| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 10 日 星期六  | |
| !!!!!全力奮鬥----考試!!!!!\_/ |
那熟悉的事件再一次刻印在我的腦海中......前幾日,我班傳來一個可怕的消息,聽說我以前個班又弄喊一個代課老
師,類次的事件已唔止發生過一次啦。首先由開學講起啦,當時佢地嘅班主任係一個非常嚴厲嘅英文老師,今年先來我地間學校任教,由
於陌生兼個位老師嚴厲咁對佢地嘅關係,佢地暫時都唔敢亂黎,想不到過左將近五個月後,個位英文老師就向校長遞上請辭信,仲好似走
唔切咁,急急遞信、急急走人,咩都冇交代一聲!雖然其他班都唔知發生咩事,但個個都談論緊個位老師係因教唔掂佢地而走!後來又黎
左一位幾惡嘅英文老師,只教了佢地1、2個月後,就話日本有間學校聘請佢到當地任教!說雖如此,但學校每個老師、學生都認為呢個
係藉口,實際係被佢地激走!由於2個老師都任教佢地不久,又臨時臨急話要走,故學校難以搵老師接代工作!呢幾月來,佢地都由代課老
師暫時教住先,但前前後後又激走左幾個代課老師!直到前幾日,又換左個代課老師,因個個老師較易被欺負,故被佢地激到喊!!!記得去
年,我喺佢地班時都見識過佢地激喊老師嘅技倆,個個係一位任教我地嘅中文科老師,佢都算有忍耐力啦,堂堂都被我地激,但仍然撐下
去,直到將結束個年嘅生涯時嘅某一堂,佢被全班激到喊個不停,仲話自己再冇本事教我地呢班!學期結束後,佢即刻如釋重負,仲揚言唔
會再繼續留喺間學校任教,看來係因遇到我地呢班而對成間學校留下陰影嘅關係!我至所以覺得"可怕",並唔係覺得我之前個班d同學
可怕,而係為佢地將來的前途而感到可怕!我寧願放棄而家呢班,去教好佢地!!!
終於到期終考啦><今年嘅期終考定於15號,直至29號考畢(剩係我呢級)呢個試係關乎未來2年入咩班同將來的前
途,事關重大我一定要奮哂身考好成績,才不愧對自己、家人、親戚、同學及老師!!!亦因上3個試考出黎的成績不太理想,今個試要急
起直追,唔可以輸得!!!為左大家,我必定考好呢個試!!!期終試,放馬過黎吧!!!!!!!\_/
|
| 刊登時間︰2006-06-10 12:05 PM [ 訪客留言(8) ] [ 編輯日誌 ] [ 分享至FACEBOOK ] |
| 2006 年 5 月 24 日 星期三 | |
五四藍球盃冠軍  |
今日真係值得慶祝一番呀,冇諗到我班五四藍球盃會表現得如此出色!記得上次嘅足球比賽踢得無影無蹤,win定輸
都冇人關心,冇人談論,弄得我一無所知,亦懶得去問!萬萬想不到今日有個頒獎禮,體育主管兼我班的體育老師宣佈五四藍球盃比賽結
果:男女子冠軍都係xx班!雖然之前已經知道我班打得唔錯,但真係冇想到男同女子組都攞到冠軍,真係喜出望外!!!我為我班所有參賽
隊員感到驕傲、自豪,我為我身為呢班其中一份子感到無上光榮!!!雖然結果令人振奮,可惜整整幾場賽事我都冇前往觀賞,呢個同比賽
時間的編排有關,弄得我錯過精彩的歷史時刻~!最重要的是,我無法感受、分享我班屢戰屢勝的喜悅!
喜事真係一浪接一浪,學術週過去左,又係頒獎的時間!今次時事問答比賽冠軍竟然係我以前個班,而且參賽嘅同學全
部都係熟面孔,份外親切!!!雖然我班敗於我以前班,但我見到佢地攞獎,簡直激動得想跳起,個種興奮嘅心情比我班攞獎仲要激烈!!!仲
記得佢地win左後舉起嘅勝利手勢,我雖然唔可以舉起黎讚賞佢地(被我班同學見到,日子難過),但心就情不自禁地舉起勝利手勢!雖然
一方面係好興奮、好感動,但我始終唔係佢地嘅一份子啦,不免有點失落!不過佢地學識努力向上,都係值得高興嘅事!!!希望佢地成績
會愈來愈好,早日搵到人生目標,仲有千祁唔好忘記我!!!哈哈~!
|
| 刊登時間︰2006-05-24 06:19 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 5 月 19 日 星期五 | |
●死亡從那一刻降臨◆  |
死亡是什麼東西??在我的角度黎睇,係一個冇呼吸、冇夢想、冇喜樂哀怒嘅永恆國度,雖然你會好孤獨,但你會好平
靜,因為你不用煩惱尚未解決的問題,亦再冇野會令你感到悲傷!咁究竟死亡係好係壞,呢一點就無從得知啦!在我仲好細個時,覺得死亡
神秘而美麗,經常閃過一個怪念頭-----想挑戰死亡!後來諗番起覺得個時太傻啦,理智d去思考先知道原來個時一無所有,所以覺得孤獨,
覺得世界絲毫無色彩,死亡先可以帶我進入美麗嘅世界!到左而家,有一大班朋友支持我,各方面嘅成績都陸續獲得肯定,死亡對於我黎
講,變為一種極遙遠的事!我已唔會再諗起死亡,直到琴日個一堂課......
