今朝8點幾先起身,俾老豆嚇醒-.-

之後沖涼換衫,去老公度

去到個頭仲未乾,so玩左陣電腦

琴晚係屋企玩marmar... 個人物d動作慢2倍,老公話係會慢.so等佢係度慢慢篤怪,玩到眼訓= =

之後今朝借左老公部電腦玩下... 原來個人物打怪係會慢..但係我屋企慢多一倍lo..唔怪之得琴晚我咁快眼訓=-=

係老公度玩超順.../ . \玩到差唔多10點 就上床同老公一齊訓lu

死佬成日搶走哂d被-.-呢頭先搶番d被,果頭又俾佢搶番-0-!,真係想一野哼落佢個頭XD~~

一訓就訓到12點lu,死佬一訓醒捉住我玩= =,玩左1陣先去叫外賣,今日偷下懶-v-

老公食楊洲炒飯,我食星米 -v-,食完老公玩左陣電腦, 我就去玩呀仔@.@

太肥了佢地-v-,任整唔嬲XDD

去到3點,番工前小睡一下,老公又捉住我同佢玩-3-

玩完之後累得濟訓唔著-口-,訓著又即刻醒左...去到4點半... 先認命- -起身沖涼-3-

4點9就出左門口了-.-..答火車果陣..見到對面有一個家庭,一對仔女,一對父母

我見到個女,呢頭勁大力打佢老豆大睥  果頭係度強吻個老豆-.-..''... O左=.=

落車之後行番餐廳,換衫,差D又唔記得打卡= ~ =

6點幾都仲無咩野做,去到7點幾...不愧係星期日-.-比平時早一粒鐘已經開始多客

真係寧願多野做好過,無野做要同人鬥快搶野做,又要無野做扮哂好忙咁,..先最痛苦 = =

之後有個女人,,,同佢個仔 同老公一齊黎食野.. 又要呢樣果樣,次次都係我拎到埋去先同我講要第2樣,之後眼神仲要好睇唔起人果種眼神,好似好唔滿意咁既眼神, 真係#$#%$^&*(&*(佢丫

之後我順路見到有台客D野食 都食完OK耐都無人去收,咁我順路見到咪收埋lo, 果個呀姐呢個時候先沖埋黎同我講:得啦得啦,我會收我會收  ,我都收緊一半,佢又走黎搶埋收埋另一半佢,成日叫我睇埋果邊,佢自己呢邊見唔到,唔通等d客成個台面都係野咩,佢自己夠成日無啦啦走過黎我呢邊搶野做la,有時見到佢果邊無人set位,我咪走去set囉,佢又話我, 之後我唔做既話又會俾其他同事話

之後一路無停手到10點... 星期日仲早過星期6無客-.-

去到10點半到,又多一台麻煩客, 有4個女人, 一坐低叫野食,佢地又堆埋係度傾計,見唔到有人要落單

我又要一路掃地 一路落單, 之後有1個女人話要食麥皮wo,問完一輪話可以整俾佢果陣又問+幾錢先,一時話要 又話唔要,最後又要

明明餐牌有寫,佢又見到, 係度狂問 

之後又話要沙律, 跟住轉個頭 同老闆娘講 又話唔係要沙律

凸佢,唔鬼理佢,是頭婆出馬落單最好 ,以後大個 千萬要注意不要成為呢d女人, d女人特別麻煩

之後餐包焗多左,梅姐整左d牛油,俾我食, 先好番d-3-

d人食野真係打杖咁-.-

去到11點05,我同梅姐走先, 果4個女人仲未走-.-,我地平時11點已經整好哂野 關門落閘, 啊儀同彩虹仲要等埋佢地走,仲未汁野,抹野,掃埋地先可以收工.. 真慘= =''...

之後我同梅姐答火車,,, 梅姐住紅x,... 同上水一頭一尾- -... 仲要每日番工直踩10粒鐘,除左食飯可以坐30分鐘之外= =...

真係辛苦哂-0-''... 跟住我係大埔墟落車..去答k18... 去到先醒起星期日無k18.. 唯有答後面71s

成3,4年無答過, 點知一答就飛左站...去到富善總站先落..囧

搞到要問人 行番路番屋企...真失敗-3-...真係費事同人講 我係大埔住左接近成20年仲要問人點行-口-(唔係,係我好少去富善果邊姐XD生平先經過幾次XDDD完美兜到)

好彩有個好心人,詳細同我講點行, 之後一路行番去,好彩頭先坐車坐左一陣,對腳好似重新叉左電咁,唔累又唔痛

可惜,天氣實在熱了點...完全無風,搞到我一路行番屋企,一路同老公傾電話,把口好似要散熱咁,無停過,,呀哈哈哈  ,苦了老公了喔~

終於行番屋企,成12點-.-...蝕左4蚊之餘仲要行多成20分鐘路,..去到樓下大堂,係佈告欄邊邊位驚見自己個樣

嘩..行完..塊面又多油.. 頭髮又油... 又凌亂.. 塊面仲有幾粒豆豆點綴  人地唔知仲以為我係深山行番黎=.=

番到屋企第一時間梗係沖涼.. 唉,我頂, 平時好少會20度水溫,今日破天方已經係

搞到我一切準備就緒諗住嘆番個靚靚熱水涼果陣,竟然無熱水... 算啦,又唔想再俾D油UP住,

拿拿聲沖完去食野,.,.煮野食... 我的可憐既胃, 今晚屋企得番一包烏冬,同一隻放左幾日既蛋

求求其其煮完 就食LA.. sh!t,放唔夠多鹽,無味

唯一最有味就係    隻雞蛋   同埋琴晚我飲淨既1/3檸檬茶-.-

真係好好味T^T....

食完諗住可以同老公玩陣GAME啦,... 就係咁岩我食緊果陣,老公突然連唔到線

好野啦-.-臭和記   之後無幾耐都無心情- ~ -諗住轉去搞下個日記

又DL唔到D程式- ~ -咁趕絕我 就唯有打埋日記就去訓啦\口/

聽日放假啊啊啊啊啊啊,,,~~~~

成日要我做熟左先放我假,唔知應該開心定唔開心好-.-