| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 4 月 23 日 星期日  | |
| 新不如舊----夢示 |
又到統測啦,今次全部科都要考,但中英嘅作文就唔駛考,咁反而令到我成績有後退之象,慘!因為我中文作文不嬲
唔錯,為我攞到唔少分數,我中文之所以能稱得上好,都係作文幫我拉唔少分數,如今冇左作文嘅分,閱讀個份試卷又做得唔好,呢次中文
死梗啦><話咁快已經考左4科啦,首先講下中文科先,頭半段做得非常輕鬆,都係因為溫熟課文嘅功勞,但後半段唔係冇時間理解個2篇
文章就係寫唔切,而且個2篇文又極之難理解,按照老師教我地嘅時間都要教足差唔多2個鐘先教得哂,但我地做嘅時間就只得20分鐘,
根本冇時間做!至於英文,文化比平時做開個d難好多,仲好多生字!科學就最激氣啦,難得將課文背到滾瓜爛熟,竟然成1板半做唔切!!!
有人話夢係反映現實,又有人話夢同現實係相反,我就認為夢係喚醒人內心隱藏嘅渴望,有d時候人係唔知自己心
究竟想點或者究竟自己最愛嘅人係邊個,又或者自己唔承認,一一喺夢中都會令你睇清楚自己心中所想的!琴晚訓著左時,又發左一串
夢,喺夢中我又見番一班中2嘅同學,個夢係咁嘅:因為某d原因,2班合併左一班,我同我中2個班大部分同學就變為同一班啦,喺現實,
大家再見面時因為好多原因而唔再打招呼,彼此關係都疏遠左,但喺夢中,我鼓起勇氣同佢地傾第一句話,傾傾下本來圍起嘅一堵牆已經
被我打破左,我同佢地仲不停回憶起過去種種嘅趣事!我覺得個一刻嘅關係,仲比以前更加親密左!仲有一個人,我跟佢嘅關係可以用曖
昧黎形容,為左增加神秘感,我都係唔提咁多啦....哈哈!總之,我覺得過去一切都係美好嘅,而家呢一班就算幾傾得埋都唔及以前個一班,
只怪自己太唔懂珍惜啦,到而家後悔都冇用啦!!!
|
| 刊登時間︰2006-04-23 12:43 PM [ 訪客留言(6) ] [ 編輯日誌 ] [ 分享至FACEBOOK ] |
| 2006 年 4 月 16 日 星期日 | |
▋離奇失蹤事件▋  |
在我悠閒地享受今個復活節假時,喺我鄉下福建嘅表妹仍需返學,就係咁發生左一件關乎佢學校日常運作嘅事,
亦可謂生死存亡嘅大事------學校有位學生離奇失蹤,呢件事係表妹琴日同我地講嘅!!!話說呢位學生係我表妹嘅同班同學,佢成日唔專
心上堂,喺上堂時候打機,被老師捉左好多次。有一日,同佢同一間宿舍嘅某同學,一起身發現佢唔見左,於是通知老師,十幾個老師一齊
搵佢搵足成日,結果得個吉!而且仲係冇人見到佢走佬tim,真係奇.奇.奇!由於失蹤左好耐,佢家長同埋一班親戚就走黎學校"賭"亂,結果
搞到d學校上唔到堂,好多留校住宿嘅學生都搬走哂!而家全城都張貼呢位學生人尋,搞到滿城風雨!!!
勁歌金曲優秀選第一回終於有結果啦,真係等到頸都長埋,可惜結果令人失望!!!首先好高興twins攞左獎,但唔明
Eason,鄭希怡,Stephy佢地會攞唔到獎囉!佢地首歌都幾hit,而且人又受歡迎,12強都不入,我真係唔係好信啦!而且黃耀明又唔知點
解次次都入選架噃,佢今次首歌簡直難聽到死,連我媽咪都話歌唔似歌啦,咁都入選真令人激氣!!!
人生馬戲團大結局囉,呢齣戲真係好有新鮮感,又好刺激呀!!!係無線咁耐以黎難得嘅好戲黎,好睇之餘仲有滿有教
育意義!我一路睇一路都好緊張,仲留意到佢地4個嘅演技都大有進步,拍得幾可亂真,有笑有淚,值得一讚!!!劇中所有奸角都為自己嘅
貪婪而負上該死嘅下場,充分諷刺人為財死,實在睇得痛快!!!真唔想咁快完,而下一齣好似好無謂,又冇好戲睇囉!!!
|
| 刊登時間︰2006-04-16 12:39 PM [ 訪客留言(4) ] [ 編輯日誌 ] [ 分享至FACEBOOK ] |
| 2006 年 4 月 11 日 星期二 | |
沒有電腦的日子....  |
以前曾聽過某某人某某人話電腦壞左,要洗哂d野,想不到呢種不幸事竟然落喺我呢部買左只近1年嘅電腦上,心確實
d不甘,另一方面又擔心電腦會一直衰退落去,不到幾年後便要宣佈放棄!不過呢d呢d都唔係最重要,同網上一班比親人感情更深厚嘅網
友可能會永久分離先係我最傷痛嘅!回想起呢幾日,可以用"頹廢"黎形容我!一切由電腦壞個日開始講起........
