| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 1 月 30 日 星期一  | |
新春表演節目------好勁啊>v<  |
今日食完午餐後,就立即換上新衫,幾本上成身都係新買嘅,剩係條牛仔裙係舊年買落(因為唔係大場面我絕不著裙,加上家境又唔係咁好,唔敢再買),換好後感覺煥然一新,即刻精神哂!執好哂一切後,準備出門,點知等家人等到成3點幾先出到門= =|||去到太古城中心,諗住睇下有咩需要買,見時間都幾充足,中心度嘅裝飾都幾靚,於是就影起相黎,不過場面都頗為尷尬,因為個個都攞數碼相機,得我攞住部菲林相機,影下影下好似feel到有幾個人望住我,唔知係咪心理作用呢?搞到我好想收番埋個相機~
之後到左4:30pm,聽講有個新春表演節目,於是即刻趕到現場睇表演,一黎到己經人山人海,有利位置己經被人霸哂,可憐的我唯有不停咁搵位睇,終於搵到個睇得見嘅位置,不過相對於舞台仍相當遠,只可遠遠咁睇!第一個表演項目係[吊桿](大概係呢個名,唔係好記得),只見表演者爬上成唔知幾尺嘅柱舞動,有時仲兩個人亙相對換柱,幹勁十足,身手敏捷,好勁!!!一定訓練左好耐!當全部表演者一齊跳起時,全場觀眾即歡呼,拍爛手掌!!!表演實在太好睇啦,可惜我離舞台太遠睇得唔盡興!本來仲有幾場表演,可惜人流太多啦,根本冇辦法睇得清楚,最後放棄左..........
|
| 刊登時間︰2006-01-31 05:01 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 1 月 29 日 星期日 | |
| 放低過去...迎接未來~! |
天日就係新一年啦,不經不覺我又大一歲啦,可是我仍像去年一樣天真,痴痴的等待。雖然今年經歷左好多野,我心態上都有好大嘅轉變,例如唔再相信諾言,唔再相信永恆,唔再相信甜言蜜語,知道左冇野係必然,知道左冇野係絕對,更知道左有d野剩係自己努力係唔夠,冇其他人嘅合作,就算做咩都等於白費,唯有識得喺適當時候放手先係最明智嘅選擇!
今年實在發生太多事,每一件事都令我難以忘記---首先有,令我識到好多朋友,然後我來到一個陌生嘅班房,結識到一班奇怪嘅同學,參加左好多課外活動,幫學校又做左好多野,個人時間明顯減少左好多,最後上天俾左我一段既短暫又痛苦嘅愛情.........結果到而家上天將俾我嘅所有野都收番,mf冇左...佢走左...一個同我好好傾嘅朋友都唔見左!不過呢d野全部都過去啦,我會將唔開心嘅野全部忘記,將開心嘅野轉為回憶儲存喺腦海!
最後希望仍留喺我身邊的好友,喺新一年度每日都可以開開心心咁過,心想事成。失業嘅可以快d搵到工作,失戀嘅可以快d搵到心中最愛,冇目標嘅可以快d搵到自己嘅人生目標!!!最緊要可以同我一樣,放低過去,迎接未來!!!
|
| 刊登時間︰2006-01-29 11:15 AM [ 訪客留言(6) ] [ 編輯日誌 ] [ 分享至FACEBOOK ] |
| 2006 年 1 月 23 日 星期一 | |
mf冇左.........><  |
mf對於我黎講係一個好重要好重要嘅地方,我嘅所有希望都係mf俾我,我嘅網上所有嘅知心朋友差唔多都係mf俾我,一直以黎我都好珍惜mf呢個論壇,我不惜每一日都好努力咁去幫mf搵更多資料,更多有意義嘅新聞,值得討論一番嘅話題,為嘅就係充實mf。我知道只係做呢d係唔夠,我就call一大班老友去支持mf,務求令mf愈黎愈多會員,屹立不倒,冇想過我call嘅好友冇個加入~唉......而家阿妹話想加入,點知mf就話要執.........好傷心啊><
我對嘅深厚感情非筆墨能所形容,mf冇左就等於我咩都霎時間咩都冇左咁,好空虛!寂寞,孤獨嘅感覺彷彿又返到我身邊。尚記得以前一上網就先去mf,然後將大部分用電腦時間用喺mf,如今mf冇左啦,我除左可以喺度打日記同網上談天說地外,我己冇咩寄託啦,倍感寂寞!咩都變哂,咩都離我而去,難度真係唔可以返到從前?定係我未夠努力?! |
| 刊登時間︰2006-01-24 06:10 PM [ 訪客留言(5) ] [ 編輯日誌 ] [ 分享至FACEBOOK ] |
2006 年 1 月 21 日 星期六  | |
無聊嘅一日......*  |
今日一起身,已經近10:00a.m.,搞到白白冇左幾個鐘,不過都冇咩好怨,唔駛返學嘅日子我都係好似今日咁瞓到近10點,冇瞓到11點已算偷笑!曾多次提醒自己要早d起身,但都唔成功,以為今日抱住要溫習嘅心態會成功起到身,冇諗過仲係咁晚先起到,唉........好似做咩都失敗咁!
自從報警後,並冇任何一d動靜,就連同學都冇再提過咩野咁,又回復番平靜!都唔知算唔算好事,鍾意熱鬧嘅我覺得呢件事太快結束啦,真沒趣(或許這個想法有d自私)。但冇事發生嘅生活確實好悶,今日除左上網就係溫習,再唔係睇少少電視,無聊嘅一日就將會由睡眠嘅開始而結束!!! |
| 刊登時間︰2006-01-21 05:51 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 19 日 星期四 | |
生平第一次真實錄口供......!  |
今日剛考完試放學後,我同我嘅同學準備去搭小巴之時,突然有個變態佬喺學校附近走過,做左一d令人噁心嘅行為!!!好彩我掛住同人傾計冇見到呢d行為,一回頭先見一大班女同學一窝鋒咁走另一方向離開學校,有部分女同學就返學校裏面躲避!學校嘅老師見此即刻報警,據說真正目擊整個過程嘅只有一個中三女學生!
擾亂左一陣,警察終於黎到學校,個個警察問清楚後,就帶左個個女同學及其朋友走入适當地方進行錄口供,聽講個個係一個年齡介乎20至30歲左右嘅中國籍男子,著住格仔衫,因為口供不一致,唔知係著灰色定啡色褲,外表普通,唔似有問題嘅人!仲聽講警方話呢次係近幾個月黎喺呢區發生類似嘅第一宗!目前仲未拉到人,睇黎以後返學要小心d啦!!! |
| 刊登時間︰2006-01-19 04:31 PM [ 訪客留言(0) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
