前2日造就營
今日返完教會
令我好想有返個
我GE信仰歷程回顧
想當年........
==============================
hoho. 小頌今日令我諗返我ge幼稚園時期
我幼稚園好似係天主教的吧
未到e家信左我都唔知
哥陣呢 每次朝早返學 食茶點之前
校長都會開咪
叫我地d小朋友望住咪隔離ge一個小石雕
然後跟住佢up一段日日都一樣ge野
仲到左最後哥下要用手指又點頭又點博頭去畫個十字
再講2個類似咩呀門定唔知咩ge字!
一直我都唔知哥段係咩...
e家好似有d意識明哥陣做緊咩la@@
中一哥陣ge我
入左scc呢間教會中學
係完全唔知咩係信仰
咩係教會 咩係祈禱 咩係聖經喎
但係拾下拾下
又信呢個世界有神la
都係咁ja喎
就因為福音週聽講話個人佈道
落去傾完計有獎品wor
所以落左去玩
哥陣真係玩.
係...
真係都有d對唔住哥陣同我講哥個姐姐
就好似...佢講ge我聽左30%到la
根本唔係有心聽.
但係佢問到你信唔信有神
咁我一定話信ge~
咁我就做左個唔知係決志祈禱ge決志祈禱la~
諗返真係都ok搞野.
根住又點呢?
好似又到左哥個福音週最尾哥日ge佈道會
佢未比左張唔知咩表你填ge!
我明明就只係填左有興趣知多d
好似冇填到話信左.
但係從哥一刻以後.
就成日比人屈我話信左(因為個人佈道哥次吧)
哥下係真係好無奈!
我係哥d呢.
由世到大都覺得自己唔會有咩信仰哥d人
因為我到入中學
都唔知咩係信仰!
哥陣真係好鬼死煩
成日一有個叫呀毛ge麻luk佬一入黎
就寫低話咩class no今日有joy陪
wa! 真係去死la~
我都唔明點解次次呀毛都寫有16號ga喎= =
好火. 都講左n次我唔係.
我都係覺得 咩我有信到咩
喂 我信有神姐嗎
咁就叫信左基督教!?
你咪玩我la!
因此每次呀毛寫完我都會好火咁
專登去擦左佢
因為咁樣比哥陣F1 ge"大家姐"
即係呀jo話左好多好多次
佢仲成日話咩你決左志就係信左
你話你唔係 你要避都避唔到ga喎
到左哥一刻 暑假都黎la
哥陣其實已經係唔知咩鬼事
比呀jo話得多
自己都好神奇咁諗
咦 其實我呢 係唔係真係信左ga呢
搞搞下 死la
唔通真係信左!?
搞錯ja!?咁搞笑?
我信左基督教?
咁突然完全接受唔到喎!
咁就係咁~F1又完左lor
好搞笑咁拾下拾下上左F2
咁哥陣都覺得 唉 無法la
比人話信左 咁未就信左lor
講真 我個人都幾鍾意聽下詩歌唱下詩歌ge
你叫我祈禱 祈禱都唔錯ar
但係都係覺得 下?
我都唔識祈禱又唔識唱詩歌ar!
點解人人都好似識咁ge.
點算呢...
記得又係咁樣.
o係F2~11月幾到la~
要做board喎...
下畫同呀茄佢地食完lunch
就開始左我ge第一次
返教會 第一次返約團
無錯~就係哥個之前成日聽
約團約團唔知咩鬼ge野!
返到去 wa 成個sac都好似好熱鬧咁
唔知點ar 坐左o係後面.
前面d哥哥姐姐都好似高過我遮住哂喎.
咦呀! d詩歌又睇唔到歌詞 我又唔識唱.
都唔知點好...不過我地得....
哥次好似係小叶佢地帶!?
好似要做從太陽出來之地ge動作tim@@
我淨係記得係超超超超超超超無奈lor!
再有更加無奈就係佢地哥次話要唱加快板ge團歌
好無奈 我第一次黎唔識唱都算la
仲要加快 音都唔知就要唱 唔識- -
唱完幾首歌歌. 又會祈下禱咁wor!
心諗 都ok la. 都可以得到我想要ge野吧
會學到多d詩歌掛 都會慢慢識得祈禱ga la~
之後又唔知咩事要分組wor.
跟住呀cur去左間課室咁la
我都唔係好記得實質我ge第一次返教會係做d咩la.
但係我ge感覺係
咁樣返下教會hea下玩下.
都ok ge. 傾下計咁姐.
又可以聽下多d詩歌 聽下點祈禱 唔錯喎
頭哥2次. 我記得有次係食蛋糕 又話咩有個肥仔要考試
有次係分享細個ge相相. 仲玩key相tim!
哥2次都係因為咁o岩出開tm先返ja~
至於第3次定唔知幾時再返.
