| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 2 月 14 日 星期二  | |
情人節快樂!!!^^  |
今日係情人節,呢個節日對我黎講意義唔大,好似我呢種冇拖拍嘅人或者會唔鍾意tim,因為見到個個都一雙一對,唯獨自己一個,倍感孤獨!!!不過今年算係好啦,冇情人但就係好友相陪,同平時一樣吹下水,傾傾心事,講講人生大計,都算係人生一大樂事~雖然呢個悄人節都係似平時一樣,都係冇咩驚喜,但我都唔會似我偶像咁討厭呢個節日,我對呢個節日仍然寄予希望!!!最後祝天下有情人白頭到老,祝仲未搵到另一伴嘅人快D搵到真愛!!!^^
天日就調位啦,竟然抽中左同個男生坐,仲係個種成績唔太好,又唔太差,冇咩風趣,仲幾乎有點沉悶嘅男生,唉.......其實我唔旨望再同女仔坐,不過起碼都調個風趣d,同我又稔熟嘅黎嘛!而家個個一d都唔熟,佢又唔識我!好似以前咁個d有趣,純真嘅男生就最好!!!不過算啦!或者咁上堂會專心d,而且唔駛再同個個麻煩人士己唔錯啦!!!
|
| 刊登時間︰2006-02-14 06:22 PM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 2 月 11 日 星期六 | |
***情感返哂黎***  |
今日見無無聊聊就睇左套鬼片<猙靈>,套鬼片係講兩個好朋友,一個性格溫文叫秀仁,另一個則好潑辣叫智沅。智沅係千金小姐,故有唔少朋友,但秀仁則家境貧窮,冇咩朋友!唯獨得智沅肯同佢做朋友,所以佢好祟拜智沅,可是智沅卻屢次玩弄佢,仲夾埋一班fd欺負佢,但佢仍然好願意同智沅一齊,仲好想變左智沅。有一日,佢地成班fd約埋一齊去玩,點知智沅走到秀仁面前推佢落水,佢班fd見到咁好玩,推埋智沅落水!秀仁本身識遊水,所以救智沅浮出水面。當智沅浮出水面時,佢d fd冇人救佢上黎,有一個仲對佢冷笑,最後兩個一齊死!智沅死左後借個身體俾秀仁,目的在於令秀仁明白到佢永遠都唔可以照自己嘅意願而活!而佢變成鬼魂後將佢班fd一個一個咁害死,最後剩下秀仁!我睇到呢度時竟然喊左出黎,回想起黎同佢一齊嘅日子我都冇咩情感,睇咩戲都冇感覺,可能剩係知幸福,感受唔到人地嘅悲哀啦!!!而家呢齣雖然係鬼片,但我真係好同情秀仁,俾個fd咁欺負,仍然肯為佢做一切,仲肯當佢係朋友,真係好感動!!!
媽咪病左好幾日,今日終於又開始返工啦,佢嘅病使我明白到我係時候開始獨立啦!佢一向係屋企嘅支柱,屋企冇左佢,就唔可以維持生計,我係長女,我必須負起家庭嘅責任,我覺得係時候搵工作做,吸收經驗,可是我嘅學業就點呢?真係左右為難!!! |
| 刊登時間︰2006-02-11 06:59 PM [ 訪客留言(4) ] [ 編輯日誌 ] [ 分享至FACEBOOK ] |
| 2006 年 2 月 9 日 星期四 | |
派試卷-------------全部炒哂!!!  |
而家終於派哂所有考試卷啦,結果全部炒哂,唔合格嘅科目高達3科之多,合格嘅分數都唔係好高,得一個7字頭,認真失敗!!!之外講過嘅中文同經公,考係考得唔錯,不過都係個句,得7字頭,以份試卷容易嘅程度考呢個份數實在太差啦!!!記得上次都係好差,但估唔到今次仲差,好似入左呢個班後成績一路下滑,唔知係咪風水問題,因為唔止我下滑(變左迷信tim)
今日無端端搞到參觀環境之類嘅野,仲要去到山卡啦咁遠,搭左成3粒鐘車,搞到我又暈又想作嘔,不過估唔到返到屋企同阿樂msn後會好左d,當然仲有妹,少文,貓仔幾個好網友!!!多謝你地!!!^^ |
| 刊登時間︰2006-02-09 05:23 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 2 月 5 日 星期日 | |
| 遲來的拜年........... |
拖左幾日,終於等到姑姐唔駛返工可以一齊去拜年,不過到而家先去拜年實在係冇咩氣氛,但有利是攞就算啦!為左去拜年我著到靚靚,出動埋我條好少著嘅短裙,本來想搽埋閏唇膏,但見姑姐已經黎左,冇謂比佢等,結果咩妝都冇化到,同平時一樣!去到我細阿叔嘅屋企樓下,突然有2名中年婦人用d好凌厲嘅眼神係咁望住我,搞到我即刻避開佢地!諗番又諗,都唔知佢地係咪見到我著短裙而覺得唔順眼,早知就唔著啦!斷估唔會係我面目可憎吧=0=!?諗番起,去年都係有個尼姑用個種眼神望住我,睇黎個度d人唔多歡迎我!!!
返到黎屋企發現我對眼己經好番啦!!!終於唔駛再狂飲涼茶,又唔駛再搽藥膏,真係好!!!話時話我呢次真係好得幾快,比著平時一定痛左好幾個禮拜,希望新年流流唔好再病啦!!!搞左一輪,終於可以折利是。呵呵~~~!今年嘅利是$比去年多,共有$1460!!!我要儲低去先!!!
天日就要返學囉!!!一諗到成績表,成堆功課,多到數唔哂嘅是非,我就唔想返學啦!!!雖然新年假都幾悶,但都總俾返學好!!!我真係寧願出去返工,可惜我雞手鴨腳做唔到野~!唉............唯有繼續讀吧!
|
| 刊登時間︰2006-02-05 06:56 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 2 月 2 日 星期四 | |
眼痛得要命!!!!!!!!!  |
今日唔駛同人拜年,又冇人約出街,唯有埋頭苦幹喺屋企狂做假期功課,做下做下雙眼突然痛到飛起,剛巧就黎到11點(我用電腦嘅時間),因眼痛而被逼讓俾細佬玩!其實呢兩日黎雙眼己經唔知做咩一陣陣酸痛,起初以為只係用電腦同睇電視嘅時間長得滯,休息一陣就會冇事,點知休息左成粒鐘都只係好左少少,睇番一陣電視後又再痛過,但我都係冇咩點理對眼。到左今日,對眼好似嚴重左,無論休息左幾耐都仲係好痛><後來媽咪放工,叫我搽d藥膏我先去理對眼,佢素來對醫學有d研究,睇左我對眼一次又一次都唔知我對眼有咩問題,真傷腦筋!!!
不過搽左藥膏對眼真係好左好多,我見好左咁多先敢用電腦。黎緊嘅星期日我就要去兩戶親戚人家度拜年,難得買左一身嘅新衫,真唔想因對眼嘅關係而浪費左呢一身嘅打扮!!!希望對眼可以快d快d好番><.....今日老豆喺深圳返黎香港,我又開始冇自由囉,但願冇自由之餘唔好連寧靜嘅環境都被扼殺啦!!!
|
| 刊登時間︰2006-02-02 05:29 PM [ 訪客留言(3) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | »
|
