| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 2 月 28 日 星期二  | |
人情冷暖........  |
雖然我仲未完全好返,但學業嘅事唔能夠一拖再拖,如果係咁嘅話我呢年可能又要重讀啦!所以最後我決定今日返
學,為左唔傳染俾人,我就帶左口罩,再帶埋把傘就開始出發啦!!!幾經辛苦先行樓梯行到5樓,諗住一入到課室會有好多同學問我:好返
未?點知.............結果令我非常失望!!!
一入到課室,仍舊係處於嘈吵嘅環境,我慢慢行到我嘅座位-----冇人注意到我入左黎,個個都做緊自己野。當老師
問我有冇事後,個個都知我入左黎,可惜仍然冇人理我,問候我。我好驚訝,有冇搞錯?我病左數幾日噃,一句問候都冇?話哂我都幫過你
地唔少喎~我差d以為入錯課室!!!呢個世界真係人情冷暖!!!
|
| 刊登時間︰2006-02-28 05:36 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 24 日 星期五 | |
新潮流--------病!  |
好不幸地,我又開始病啦!但係呢次比上次病得更嚴重,唔單止流鼻水同咳嗽,呢次除左個2樣野外,仲成身酸痛
連行步路都痛死,咳又有好多痰,好鬼辛苦!!!首先琴晚訓訓下,突然醒左過黎,而且又覺得好凍,就知道今日返唔到學!結果真係如此,連
起身都成問題,就係咁請左日假!!!後來總算起到身,又冇咩野做,就玩左一陣電腦,玩左好耐一個人都冇,超悶!好彩後來見到文,吹左水
一陣就走人!等到媽咪黎就去睇醫生,醫生咩都冇講,剩係開藥俾我,總共有8種!!!
最近我班有成6,7個病倒,而且仲係我附近d同學,連d老師都嚇親,我唔知係咪被佢地感染左,先病成咁!!!不過
算啦,只係天日可能去唔到賣旗!!!一睇完醫生就遇到好多人,有2個我班男同學,有一個係細佬班同學,仲有一個有2隻拇指嘅人,超恐
怖! |
| 刊登時間︰2006-02-24 06:08 PM [ 訪客留言(11) ] [ 編輯日誌 ] [ 分享至FACEBOOK ] |
| 2006 年 2 月 22 日 星期三 | |
一切煥然一新.......  |
最近我間學校黎左幾個實習老師,有男亦有女!其中一個男老師勁似無線個個藝人林文龍,不過就比個個廋一d。
此外佢同林文龍一樣唔多講野,基本上冇咩表情,我得踵到佢2次,所以唔太了解佢!幸運地,有3個女實習老師都有份教我班,一個教中
文,2個就教英文,雖然係咁,事實上英文得一個人教,另一個只有睇嘅份兒!
首先介紹個2個教英文嘅先,一個睇上去較成熟,予人親切嘅感覺,不過都係唔多2句,另一個就好多野講,不過就一
開口就係英文,溝通唔到!教中文個個就好d啦,而家同我呢班勁好傾,又玩得,我班同佢已經好似老朋友咁啦。最令我感動嘅係,佢竟然
得我個名,平時我唔多同佢傾,而且一般老師都要成幾個星期先記得學生d名,佢竟然幾日就記得,實在難得!!!
|
| 刊登時間︰2006-02-22 05:26 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 2 月 18 日 星期六 | |
| 無端端病左..........* |
正擔心星期一會唔會被miss罵之際,我又不幸病左。琴日因冇食藥嘅關係,輾轉反側瞓唔著,到左3點幾先瞓落去,點知一起身就係咁流鼻水,又打噴嚏,又有少少咳嗽,真係好擔心又大病一場!!!記得每次病親都會發生d唔好嘅事,我有唔好嘅預感!以為踏入新一年會有新希望,點知呢個狗年唔利我,厄運倒有唔少!!!看我還是接受命運嘅安排,再嗟嘆也只能看那薄薄的塵埃........
爺爺麻麻叫我地一家去申請綜綬,成家人都贊成,但我就覺得唔係咁好, 我認為咁係好冇志氣,拒絕左申請!但而家生活的確困苦,唔能夠當咩事都冇,於是我犧牲左d上網時間幫老豆搵工,最後搵左幾份幾岩佢做嘅工,人工都唔錯,如果傾得成嘅話,我可以唔駛返工住!!!
|
| 刊登時間︰2006-02-18 06:07 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 2 月 17 日 星期五 | |
| 被人害左3次.......>< |
今日真係好不幸,首先係第7堂時,因有個同學冇返學,所以多左個空位,於是之前同我坐嘅個個同學係咁叫我過去同佢坐,我拒絕左好多次,但佢仲係係咁叫我,搞到我好煩!雖然係咁,但我都係堅持唔過去,後黎好似聽到有人話我係鍾意同個個男同學坐而唔過去,我好嬲,亦都想證明唔係佢地諗嘅咁,就一氣之下擅自調位。點知好不幸,個堂係班主任嘅堂,佢一見到有人坐左我個位,就知我調左位,於是又俾左個壞印象佢!其實前一日已經有好多人擅自調位,仲要係好多"好學生"tim,但因唔係班主任堂而冇被發現,今日我一調,即刻被發現,真係唔知有冇搞錯!!!
然後係報紙事件,某同學無啦啦攞左一大堆報紙入黎課室,跟住有一張跌落地下,咁岩係我張桌嘅前面,因為仲係上緊堂嘅關係,我冇出位執起佢,之後都唔記得啦。到左第2堂,有個老師被個張報紙搞到跌親,係呁話我唔執好自己嘅報紙,無啦啦食人死貓!!!最後係被人呃左,明明同我講今日課外活動有集會,搞到我跑左3樓,去到人影都冇隻,仲要被人取笑我被人呃!!
|
| 刊登時間︰2006-02-17 05:25 PM [ 訪客留言(2) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
