今日自己獨拎拎一個去自修室溫書,好彩見到hee hee同肥翁,咁米一齊溫囉,又同佢地去食野。肥翁要考6點半,佢仲要岩岩先開始溫,咁就死啦,我將我識既O.D.E.教佢,不過都未教晒,佢就要去考試loo。then,我同hee hee溫到6點半就走人,因為hee hee話要去cut hair。

之後返屋企再溫過,不過已經係10點既事啦 ,肥翁仲打電話比我,同我講佢個考試死左,緊係啦,溫得咁少......最後我溫到1點幾,可以訓覺loo

今日係考英文,得好少時間溫,要10點起身,去食早餐(好耐冇食過loo),之後去自修室溫,溫到12點幾,返屋企拎本筆記,then就搭車去poly。仲有好多未溫,係車上係咁讀,都7788既。都唔明點編d時間嫁,一連4日都考試,想整死人咩 不過算啦,都係要面對。返到去等左一陣就入去考試,份卷比我想像難,我都係岩岩夠時間做,希望成績滿意啦。考完一身都輕鬆晒,雖然未考晒,不過可以休息下先,之後再準備考statistics。

跟住我地去左「吉」野食,成日都去,果度已經成為我地既老地方 then就返屋企loo

今日9點幾起身,十點幾同屋企人去飲茶,之後去溫書,computing真係好難,溫左好耐都唔係好識,唉...冇計,都要溫,死讀都要記左佢。4點同tak去tea一tea,之後就返學應戰。返到去都唔知試場係邊,又有好多人打電話問我,我都答唔到佢地。之後打比kenny先知PG係羽毛場隔離,跟住就入去送死la。

點知份卷好易,好多都識做,最後仲早走一個鐘,早d返屋企溫英文。我既辛苦係冇白費嫁。

今日11點就起身,諗住落樓下買野食,點知見到俊軒,佢都係去食野,之後返去考試,世上真係有咁巧合既事情發生。咁我米同佢去食飯囉。食完就一齊搭火車返學,係車上,hin講左件好好笑既野比我聽,不過係秘密。then就返去poly  exam。cct可以話難唔難,話易唔易。好彩都唔係好難,都識做,希望d成績ok啦。今晚要博命溫computing la

p.s.同hin佢地約好23/12去打邊爐

今日係第一日考試,考calculus,起初都好驚,因為有好多application唔識,不過份卷都冇呢d野既,仲要係好易,用一小時就做得八八九九,做完之後就check左三次卷,之後就呆座,仲有成個幾鐘,點捱呀,果時真係好無聊。不過可以係考緊試度訓就証明左我考得好好啦^^希望可以拎到滿分啦。考試第一日就有咁好既開始,心情都好d。不過仲有幾科要考,要比心機先得。

之後同kenny佢地去左m記食野,then就返屋企loo