| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 1 月 17 日 星期二  | |
倒霉嘅一日........*  |
今日都唔知行左d咩霉運,頭頭踫著黑!!!首先係考試,頭3版考嘅全部都係我唔知要考嘅,跟住考考下第二張試卷就跌落地,自己想執番起黎又會被誤會出貓,叫人幫手執又會被誤解為通水,最後費時理份卷,但心就忐忑不安!!!結果個份卷可想而知考得一塌糊塗!!!唉............
到左中文口語考試,因為有個同學跌親,搞到我要陪佢落醫療室,只差少少就輪到我考,我咪唯有不繼地跑啊跑,跑到隻腳超痛!!!
|
| 刊登時間︰2006-01-17 05:51 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 14 日 星期六 | |
緊張時刻------------考試!!!  |
不經不覺又要考試啦,總係覺得今年嘅考試黎得特別遲,唔知係咪呢幾個月黎發生嘅野特別多呢??而且偏偏係要揀呢段時間,真係好想投訴!!!
由下星期起一連7日,10多份試卷,加上我最近又經常頭痛,食野都唔定時,仲要一時食好多野都唔飽,一時食好少野都飽,咁多書要溫,我真恐怕會捱唔住><
最衰我連執起書嘅力都冇,完全冇哂心情讀!今次實考得好差啦!!!
 |
| 刊登時間︰2006-01-14 05:40 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 9 日 星期一 | |
剩係識吵架!!!激氣!!!  |
點解我咁不幸,有咁個屋企?定係我最近時運低呀?遇到嘅都係不幸事!!!老豆失業都算啦!仲要日嘈夜嘈><我真係受唔住啦!!!
一個係咁,兩個係咁,難度我生存就係為左受氣咩?個個都可以開心咁生活,點解剩係我要不停地受氣?如果我生存就係為左受氣,如果係咁,我寧願冇活過!!!
無論我點努力,點放下自尊,都無補於是!難度我犯嘅過錯真係咁嚴重咩?我點解咁做,你又了唔了解呀?我都有火架!!!
|
| 刊登時間︰2006-01-09 06:54 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 1 月 7 日 星期六 | |
| 好凍凍啊>< |
今日可算係入冬以黎最凍嘅一日,我一掂冷水,手就好似變左冰,僵到唔識郁,洗一下熱水先冇事~!
終於見到佢出現啦!!!但點解一見我就走呀?你知唔知你咁做令我好傷心架?以前你成日都話唔想見我傷心、唔開心,因為你會好心痛。如今,你就令到我如此傷心,如此唔開心!難度你對我講嘅野都係可以隨一件事情而改變咩?難度一個大話真係咁重要咩?我變左,但我覺得你變得仲比我多! |
| 刊登時間︰2006-01-07 11:36 AM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 1 月 6 日 星期五 | |
| ~第8日~ |
冇見佢3日啦!但喺呢3日度,我不但冇把佢淡忘,反而增加對佢嘅思念。上上下堂,突然好似見到佢出現喺我眼前,即係成個人呆左,再望多一次時先發現係第二個人~難度我又產生幻覺?!
尚記得1年前,我就係同而家一樣經常產生幻覺,個時嚴重得多。但個時係6年感情嘅結束,而家只係數個月,但竟然咁快就產生幻覺,仲要晚晚情不自禁地想起佢,睇黎我真係中左魔咒!!!
縱使佢唔黎見我,我都唔會怪佢,因為一切都係我嘅錯,就算成受呢種痛苦都係我嘅報應,我唔會再怪任何人,亦唔奢望佢會原諒我,只求日日都可以見到佢! |
| 刊登時間︰2006-01-06 06:08 PM [ 訪客留言(0) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