已經係到左12點中f2 ge福音週
哥次係我真係有意識知道自己決志ge決志祈禱
福音週之後哥次ge迎新就係咁返左
仲有就我記得有唔知邊次
哥個叫龍眼ge姐姐聖誕玩抽獎~
送左隻公仔鎖匙扣比我
仲有一幕 都係肥仔最近先同我講返
愈講仲真係愈神奇
原來 曾經o係肥仔第一次見到我返ge時候
佢問我叫咩名 我都有引象
我係同佢講話: 唔緊要la我今次返黎玩下ga ja~
你下次第日都冇機會見到我ga la~你唔洗知我叫咩名
hoho~原來就真係咁神奇
講完之後~原來我吹牛XD e家未又係有返返左唔知幾耐xd
好la~頭哥幾次返教會都係咁
之後又1-2個月冇返
再返又係等到下學期要做board先返返.
哥陣時. 我記得係使命人生緊
其實 我好想參加哥個使命人生
因為我覺得個使命人生可以幫到我達到哥2個大目標.
但係呢遲左喎! 就令到我更加更加唔想返la
自從返完哥次"勤成長的靈命"之後
我一知係使命人生就唔想返
因為 見住人地個個都有哥份唔知咩野
又個個都有哥本要咩靈修ge野
呵. 會係覺得有d唔知點咁la
就會淆左唔返wor~
除非有姬姬陪我都係一樣冇ge話咁就好d XD
唔係我都唔返咁la.
仲有就. 講返.
其實我都好似一直都唔多知咩係靈修ga wor@@
好似哥陣先知""""
好la. 使命人生40天一直咁過去
我ge靈命都係一直咁沉睡落去.
唔知點la 都係冇咩點追求喎
不過哥陣 造就營愈來愈接近la
我一知道有個咁ge營會 話造就基督徒wor!
我緊係好想好想去la,
玩下又好la~仲有又好想真係有返d改變
點知呢. 都係冇, 因為我係第117個 冇得去
但係呢. 又求神 好想佢比我呢個機會
去試下喎 我想自己做返個正常d ge基督徒
結果最後竟然又話有後補la~
興奮都黎唔切....
結果就o係4月哥排 哥一個復活節
因為有次返左初團
睇左幾次耶穌傳 又睇左下受難曲
又上網睇左下d文章~
終於知道自己其實係信d咩野@@""
咁4月中ge造就營.
哥次ge造就營有咩改變呢?
老實講 改變好似唔係大lor
因為都唔係得到好多咩野ge感動
只係感覺到 人人都好似好努力追求靈命ge進步
自己都應該努力下咁姐
不過現實上進步唔多lor
完左個造就營之後~
都係咁la~間中返下教會..
3次都會返下2次咁ge....
但係返到去
都係返3次2次遲到 坐好後哥d呢!
仲有就唔想返唔想郁未唔返lor.
有時係因為...hoho~
因為我唔鍾意做關顧
唔想出去唱歡迎歌所以專登唔返XD"""""""
真係講返都有D HO 神奇喎
咁就係咁
仍然hea下hea下咁去做個基督徒
直到左5月尾
有一樣野令到我以為唔想再miss任何返教會ge機會
就係呢~唔知咩事
次次我冇返都係有d正野ga喎
好似使命約章哥次咁la
仲有就有次有生日蛋糕食la...
有時唔返去ge原因真係好搞笑
係驚因為冇人陪 到時一返到去
太早/太遲 搵唔到班fd要自己一個坐= =""
咁都係咁la~好似由大約6月到開始去到8月
除左有1-3次係因為要考試
同埋有野要做之外
其餘ge日子 我一次都唔咁再miss lu...
就係咁樣我ge教會生活開始穩定...
其實中間仲有一段插曲
話說去7月尾8月頭去書展哥陣
係買左本聖經
因為覺得買完唔好浪費~
一定要用.
又因為暑假多time
所以有3個星期都一連去靈修+睇聖經冇停過
講得插曲 都即係冇錯.
去到9月開學即刻停左
9月開學 顧名思義 F3了
自己哥班真係好正咁 好多基督徒
之後又入左HYMNSING la.
仍然keep住繼續返下cell group同joshua咁la
又因為初團職員係自己班fd
所以又返埋初團la喎!
咁之後入左敬拜隊(帶左2次xd)
em... 都係咁la...
不過最大ge分別就係
開始左返主日學
由九月開始由001返起
ok喎! 就keep住咁返主日學
一日都冇停過
頂多都只係遲到/早退 """
所以呢 到到今時今日都未stop過星期6唔返教會
而到左10月到la d高form ge要升團
升完團之後 個joshua好似成個都唔同左咁la.
自己都好似變左大哥哥大姐姐咁lor...
唔係,,,係大姐姐 only.
跟住又有多一種動力ge....
但係都好似係keep住唔靈修唔讀經...
仍然係冇動力去做呢2樣野...
不過我同自己講教會都一定要keep住返
可能一時三刻冇咩改變得到我
但係keep住返ge時日久了一定有d得著!
就係咁就繼續返返到e家la~
又去下新春營 造就營咁la
=============================
我ge信仰歷程暫時就黎到呢度到la^^"" | 
