2：00訓
仲要5：00am幾醒過睇賽果
真的是眼訓至極
比利時件波衫靚，所以4強裡我支持同埋覺得他們實而不華
務實的感覺

攰到痴筋都落街踢波
係，我痴筋的
唔夠訓做運動係有點危險，所以我唔敢去游水
呢排成日睇片睇波，搞到夜訓

小組係玩board game
我其實興趣係一般
今天只玩了一個，就是"狼人"
好緊張啊喂，4次有兩次做狼人其實當我做狼人我唔係想殺人，我係想用自己的演技令人覺得我係村民

晚上娜又帶著肥藍來用ai psd做野

廣島是其中正在受雨災影響
個幾月前先去完

Masaki的退團作我一直都未睇（都唔係好敢睇
劇本和台詞明顯地寫緊Masaki在寶塚的開始和完結
睇完心情有點down（因為是最後了
覺得不錯看
但點解要Masaki殺Chapi好慘啊喂退團作都要咁（之後發現有些人的退團作係要逃亡俾人追殺

P.S.睇住Masaki上top後日漸消瘦，過程很不容易

著新新地鞋出門
果然真係刮腳
行到好似跛左
不過對鞋真係幾靚，有點誇張就襯我了
我d鞋好少同身邊人撞的，因為我中意的太誇，無人中意

一朝早心情其寅是差的
報稅遲左…
因為老細一直唔記得無俾報稅收入封信我
上網睇話要罰錢架嘛（不過而家唔知點，報左先算
呢d低級錯誤很囧，因為唔記得左

偷偷幫人整aw
有時覺得自己都幾無聊
接黎做唔係為錢（當然有會很安慰（唔通我純粹想幫人做好件事咁感動？
什麼客都差不多（很趕

想叫老媽做老豆（很似（都是不聽人講野
咳到就死仍是一臉不覺得有問題
無食任何野、做任何野會自己咳到個肺同喉嚨飛出黎？（兩個星期前又唔見咳到咁
我這疑問怪真係好難相信
如果咳的是我，我會第一時間用好多方法令自己好返，因為嚴重到痰咳係無限辛苦
所以我最不屑係佢「當無事發生」的態度
會不會有天我真係殺了人（到時d警察應該會查埋我d日記，咁就證據確鑿

放工都要做野…煩
垃圾job完極都未完，去死啦

我想拆了腦袋
讓它不運作
這樣會不會舒服一點

P.S.像小學生放學回家

yeah！係星期四啊！
沒有了星期一便感覺一星期很快
以後星期一唔駛返得唔得
尋晚睇多左陣片就夜訓了
但都睇唔晒…太長
今天再睇埋佢

行路上班時見到很多LWSS的同學們
因為今天去信仰成長營
而我係唔駛去的
去camp能與同學們做到朋友，不讓他們反感已經很好
沒期望他們會想返教會
即使返了也留不低
沒有永遠好玩的內容吸引他們，因為大多對信仰對耶穌的東西都不太有興趣
或者最重要係鼓勵了已信的同學信下去吧？

遲點新學期又會有cell，又不知是個怎樣的情況
都是那句，我的參與不讓人反感已經很好（我不太會搞氣氛同high per（扮出黎都得既但我唔想扮
當然cell過後能夠做到朋友都很好（有丫
P.S.有時與老師的看法和價值觀都有出入

認真地把月組2009的"伊麗莎白"看完，接近2.5小時
除了Masaki是瘋了的角色外圓七也是看點（平時是男役這次要當女役
圓七女裝很好看歌都唱得不錯
這劇的內容就是喜愛自由自在的伊麗莎白成了皇后後如何的不自由，最後走向死亡，與死神相愛

我喜歡集帥氣和氣質可愛搞笑於一身的女生

可能最近日記都會寫多點寶塚
睇完舊資源便有很多感想
日記背景也轉回MasaChapi吧

P.S.圓七

1：00訓了
都係咁眼訓
起身即睇賽果
又係12碼
以前都幾中意英格蘭
但每次都係失望的結果
今年唔知如何呢
但好似都不是特別出眾咁

我係很中意望人
上班經常會見到某些女生
總覺得好似誰一樣
唔知別人會不會也認得我呢（又係呢個線眼木嘴死lan仔

買了麵包做晚餐
不知什麼時候開始，晚上回教會就不吃晚餐
我堅係無營養

小組一起從全章和上文下理研究下金句的真正意思
"們要將一切的憂慮卸給神，因為祂顧念你們"
你們、一切、憂慮、顧念    是什麼意思呢
只看字面去解釋是錯的

忽然發現了Masaki二番又高清的影片
我對自己的電腦技術也有點信心
但dl極都dl唔到
感謝小岡幫忙雖然把聲有點難聽又主角光環（最憎
如果我唔信耶穌可能會喜歡上這人
因為
我唔信耶穌的話應該唔會諗野

心情有點壞
因為不喜歡自己的掙扎
不喜歡拆穿自己卻拆穿了
有些事我怎會不知道
最中意問問題找答案的我   怎會不知道

P.S.謝謝大佬，Germany x2

世界盃有D賽事2：00am開波
點睇啊

其實尋晚1：00已訓了
但今天仍是超級之眼訓
尤其下晝
好耐無試過眼訓到咁
我做咩黎

每天返工都會偷閒睇返d highlight
無諗過日本尋晚場比賽一點也不遜色
但比利時咁都追到真係好利害
即時作出適當既調整先係架嘛

一睇返d舊片就很感慨 
還是喜歡在團中的masaki
現在長髮都好看，但我更中意佢短髮，清爽一點

不時會用現在的心情回想以前
那時失落的自己
此刻我怎麼回應
是不是同樣的心情低落呢
是的話  是不是表示我沒有進步和成長

邊打日記邊瞌眼訓

P.S.比利時上屆果件都好靚…