中國... 到70 年代假話已經變成假藥、假食物同
假貨....如果唔係外國海關既檢查嚴謹.. 相信中國早已經稱霸
左全世界... 因為大部份人都係比哩d 假野毒死... 中國就
唔需要再用武力去侵略!!!
============================================
經典２:
相信好多人都知道荷蘭花卉業發展已經相當薘勃... 你甚至
可以係荷蘭大部分既地方都聞到陣陣花香.. 而香港既公園
就有一個好大既特色.. 就係無花.. 相信香港人見最多花既
地方應該都係殯儀館條街...
============================================
真係笑死我~ 特別係最後果幾句說話.... 佢串人既功力相信已經爐火純青
到升得上神台既階段 = =""
| 