首先,細佬玩巨商玩到樂陶陶嘅時候,主機突然發出好有嘅聲量,大到我同細佬都無法忍受嘅地步,於是細佬就諗住重
新開機,點知部電腦黑漆漆一片,冇哂反應!我同細佬試完一次又一次都係徒勞無功!最後決定打俾最熟識嘅電腦嘅親戚,點知佢好似好
唔耐煩咁叫我地搵電腦個間公司!無可奈何之下call間公司派人黎睇下,橫掂都唔駛$$!結果佢地話星期一會到,又搞左一大輪野,到左
今日佢地先派人黎!喺等嘅期間,細佬將睇完嘅書睇多幾次,但可惜睇睇下又ZZZ著左,成個人落哂形,又冇咩笑容,情況令人擔心!而我
都唔見得好好多,覺得冇哂所以人生目標!個一刻,我先知電腦對我地黎講係幾咁重要!!!
|
| 刊登時間︰2006-04-11 06:33 PM [ 訪客留言(8) ] [ 編輯日誌 ] [ 分享至FACEBOOK ] |
| 2006 年 4 月 4 日 星期二 | |
| *︵曲終人散︵* |
由於天日開始放假嘅關係,所以今日就變左係系統性評估口試嘅大日子啦!!!記得上次考得亂七八糟,中文
老師係咁投訴我聲量太細,發言太少!今次終於將我辯論嘅本領發揮得淋漓盡致,可算係不負大家所望呀!!!哈哈~!其實非也,今次係比
上次好左,唔係,係好好多先岩~但並冇駛出住部潛能,駛出7,8成左加啦!!!不過呢個係好嘅開始,我會繼續努力,努力!!!!!
返埋今日就要同所有實習老師告別啦,雖然我個人成日活喺虛幻嘅夢想世界中,對身邊人好冷淡,所以做咩
事都冇我份,我亦冇對身邊人或事好好珍惜,但我都好唔捨得實習老師們!可能係年紀相差唔係好遠嘅關係啦(今日先知佢地平均22歲
唷),上佢地堂總覺得好舒服,完全冇壓力,好捧!真唔想佢地走!!!喺呢個特別嘅一日,我班為實習老師送上自製花同送別卡,佢地都為我
地送上糖果,唔知係咪chocolate受歡迎呢,個個實習老師都不約而同送chcoclate!雖然呢d野好微少,但總算係一份小小嘅心意!
想不到平時開朗多言嘅王老師,佢係咁眼淺嘅!雖然今日嘅告別會唔點樣感動,亦冇咩同學喊,但估唔到傾到
一半時,王老師已經眼浮淚光啦,我地見到都紛紛安慰佢!當然有d人好唔通氣,為有野食而歡呼,就係咁,今日嘅告別會就係淚水和歡笑
下而結束!!!
|
| 刊登時間︰2006-04-04 06:25 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 3 月 31 日 星期五  | |
被小說感染了......  |
因天雨嘅關係,原定於上星期五進行嘅足球比賽,改為今日進行!雖然我唔鍾意踢足球,但卻非常鍾意睇足球賽,縱
使球員嘅球技冇朗拿度、施丹、碧咸等等個d咁多花式,班級比賽又冇世界盃咁精彩,但如果俾我揀,我仲係覺得班級比賽較吸引!可能
呢d就係對班級嘅一種無法理解的感情啦!!!一場我期代已久嘅[世紀]足球賽終於開始啦!!!但真係好可惜,因時間嘅偏差,我冇得去睇
呢場咁有意義嘅比賽!!!點解偏偏上星期五要落雨呀?今日又冇空堂.......So sad!!!
呢排睇開天航嘅小說,其實好耐之前我已被佢嘅小說深深吸引左,睇完一本後就等待第二本嘅出現,但唔知幾時開
始就冇再追啦,原因係升中嘅壓力同學業佔左我大部分時間,真可惜令我錯失左佢好多本好書!直到前幾日見到報紙副刊訪問佢,又咁
岩就黎放復活節假,激起我睇書嘅興致!於是我就買左天航嘅兩本小說,實行從錯失嘅個幾本書開始睇起!一向愛情至上嘅我,竟然唔係
被愛情阿米巴系列感動左,反而係----三分球神射手系列!關濤嘅半身不遂、心螢嘅默默等待、繼嗣嘅錯愛一一都令我感動落淚!!!什
至將小說當成真實,無論做咩都為佢地嘅不幸而感到情緒低落,好想好想痛痛快快喊一場!!!睇黎我真係被小說深深感染左啦!
|
| 刊登時間︰2006-03-31 05:43 PM [ 訪客留言(6) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
