今日,

係依依既生日,

祝依依生日快樂!!!

祝依依幸福,快樂!!!

識左四年喇都,

雖然關係一直不遠不近,

卻係同我感情最穩定既妹妹^^"

多年尼一直傾D沒心沒肺既野^^"

而且一直堅持網友的身份~(雖然2013年09月04日差少少就見到面)

ANYWAY,祝你幸福,快樂=)

話說...

今日係媽工作中的LAST DAY...

媽在這工作工作了十三年了...

高低起伏,低谷頂峰都經歷過...

終於要離開這個十三年的工作...

無論什麼原因也好,

今天媽在討論的時候都有點哽咽,

媽是很重感情的人,

不論工作上有多苦,有多煩,

媽都堅持著...

就這樣十三年了...

呼...

過兩天,

六月十四日...

就是"她"的生日了...

"她"的十七歲生日...

算了...也不關我事了...

祝"她"幸福,快樂...

 尋日,屋企終於將用左6年幾既電視櫃丟了,

天日或後日,就會尼一個老豆整既新櫃,

老實講對老豆手藝冇乜信心,

多年尼都係50/50,

一係幾好,一係差到貼地-.-

真係...-.-

我個新書櫃,新電腦櫃都係佢操刀,唯有適目以待啦~

最近常脊諗住我既香港單車化旅,

快喇!草多兩個月錢,等手頭鬆D,就去實現!

唔可以成日只諗唔做!

話說...

還有,

不足24小時...

就是分手滿四周年了...

2011年06月09日21時47分...

"她"說...我地分手...

就這樣...

結束了我的初戀,

然後四年間與"她"的生活相交再分離又再交會又再復成平行線...

現在,有滿五個月沒有任何聯絡了...

總想,這樣對大家都好,

我在夢中愛了四年多...

我和"她"認識也快五年了...

呼...

和熊熊認識也快四年了...

因為我...

所以最後我什麼也沒得到...

只有自己每天在虛幻與現實世界交織中生活著...

每天用遊戲不停麻醉自己,

有時不停玩殺人和破壞的遊戲,

藉此令自己不會去想其他能悸動我心靈的東西...

裝載著我和"她"幾乎所有有關係的東西的那個潘多拉盒子已蒙上一層灰色,

許久沒有被理會的它靜靜卧在那書櫃中,每天每夜看著經常對著手機發呆的我...

鄙夷著我...

曾經在最憤怒時想把它化為灰燼...

但我還是不能...

所有關於"她"的,將是骨子裡最深刻的...

直到有下一股香風飄逸而來,

把那骨髓送走,

再留下溫涼...

讓溫涼永存於心,

從此不息不離...

話說,

炫姐也回來了差不多兩個月,

我們沒有任何聯絡,

我還有點耿耿於懷的的是到底炫姐有否收到我的信?

但可能已經不重要了,

從來都是,我緊張的,那些人都不會費一點心,

反之,她們所在乎的,我也覺得不外如是...

或許..."她"在最後一次和我的說話說得對...我有我生活,"她"有"她"精彩,互不相干...

或許,她們有她們的精彩,真的只能互不相干了...

總覺有點不能言明的感覺...

每次乘車經過荔景,

都能看到"她"所住的那座...

那座公主的城堡,

無論公主變成怎樣,

騎士變成了惡魔,

即使再變成騎士,

已不能再停留在城堡中,

直至今生今世,或曰下生下世,

贖完自己的罪,還清自己的債,化解掉所有女孩的恨...重新站起來,才能背著陽光,踏進那大門吧...

 尋日,

強同輝終於LAST DAY,

終於離開左我地組,

交換返返去...

半年喇...

仲好記得12月佢地尼果陣仲係嘟下嘟下,

到十二月尾就變得好FD了,

由其佢兩個性格又真係好岩我,

由其輝仲要救過我兩次,

如果唔係果兩次,我已唔係呢個世上,

有D野真係咩都代替唔到,

無言感激,大恩不言謝...

佢地走左,

阿峰同阿豪就會返尼,

雖然我初初入行就對住峰同豪,

但性格冇強同輝咁岩,

輝好多嗜好同我好岩,由其足球,大家都支持西甲,大家都唔鍾意巴塞,仲有好多好多...

強呢,好鬼大隻,但卻時不時會俾我恰下,同身形完全不成正比,

能力亦非常優秀,係佢身上學到好多野...