琴日中文堂教[生命的留言],老師滿有感觸咁同我地分享一D關於佢所遇嘅經歷同感受。表面樂觀開朗嘅佢原來有
一段悲哀的往事,佢好細個時,父親就離佢而去,媽媽唯有一個人揹起頭家,直至養到佢地3姊妹長大成人。但好不幸,佢媽媽幾年前因中
風入院,老師話個時真係好驚佢媽媽一入手術室就唔會返出黎!幸好,最後佢都能平安甦醒過來,但已經咩都唔記得哂,仲將醫院當做酒
樓,悲觀嘅人會覺得可悲,但我老師就選擇以開心樂觀嘅態度去面對!佢嘅故事,教識我一樣野-----每一日都要過得充實,為將來嘅意
外未雨綢繆,同時我先感受到死亡原來可以如此接近!未雨綢繆最後得益嘅不一定係自己,但至少你身邊嘅人一定有左保障!!! |
| 刊登時間︰2006-05-19 06:21 PM [ 訪客留言(6) ] [ 編輯日誌 ] [ 分享至FACEBOOK ] |
| 2006 年 5 月 10 日 星期三 | |
▼小生命誕生了▲  |
今天班主任宣佈了一個天大的喜訊-------副班主任的女兒出世啦!!!對於呢個消息真是來得好突然,因為之前
我地全班竟全都唔知道副班主任的太太有了身孕一事,說來真是慚愧啦!!!回想起來,跟副班主任相處了大半學期,但彼此都不了解對方,
只知道佢有個兒子讀名校皇仁,有時候全班什至忽略佢的存在,這可能跟他不多言有關吧!!!但我相信以後的日子裡,我地跟佢的關係會
愈來愈親密啦,因為我們這班都是喜歡可愛的bb,話題一定會不斷圍住bb的生活!!!生命就是如此的奇妙,唔單止係屬於你一個人,唔單
止屬於你的朋友,親戚或家人,而是屬於世界上每一個人的,所以生命真的很寶貴!!!
所謂日防夜防家賊難防,老爸你實在太過份啦!!!昨天老爸趁我同細佬返學,媽咪返工,偷偷咁偷走媽咪的儲蓄,
最可恨的是連我辛辛苦苦考好成績而爭回來的獎學金都偷走埋!!!雖然錢的數目唔算大,但而家係誠信的問題,你沒錢可以問我借,但唔
可以偷,我不想我的錢失去得不明不白,亦容許不了你這可怕的行為!!!如果你仲有良知的話,請唔駛我講得咁白,自動交出黎吧!!!
|
| 刊登時間︰2006-05-10 06:31 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 4 月 29 日 星期六 | |
| ◇極度挑戰◆ |
今日係健康教育學會舉辦嘅長洲半日遊,對於呢種活動我冇咩好感,因為我冇咩朋友,d路又唔識行,喺大隊中顯得
更孤獨。由於以上呢d原因,我不停祈求上天快d掛黃色或以上雷曝警告!可惜等了又等,等到夠鐘出發,仍然絲毫冇動靜,最後我唯有硬
著頭皮咁出發!首先,我搭巴士出發,搞左一大輪先到達目的地。我跟大隊行左十幾分鐘後,一個以前住喺呢區嘅阿Sir就帶領我地到張
保仔洞,呢個洞可算是我呢次旅行最深刻嘅地方!首先,我地排成一行,由頭先個位阿sir指導,一個個陸續落去,開頭個幾個都落得幾順
利,可能因為大姐姐嘅身份啦!到我前面個2個落去時,行到一半就嚇得大叫:媽媽!搞到我都被佢地影響到!不過佢地最後都順利過關,
到我行落去時,發現個洞比我想象中黑幾十倍,可謂伸手唔見5指啊!!!不過d石就冇想象中咁難爬,但唔明點解其他人驚成咁!反而我覺
得落樓梯個度先係最危險,可能同我畏高一事有關啦!不過我仍以最快嘅時間完成,連我自己都嚇一大跳!過左樓梯呢關大概都冇咩得人
驚啦,不過就消耗左唔少體力!雖然探險呢個洞,以我身手不太敏捷嘅弱質女子都能輕易過到,但都覺得好刺激,係前所未有嘅新體驗!!!
食過lunch後,我地就去睇搶包山選拔賽,首先係3個男仔鬥爬上去敲鐘,當中最年輕個個以極快嘅速度拋離對手成
條街,身為觀眾嘅我地拍爛手掌!!!後來第二場嘅比賽中,竟然有一個女子參加,一開始時佢已經爬唔到上去,不過佢好有體育精神,完成
整個賽程,呢份堅持好值得我地學習!!!睇完後就到自由活動時間啦,每個同學都買左好多有關貝殼嘅飾物!我見到都好想買,不過就嫌
d野太貴,最後咩都冇買!呢次旅行能感受咁多新體驗,都算係不枉此行!下次有機會再黎過,一定要買野作為紀念!!!
|
| 刊登時間︰2006-04-29 07:21 PM [ 訪客留言(6) ] [ 編輯日誌 ] [ 分享至FACEBOOK ] |
1 | 2 | 3 | 4 | 5 | 6 | 7 | 8 | 9 | 10 | »
|
