| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 3 月 28 日 星期二  | |
*決擇*  |
琴日同今日都係教師發展日,雖然冇做學生嘅冇得放假,但起碼有得早放已算係唔錯架啦!!!不過我以為放
早時間會多d,功課又會少d,點知情況岩岩相反,功課比平時仲多好多。當我做完一樣功課時,又黎多樣功課,好似做極都做唔完咁!唉...
一波未停,一波又起,天日有個大挑戰----中文模擬系統性評估!我仲要到4:55分先考,又要好夜先返到屋企囉!!!
舅父已經搵到2個人入股啦,佢嘅百萬富翁夢想相信指日可待!由於仲有個空缺,佢鼓勵我一家入股,但係入
股費用要成$5萬,我屋企好窮根本付唔起呢筆錢!而家有3個選擇:1.向貸款公司借,2.向舅父借,3.放棄入股機會!老實講,如果入股做得
出色嘅話,有可能賺百萬,什至千萬。但失敗嘅話,可能一毫子都冇!到時真係搵唔到$$還俾人啦!!!
|
| 刊登時間︰2006-03-28 02:20 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 3 月 23 日 星期四 | |
關係變得親密.....*  |
從我黎到呢班之後,就開始面對一班3唔識7嘅人,除左一個以前同我同班嘅女同學外,其他嘅同學就全部都好
陌生!黎左幾個月後,同d同學仍然唔稔熟,仲有d同學連我係邊個都未知。老實講,我係全班唯一一個認得哂全班嘅人!到左而家,有幾個
女同學尚算熟絡,但算唔上朋友,始終話不投機!想不到,一個普通嘅習作將我同佢地連在一起,隔膜的圍牆打破左!因為中文要補課,搞到
5點幾先可以開始做習作,開頭學校仲有好多人,我地幾個係咁做係咁做,d人就一個一個咁走。最後夜幕悄悄地降臨,一瞬間d人走哂,
剩餘下我地幾個,仲有一個阿伯同寂靜嘅空氣!
喺咁嘅氣氛之下,剩係做野會覺得好恐怖!於是我地幾個人就傾起計黎!講下講下,佢地爆左好多班度嘅事俾我
聽,真係層出不窮架,令我大開眼界!估唔到我班有好多人玩斷背!!!我不嬲都認為我同佢地唔係同一類人,但傾傾下我都好似變左是非
精!喺個一刻,我覺得佢地忽然間變得好親切!!!
呢幾日真係超級多野做,仲成5,6個test!!!最慘嘅係中文每星期3都要補課到4點30分,有時仲超哂時!!!系統
性評估真係累人不淺!!!
|
| 刊登時間︰2006-03-23 06:02 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 3 月 18 日 星期六 | |
| 人真係奇怪........ |
之前坐喺我隔離個女同學,已經3日冇返學啦!佢算係喺呢班同我最要好嘅同學,不過佢份人超煩,例如問我一條問
題要問成幾次先聽得明,而且有時好自私,唔理我感受,仲連累我被罵,所以我不嬲唔當佢係朋友,仲好唔想見到佢!所謂嘅要好只不過係
表面嘅野!但呢幾日佢冇返學,我又覺得好悶,返學等放學,度日如年!人真係奇怪,明明好討厭個樣野,一旦失去左又唔自在!
天幕下的戀人大結局啦,雖然冇想象中嘅感動,但個結局我鍾意!如果佢係同阿力結左婚就太可惜啦!明明唔鍾意,又
被逼選擇呢條路唔會有幸福!好彩阿力都知道呢個道理,有情人終於可以終成婘屬!!!如果現實中都有咁多識諗嘅人就好囉! |
| 刊登時間︰2006-03-18 12:43 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 3 月 15 日 星期三 | |
| 班級第一次攞獎.... |
今日宣佈2月至3月嘅課室清潔比賽得獎名單,有11班冇被扣分,換言之呢11班會 齊齊攞獎!阿sir一口氣宣佈
哂得獎班別,突然隱隱約約間好似聽到有我班,但我唔係好信,我班同學都冇一個信。當所有得獎班級嘅班長出哂去時,我班先施施然咁
出去,生怕搞錯好冇面!出到去後,從校長手中接過獎狀,原來真係我班得獎!!!雖然我班算好班,但讀左咁多個月,呢次係第一次得獎,我
喺呢班終於活得有d面子!!!
下星期五就係班際足球賽啦,今日開始招人,我班有2個男同學好努力咁去招人,點知班男同學嘅反應好冷淡,
令人大跌眼鏡!!!我以為足球賽會有勁多男生爭住參加,點知........個個都話唔識踢= =|||一開始個勢都輸比人啦,仲要抽到第一場,
有何win之理呢?唉........
|
| 刊登時間︰2006-03-15 05:54 PM [ 訪客留言(5) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