今次一走,調返峰同豪返尼,

可能就冇機會再係工作上再見了,

而係緊湊既工作裡,

平時要約出尼亦不易,

畢竟大家生活地方唔同,

唉...

而且因為呢種情形而走既,

好快就冇之前咁FD了,

即係話,我同佢地既友誼好可能要畫上句號,或問號...

呵...

今日約忠少出尼行下,

佢剛去完韓國,俾左超多MASK我,

真係想即刻試下先~

佢兩星期後又去日本了,

8月又話去杭州,

對於佢,

由F1識佢開始,

就好多野都羨慕唔尼,

家庭背景,人際關係,性格等等...

現在,大家都21歲,

我就棘棘業業的工作,

佢就成日瀟灑快活咁去旅行,想去邊就去邊,

想做咩就做咩,

都唔知我地兩個世界既人點可以仲咁FD,

哈~

今日媽都係有D神經,

話有D頭痛,

結果一頭痛就坐係度念經,又係念經萬能論作怪...

唉...

算了,都冇咩想講了...

 剛剛幫媽入更表,

係佢指示下入到6月14日...

一入到呢一日,

個心好似扯左一扯咁...

不經意問左媽一句果日係星期幾,

原來係星期日...

算了,反正也不關我事...

快到6月9日了...

那日子這麼近,那麼遠...

四年了...

也快有五個月沒有任何聯絡了...

夠了...

最近既媽,

愈尼愈唔正常,

由幫佢入更表就睇得出,

由其自從得左果個病之後...

今次入更表,有一個人,俾佢編到連續返兩星期而一日都冇得休息...

十四日返工一日都冇得放,再加上之前果幾日,

即係連續直踩十七至十八日...

我知道媽好唔鍾意果個人,

平時媽就時不時講果個人既野...

媽已辭左職,

返到6月12日就完,

今次係最後一次編更表...

自己走之前,係米有需要將人地玩得咁盡呢...

我作為一個員工見到呢份更表都想爆粗,

人工又唔係高,

仲要直踩咁多日,又唔係OT尼,又冇補假,

十足十迫人走咁...

作為佢個仔,我都好睇唔過眼...

之前媽情況嚴重果陣,放左一個月假,

呢一個月假入面,

有唔少人因為佢而要唔少時間返十六個鐘...

雖然有病,但都應該慚愧下,感恩下...

伊家一出返尼,睇到邊個唔順眼,就用自己職權咁樣做...

我真係好希望係個誤會,係條友自己要求返足差唔多二十日...

係作為一個打工仔,唔計OT冇補假情況下,好難想像會係自願...

唉...

枉媽仲係一個信佛之人...

最近屋企既佢亦愈尼愈唔正常,

小小事都雞蛋挑骨頭,

尋晚,佢自己有少少唔舒服,就發脾氣,

同老豆講,第日八點前唔煮好飯就唔鬼食飯,

攪到老豆差D想爆粗,

今日有少少唔舒服又打返公司要遲返工,仲話天日都唔多舒服就唔鬼返工...

愈來愈任性...

雖然真係有病,

但每次都咁...

天日又唔多舒服既又有人要直踩十六個鐘...

雖然作為佢個仔,應該支持佢精神同身體狀況,

但由三月尾知道有病開始,

真係發生左好多連我同老豆都一再頂唔順既不愉快,

再加上佢既拜神萬能論,周埋只食齋求心安論...

咩事都即刻念經拜佛,以為咁就過到關...

愈尼愈變本加厲...

餐餐咩肉都唔食,一定要齋,

冇齋就食白飯收皮...

唉...

45歲人仲咁任性...

再加上老豆愈尼愈以酒消愁,

隔三差五就出去同D豬朋狗友飲到十二點都未返尼,

返到尼又係醉到傻晒,成日借醉發癲...

唔飲酒既時候,又成日亂Q咁講野,

小小野就話人抵死,又踩到人地地底泥咁...

唉...

令呢個家更加愁...

我好唔確定,呢個家仲有冇存在既必要...

我好頂唔順,由落尼香港開始,一齊住左差唔多九年,

經歷左咁多事都捱過尼,

到最近先愈尼愈想離開呢個家...

家和呢兩個字,絕對係改錯左...

