| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 1 月 4 日 星期三  | |
~第7日~  |
今日連續8堂都喺度諗佢,搞到冇心機聽書,做錯左好多野。縱使係咁,我仍然不停地諗佢,彷彿我嘅世界除左佢,已經容納唔到其他人!雖然今日好多功課,但我仍照常online,希望7點前可以見到佢,奈何6點30分都未見佢on,心情又開始低落!!!
想起從前,佢總是喺我online時online,稍一遲左,我同佢彼此就會好緊張,關心一句:點解咁遲呀?而家我遲左黎佢唔會再關心一句,我亦冇膽問佢去左邊,點解咁遲之類嘅問題!因為而家佢已經唔定時啦,就算我夠膽問,都只會當係普通朋友嘅關心!我真係好想好想返去以前!!!
最慘嘅係,今日我班同學問起我同佢嘅事,我唔知點答,唯有話唔知敷衍過去,喺佢地面前仲要裝冇野,唔可以喊,因為我冇膽認分手,我真冇用!!!
|
| 刊登時間︰2006-01-04 06:30 PM [ 訪客留言(4) ] [ 編輯日誌 ] [ 分享至FACEBOOK ] |
| 2006 年 1 月 3 日 星期二 | |
| 返學囉....... |
忙碌嘅日子又到啦!沈重嘅功課,頻密嘅測驗,難聽嘅是非全部返哂黎~可惜我己冇訢苦嘅對象啦!!!昔日那位已不會為我分擔了~
不過咁都好嘅,做番朋友仲可以有講有笑,感覺仲好過以前,彷彿一下子鬆哂!!!不過佢一下線,我就好唔開心,好驚天日見唔到,以後都見唔到佢><
 |
| 刊登時間︰2006-01-03 06:10 PM [ 訪客留言(4) ] [ 編輯日誌 ] [ 分享至FACEBOOK ] |
| 2006 年 1 月 1 日 星期日 | |
~第五日~  |
講左等於冇講~算啦!總算同佢傾左,但估唔到心情一d都冇好轉,佢嘅每一句說話都令我傷心欲絕,最慘係我完全猜透唔到佢嘅心思!結果我喊左十多分鐘,喊都眼都紅埋,到而家對眼只要一開就好酸痛,真擔心對眼嘅健康!!!
而家唔知點解食唔落d野,但過後又肚餓到死,究竟係咩事?我實在唔想好似以前咁~!
|
| 刊登時間︰2006-01-01 05:58 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 31 日 星期六 | |
澄清-------我的過去!  |
由細到大,我都好寂寞。細個時,因太寂寞成日同牆傾計,(而家諗番起黎個時可能患有自閉症),讀書後好少出聲講野,唔係扮野,只係唔知有咩好講,結果冇朋友!加上父母又成日吵架,(有時仲打起上黎,我差d想報警),個時我最愛就係黑暗,因為只有黑暗先可以收埋自己,喊都冇人知,亦唔駛見到全世界醜惡嘅面孔!
直到我愛上一個人時(應該係一早己愛,但唔知),我為佢默默咁等待,換黎只係一次又一次嘅失望!然後我做左一個非常錯誤嘅決定--------自殺!就係咁我住左醫院幾個月,出院後我冇法返學,因為我心情仲未平復,於是在我婆婆家度過左一年光陰!
到我返番學時,無可否認我要留一級,個時我先醒覺以後嘅路我會行得好辛苦!因此我好努力咁製造話題,希望能交到三五知己,冇想過我如何努力都好,始終失敗!直到...........
有一日,叔父送左部電腦俾我,我學人地申請icq,希望可以識到朋友,但我好怕人地嫌棄我,一旦有人約我,我都拒絕左。後來我認識左司機,佢介紹我入cwc,喺個度我識左好多朋友,從此我心霏就打開左,我終於見到光明啦!我好開心,我唔駛再需要黑暗!!!我希望呢一切都唔好離開我,我唔想返去以前,我唔想再孤獨!!! |
| 刊登時間︰2005-12-31 01:01 PM [ 訪客留言(3) ] [ 編輯日誌 ] [ 分享至FACEBOOK ] |
2005 年 12 月 30 日 星期五  | |
~第三日~  |
我已經無法喺呢個家生活啦,阿爸令我飽受寒冷,佢嘅惡行我唔會忘記!有時真係好想一把刀刺死佢,可惜我冇呢個膽量,真係唔知可笑定可恨!最慘連阿媽對我都開始變,明明係阿爸犯錯,反而罵我?!
心情真係好左唔少~!多得我一班好友幾日黎唔嫌我煩,不停咁同我傾計,我先可以慢慢企番起身!Emma,Dis,司機,Anna,yuk,多謝你地!!!^^
|
| 刊登時間︰2005-12-30 06:45 PM [ 訪客留言(3) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
