| «‹ September 2012 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | |
|
2007 年 12 月 28 日 星期五  |
| 結婚週年記念節目 |
分類: 未分類 |
今日同老公一齊放假,我地帶左姮姮出太古城玩波波池,商場好多店舖都大減價,見到件毛毛衫好靚諗住買比姮姮,但問佢要唔要時佢就一手推開,最後就買左另一件岩佢心意既衫,而家既姮姮已經識得揀擇啦 .臨走既時候收到細妹既來電,原來佢係公司唔舒服,好在佢公司咁岩係太古城果頭,所以就接埋佢一齊返觀塘睇醫生,因唔想帶埋姮姮去診所,所以我就帶姮姮去堂家姐屋企等阿媽落黎,麗如(堂妹)今日亦都係廣州落左黎香港,同佢傾左陣,等埋老公同細妹返黎後,我就同老公出發去睇華仔演唱會,記得對上一次睇係3年前擺結婚酒後既一晚,所以睇華仔演唱會就成為我地結婚週年記念既節目啦,可惜華仔唔係每年都開演唱會 .
|
| 2007 年 12 月 27 日 星期四 |
| 皮婚 |
分類: 未分類 |
三年前既今日我同阿sam正式註冊成為合法夫婦,今年既結婚週年記念日多左我地既寶貝女相伴,好多謝上天比我一開始就遇到阿sam,佢確係一個好老公&好Daddy,我知呢幾年黎我都帶比佢好多壓力,煩惱,總覺得如果佢唔係同我一齊既話,生活應該會好過D.有佢係我身邊真係好幸福(除左激嬲我既時候).希望可以好快同老公建立一個屬於我地自己既家
|
| 2007 年 12 月 21 日 星期五 |
| MSHK Christmas Carnival 2007 |
分類: 未分類 |
Microsoft既Christmas Event 揀左係九龍灣國際展貿中心舉行，比起往年既Disneyland Hotel, Four Season Hotel,今年可算係最差既一年，Buffet既野食又唔算多，因此小左好多同事出席，５０幾圍有好多張枱都坐唔滿．有好幾位同事見到姮姮想逗佢玩，但呢個囡就好無禮貌咁打人，攪到我同老公都唔好意思，姮姮成晚係會場到處走，我同老公就輪流跟住佢，玩到１０點幾我地就走先，百幾份大大細細既禮物我一份都抽唔到...唉!
 