除左將自己隅開漩渦遠遠地,我唔知可以點...

拜託,唔好再俾再多一點煩惱俾我了,那將是壓垮駱駝的最後一根稻草...

媽,一星期內暈左兩次...

尋日已有少少唔係好好,

陪佢出去行山吸下新鮮空氣,

總算好少少,

到今日又暈...

冇人係屋企,佢自己去左急症...

驗完血,今次唔使留院...

上星期留左一晚冇咩事,

今日又...唉...

好多野勸極佢都唔聽...

一心等排期...

一直一意孤行...

身體一直沒什麼好轉...

兩個半星期內瘦左5公斤...

勸佢食多D野又唔聽...

日日淨食齋,

果日得一種齋就食一種,一D肉都唔掂...

冇齋就淨食飯...

平時又唔食多D其他野...

唉...

勸極都唔聽...

為了這個有時比我更任性固執的媽,

我都不知道怎麼辦好...

...

今天,

用兩蚊再加兩蚊買左一個阿伯既尊嚴...

呵...

算了,沒心情打...

大家都加油吧...

熊熊也要加油啦...

今天,是那個日子過去滿四年了...剛好也是清明節...

...

或許,她一月八日所說的選擇,才是最好...

3月26日,媽被證實患上子宮頸細胞病變...

...

昨晚,8點開始到了交易廣場地下巨大的機房開了十三個小時通宵,今早九時才下班...

...

不打了...

今日,差少少就咁係咁先,

呵,

過幾日有老細落尼巡,

今日工頭就要我地將D違禁品放入最冇可能俾人查既風櫃入面,

由於時間緊迫,風櫃未停定就要入去,

入面好黑同好靜,

工頭第一個入左去,

熟頭熟路既佢一下子唔見左影,

我未入過E個風櫃,

無畏懼咁沖入去,由於太黑太靜,

根本唔知有咩危險,一路向前一路想拎支電筒出尼,

都未行兩步,

就俾後面既師兄一野拉住...

"小心!"

師兄大嗌,

一下子停左係度,

定眼一睇,

先知面前大約五厘米左右,

一條好粗既風櫃軸仲未停定,仲係度急速轉動,

由於太靜同未拎電筒出尼,又唔熟環境,

再過一秒,再行一至兩步,

我個頭可能就咁爆左,

高速轉動既風櫃軸絕對有能力磨爆我個頭又或者直接扯甩我個頭...

哈...

我就咁係地府門口行左一圈...

如果唔係個師兄...

即刻俾工頭屌左幾句,

之後繼續做野,

到做完出返風櫃,先有D後怕,

先發覺原來差D死得不明不白,

呵...人1既生命真係太脆弱,

做E行,小小疏忽之下,死亡都係最低既懲罰了...

呼...

但冇咩想講,初初出尼,唔勇往直前的話,唔經歷多D的話,會咩都學唔到...

呵...

話說,二月廿八,

惠儀姐又找我...

又為左錢,

佢身體又出問題,又要借錢...

仲要一開開口8000...

我個個月都幾乎冇錢剩,

返左正職之後,幾乎個個月都發生一D事,

根本儲唔到錢...

8000我有,但之後一個月會好難過,而且仲要俾家用...

我絕對唔想返返去11月果陣1000蚊使3星期既日子,3星期入面又要食飯又要車錢,都唔知果陣點捱...果陣罪魁禍首都係惠儀姐,

伊家又尼...

最終,衰心軟,最後借左4000俾佢...

剩低D要佢自己諗,我真係冇佢符...

祝佢早日康復啦...

佢自己攪成咁,大部份係佢自己責任而已,唔可以完全怪邊個...

到目前為止...

惠儀姐總共借左我13900了...

說多不多,說少不能少,

呵...

算了,大家都加油吧...

今個月天塌下來都不要用錢了,

五月要旅行!

呵...

呢幾日...

大前日,

年初三,

大伙四男三女去踩單車,

80蚊既活動,

最後130蚊先出得尼,

小FAN FAN要自己一個係陌生地方搭巴士走=.=

我同軍曹又要等其他人返尼先,

冇得陪佢,

一個女仔自己夜麻麻咁攪法-.-

好彩最後冇事,

最大問題係敏敏,

之前佢踩開將軍澳,

路線短好多,

今次踩沙田即刻耐力唔夠,

仲要咁岩果日尼M,

愈踩下身愈痛-.-

我地都唔知講咩好-.-

最後佢仲要抄左車,破左相,仲峭左牙-.-

咳...禍不單行-.-

都唔知講咩好-.-

之後夜晚去九龍灣食日牛鍋,

好開心同MARY距離近左,

雖然前路好唔明朗,

而且佢亦準備DSE了,

我冇再有咩進一步,

只等佢考完先吧~

尋日...

