| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 3 月 14 日 星期二  | |
| *當玫瑰遇上真愛* |
當玫瑰遇上真愛 鄭希怡
狂 迷著看舊日電影 主角 奮力愛近乎忘形
來 提示我獨立自主 視愛情如革命
倩女擺出淒美動作 胭脂跟兩腮 扣上了感慨
烈火青春燒了又歸來 玫瑰 又遇上真愛
＊像 橫越過場景 留低經典字更多傾城
旁觀過去的美景 也動情忘記今天的冷清
在 銀幕上仍然年青 留金光影像發光蜻蜓
留多一點在世間永久 的保證 陪我再次過渡困境
如何能留住快樂 像八十年代 越簡樸越不想變改
童話的一雙主角 秋天分開過後會 圓滿地喝采
如何能平伏障礙 越看越期待 劇本照亮千種痛哀
如果今天灰心了不要默哀 祈望現實便續漸 看開＊
REPEAT＊
如果今天灰心了不要默哀 祈望現實便續漸 看開
我覺得呢首歌超好聽,特意介意俾大家聽!!!
|
| 刊登時間︰2006-03-14 06:34 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 3 月 13 日 星期一  | |
| 終於有個了結...* |
我同佢嘅感情終於有個了結啦!就喺前日我msn唔小心加左佢入幾人對話中,由雙方以一個月作為期限後,我都
冇再add過佢,一黎我怕同佢再吵架,二黎我想學會習慣冇佢嘅日子,我唔知咁係逃避定係聰明嘅忘記方式,總之對於佢嘅野我唔會再諗
太多!點知我愈想唔見佢,個天就愈想俾我見佢,慌張間我竟然失手加左佢,被逼重新面對佢!我表示放棄左佢,唔會再諗同佢復合,佢亦冇
挽留,我地之間嘅感情就咁樣真真正正地了結左,或者呢個就係上天俾我地釋放嘅機會!
本以為唔見佢成幾個月,咩都會淡哂,點知我不斷諗番起以前同佢一齊嘅美好回憶,但以前諗起係甜蜜,如今諗
起卻係連綿不絕嘅痛悲!雖然話放棄,但我知我唔能夠真真正正咁放得低!而家唔能,將來都未必能!但我知過去左嘅野就係過去左,我同
佢再冇可能啦!!! |
| 刊登時間︰2006-03-13 05:36 PM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 3 月 9 日 星期四 | |
失敗的班級表演......*  |
今日嘅班級表演可以用"失敗"兩個字黎形容,演出時好似綵排咁錯漏百出,真係非常丟架,演完後班度冇人想提起
表演嘅野,因為怕被人取笑,完全冇哂面去面對其他班!!!首先我做演完後,需要用電腦熒幕放映d野俾觀眾睇。點知當負責個個同學一
按電腦時,電腦突然失靈,miss見到咁竟然大聲叫整電腦嘅阿sir上黎(個時個幕係開住嘅)。整完電腦後,miss竟然仲叫我地重演一次,
當左今次仲係綵排咁,我班都算係史無前例啦!再演一次時,成為左台下嘅笑柄,台下d人係咁偷笑,場面尷尬不已!!!
更糟糕嘅係,呢次表演令我地班女仔大跌眼鏡,班中竟然有色狼!!!今次表演中有一幕係表演舞蹈,為左輕鬆咁舞動,
有份跳舞嘅都要換上便服!就喺班女仔換衫時,竟然有個男同學偷睇。因我唔係舞蹈員,所以對此事知得唔清楚,不過好彩聽人講後都知
道個色狼係邊個!!!而家個個都笑緊佢,有d女仔仲避開佢,不過我覺得佢都唔係好似呢種人,可能人地講大左,所以照常同佢傾計,希望
我冇feel錯啦!!!
|
| 刊登時間︰2006-03-09 05:27 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 3 月 6 日 星期一  | |
我不再是她們的一份子.....  |
舅父匆匆的來,匆匆的走,就喺琴日我同媽咪送舅父佢地去深圳,行一陣街并食埋野後,佢地就搭車走左啦,感覺好
似發左場夢咁!!!其實舅父今次黎係做生意,據說只要叫3個人入股,2年後佢就可以做百萬富翁啦!!!而家佢叫左幾個,有一個已經表明
會入股,其餘個d就唔知啦!!!而佢最想我姑姐入,因為姑姐幾有錢,識嘅人都多,佢入嘅話一定可以做成好多單生意!我知舅父對此抱好
大信心,希望佢嘅希望唔會落空啦!!!
今日因為要同中2個班d人商量一d野,所以順便敍一敍舊,好可惜一路上只有佢地同一班嘅傾,我連 插嘴嘅機會
都冇,突然覺得自己好多餘!昔日的好友,如今似隔一堵牆,已經溝通唔到!!!瞬間覺得好悲哀,只係唔見1年,彼此就產生隔膜!!!難度感情
真係咁脆弱?? |
| 刊登時間︰2006-03-06 06:18 PM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 3 月 2 日 星期四 | |
*舅父的到來*  |
本來話2月幾會黎嘅舅父,因未預備好,搞到遲遲未到!!!終於喺琴日黎到香港,一黎到就同舅母入住酒店,聽講今日
可能會黎我屋企訓一晚!如果係咁就傷腦筋啦,因為我屋企超細間,房都係得一間,諗唔到要佢地訓邊!!!不過都係等佢地黎左先算啦!!!
回想起黎已經有半年冇見舅父舅母啦,呢段時間雖然唔係好長,但我一聽見佢地要黎香港,就諗起好多喺佢地家發
生嘅一d趣事,最令我感到開心嘅係有表妹喺身邊,我同表妹無所不談,咩都講一餐。雖然有時會吵架,但彼此唔會嬲好耐!!!雖然個時生
活幾悶下,但起碼冇壓力。所以過得好舒服,真懷念個段日子!!!
|
| 刊登時間︰2006-03-02 05:56 PM [ 訪客留言(1) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