|
| 2007 年 12 月 16 日 星期日 |
| 朱記Open Day ; X'ams Party |
分類: 未分類 |
今日我同老公帶埋姮姮返母校,呢間中學有好多我同老公既回憶,學校無咩點變,但我地所熟識既老師就有好幾個都已經離職,一心諗住可以探下黃叔,但點知佢今日放假,同阿wing,阿明,瑤瑤係學校逗留無耐後就一齊搭的士過阿珮屋企開X'ams Party,姮姮係坐的士期間唔知做咩無啦啦對住阿ｗｉｎｇ發脾氣，我都係第一次見佢咁樣對人，攪到我都唔知點好，希望阿ｗｉｎｇ大人有大量唔好介意啦．上到阿珮姮姮又因為要自己揸住水樽飲野而整到ｄ衫由外濕到內，好在巧巧ｄ衫比較大件可以借黎著住先，姮姮真係越來越惡攪．．．我地睇住ｄ小朋友玩左陣後就食野＆抽禮物，好多謝Auntie珮送比姮姮既christmas gifts，今晚我地叫左好多野食，食飽飽後就抽禮物，好開心抽到我想要既Kitty暖水杯，因為第日要返工，所以玩到８點零鐘就同mei mei，阿康一齊搭的士返SMP． |
| 2007 年 12 月 15 日 星期六 |
| 打針 - 探Daniel 仔 - 尖沙咀影相 |
分類: 未分類 |
今日我同阿媽帶姮姮出旺角打流感疫苗針,呢支針total要打兩次,BB時唔怕打針既姮姮而家入到醫生房就已經喊定先啦,見佢喊到咁可憐心都痛ar,但為左健康著想都係要打ga啦,今次醫生幫佢打係pat pat位,另外亦比左d去瘀藥膏搽臉,4星期後再返黎打第2支,好快攪掂後我地就去kfc食野啦.
食完野後就過YoYo屋企探Daniel仔,呢個大力仔而家已經個多月啦,手長腳長,眼大大好可愛呀,同阿Yo既老公好似樣.姮姮今次係第2次黎auntie yo屋企,同上次一樣又留低d臭臭係度,仲要係剛幫佢換完片片先黎"柯",阿媽又只係帶得一條片出黎,好在阿yo屋企有d中碼片可以用住先,真係失禮晒呀,我地坐到3點左右就走lu,下次再見應該係過年既時候,到時郁郁B實比而家大更多呀.
今晚老公會早d走同我地再出尖沙咀影相,可惜阿珮出唔到黎啦,7點幾就同老豆阿媽係屋企出發,上到巴士無耐姮姮就瞓左lu,到差唔多落車先起身,本來諗住今晚可以影多d相,但點知老公都係未好識用部相機,影景時就唔錯,但當影人要再set過d野時就差得很啦,攪完一大輪最終都係要搵人幫手,同上次一樣食左成晚風都係得幾張見得下人.
|
| 2007 年 12 月 14 日 星期五 |
| 可憐姮 |
分類: 未分類 |
放工後係銅鑼灣買埋d聽日交換既聖誕禮物後先返SMP,上到車打電話返屋企時阿媽同我講話姮姮係廚房門口跌到,塊臉撞到門角瘀左,當我返到屋企見到佢臉真係瘀得好利害ar,呢個女無時停,真係睇小眼都出事呀. |
| 2007 年 12 月 9 日 星期日 |
| 型女姮 |
分類: 未分類 |
早幾日係yahoo拍賣睇到件kitty夾棉褸好靚,所以就即刻send email 比個賣家,件褸真係好靚ga,但衫袖就長左d,姮姮著起再襯條牛仔褲真係好型女呀
  
|
| 2007 年 11 月 30 日 星期五 |
| 尖沙咀影相 |
分類: 未分類 |
去年既christmas因姮姮太細以及我肥到豬咁無衫岩著既關係所以無出到去影相,今年我地一家就約埋巧媽一家& Stella提早出TST影燈飾,我地先係Pizza-hut食個dinner,飽飽後就去Elle買對之前已經睇中既鞋仔比姮姮,之後就當然唔小得去玩具反斗城啦,姮姮 & 巧巧都分別有新玩具呀,買完野後我地就行出海傍影相,對著兩個BB真係好難影到張靚相,最慘就係都未影到d靚景部相機就從腳架趺左落地,之後就再影唔到相,老公好努力咁諗住整番好佢,又問埋係海傍幫人影相ga攝影師,但都係攪唔到掂,好在我地兩家都各自有張可以接受既全家幅,之後就唯有用阿珮既相機影下其他既景色.行到新世界就各自坐車返屋企lu,我上到巴士睇時間先知原來已經11點幾,又夜又凍難怪巧巧會摟計.姮姮都係第一次去街去到咁夜先返屋企,當然返到去又被阿媽訓話啦,好在無冷親姮姮,唔係實比阿媽罵.
 
 
|
| 2007 年 11 月 26 日 星期一 |
| Carrie B-day |
分類: 未分類 |
Carrie,
生日快樂呀 ,又大一歲啦,快快加入我地靚太行列啦 |
| 2007 年 11 月 20 日 星期二 |
| 台灣4日3夜 |
分類: 未分類 |
我,mei,珮,盧既台灣之旅已經完結lu...放左咁多日假返到公司好多野做呢,所以我都無時間打番係台灣幾日既行程,如果大家有興趣想知ga話可以click去我好友名單GiGi既blog度睇(珮,唔好話我侵犯版權ar) |
« | 6 | 7 | 8 | 9 | 10 | 11 | 12 | 13 | 14 | 15 | ... | 28 | »
|
- Get Your Own
