今日係daddy生日,我同細妹買左個生日蛋糕同daddy慶祝,個蛋糕好靚,又好好味 tim !!!

今日終於有得打波啦,好耐都冇打過籃球啦^^都算人齊既,樂,刀仔,粉嶺雞,椰子,倫,tak,小航,& man,起初都唔係好識射波,之後都回復番。大家都打得好開心,刀仔仲有影相tim。當中有個笑料,就係阿樂玩一隻螳螂,隻野真係慘呀!!!

夜晚,約左刀仔,志偉,雞,gary去食糖水,志偉都係呆下呆下,d糖水店好多人呀 我地都傾得好開心,11點幾就返屋企。

依家係12點幾,新既一年到左,祝大家心想事成。時間真係過得好快,回顧呢一年,都係過得好「求其」,有開心既,又有唔開心既。我新一年既願望係學業進步,過得開開心心。

今日同tak,志偉,雞 & 雞女朋友karen去九龍灣打保齡球。11點出去,係果度既吉野家食lunch,志偉又係呆下呆下,食野又係食唔晒,唉...點解病咁耐嫁,睇佢個樣都唔似病 之後去打保齡球,book兩個鐘,一人$36,都ok低,除左tak之外,佢地都係第一次打,唉...冇對手tim 我最初手風幾順,打到九十幾分,之後打到一百零幾分,都係覺得唔係咁高,不過之後打得好差,仲打到手痛tim,得果八十分.唉....慘 then去左打機,玩賽車,幾好玩,雞冇介紹錯。玩到5點就返屋企,返到上水去左馬會一趟

今日係我第一次同7B既同學去唱K,目的係同amy farewell,雖然佢唔係走左好耐,咁都要既。我地一行幾個去尖咀唱k,nelson條友又late。我地拎左間好大既room,我叫左咖啡豬頸肉飯,好辣,d豬頸肉又難食woo,唉...次次都係咁既。kitty同shelia都唱得幾好聽,我地又有玩bridge & 大話骰,開心 之後nelson,bryan,gloria,甯嘉欣黎埋,點到3點,佢地話唔夠喉,so加鐘,我都係第一次唱k要加鐘za 。之後發生左一件唔開心既事,我跌左一隻con,唉,都係第一次出街唔見,黑仔 ,d波又唔中woo,仲黑仔 唱k一共用左$150左右,嘩...都好貴下。之後去左韓燒,其實我都唔係好想燒,不過佢地要去,咁米去囉......不過都幾好味既。又用左$100左右,唉...今日都差唔多用左$300,唉...出血tim ,要快d搵番d外快先得啦。

p.s.隻左眼又紅晒tim