新年假完晒開工第一日,

一朝早食左超多蘿蔔糕,

之後返工,

一返機房,

即刻收到幾封師傅既利是,

我一入門口就搶住俾我^^"

而阿強同阿輝係尼左機房一段時間,

師傅們俾左我之後,仲要係管理處條友尼左見到佢地佢地,先順路俾埋佢地,

雖然都唔係想比較,

但師傅們點都鍾意我多D^^"

之後...九點幾,

成班師傅話去飲新年茶,

中環飲茶米話唔貴,不過我地又真係餓鬼,

兩枱共18個人,

叫左90幾籠野=.=

最後賣單4800幾=0="

好彩科文請-.-

痴左線-.-

飽到中午飯都冇食,

之後下午又去長江中心食下午茶,

又係人地請^^"

之後夜晚又過左黃大仙同忠少地共五條友食雞煲,

基本上全日都係度係咁食~_~"

尋晚個雞煲都食左800幾-.-

分返開條數每人175,

豪哥帶得120-.-

忠少講好俾100,

傻生同鍾意都俾左170,

剩低既我啃晒了~~

到今日...

本來要返工,

但尋晚唔知點解好熱,

熱到我係咁標汗,

成晚訓唔著,

精神超差,

唔想返工,

同科文請病假,

點知佢俾就俾,

但係都要我俾醫生紙...

仆佢,搵次唔跟制度變通下好似會死咁...

無耐之下搵人求救,睇下有冇人識D醫生會俾錢就俾醫生紙,

但冇人有,

最終阿謀叫我試下公司醫生,

我樓下就有間,

就試下,

阿又真係得WO,

專登扮病得好重,入去見醫生,

點知三分鍾就出返尼,

我根本唔使詳細講症狀,

全部個醫生講晒,

之後叫我拎藥,仲即刻俾埋病假紙我,

因為係公司醫生所以唔使俾錢...

速度快到...

都唔知好嬲定好笑好,

如果真係有病搵佢地實濕滯-.-

就這樣,

行返屋企...

中途見到個好熟悉既背影...

SHIT!

十一點幾炸WO,

老豆居然咁早係大陸返到尼??

絕對唔想俾佢知我請左病假仲走左去睇醫生,

唔想有麻煩,

即刻轉第二條路,

以高速9秒9跑返屋企,

收埋D藥,再換鞋換衫換褲,

成功係佢返尼果陣扮到好似剛剛起身咁^^"

至於點解開工時間仲係屋企?

當然有借口啦^^"

呵呵,唔打了~~

話說...炫姐的信寄出去也有一個多月了,

是寄不到還是不想回還是回不到?

總之沒有回信...

呼...

算了,順其自然吧,

祝她在那裡幸福,快樂...

新年過後,又是忙碌的開端,

又是新的日子.

今天,

是炫姐的生日,

祝你生日快樂喔炫姐!!!

也祝你幸福,快樂=)

別放棄自己,

加油!

幾天前終於寄信給炫姐了,

希望她收到吧,

當然也希望她收到後會回信吧^^"

呵,

沒什麼好打,

生日快樂~

今天,乃爺爺離開的新曆一周年啦...

祝爺爺在他方世界生活得幸福,快樂!

今天,也是我的舊曆生日呢,

呵,

爸買了整隻雞和啤酒回來慶祝,

呵...

話說,今天我碰到了一個人...

那個姓陳的...

曾經我恨仔入骨,

今天與他擦身而過,

匆匆對望了一眼,

他已忘記了我,

我卻記憶猶新...

也再想起...他在"她"FB上的也個帖子...

呼...

算了,已和我沒關係,

沒關係了.

加油吧...

即將的星期日,

是炫姐的生日...

第一次不自由的生日,

應該很不習慣吧...

加油哇,千萬別放棄自己!

還有很多人等侯你的哇,

祝你在那裡也幸福,快樂!