呢幾日好熱，留係屋企都覺得好熱，好憎出汗的感覺，呢幾日隻眼冇咁紅喇，但係有時仲係好乾同好澀，好唔舒服呀！！！同埋呢幾日個頭都好痛，唔通訓得太多？？？
呢幾日心情輕鬆左，冇之前諗咁多野，好似開始諗通左一 d 野，um... 冇可能事事做到完美，冇可能要每個人都認同自己所做既野，冇可能去取悅所有人，開開心心，簡簡單單咁過每一日，珍惜今日的人和事，做每一件事都要過得到人過得到自己，咁就足夠啦，係咪？！希望係啦！

今日放半日，去左東華東院睇眼，諗住只係排個期，但係點知個護仕叫我即日睇，等左好耐，又上又落，足足坐左兩個鐘，醫生俾左幾日假我，話我紅眼症唔好返工傳染人，終於可以抖下喇！多謝每個打過黎問候我既朋友同同事

宜家最想對眼快 D 好番，同埋 D 暗瘡快 D 謝，要好好照顧自己，唔好俾自己咁易病！

Mariah Carey - The Emancipation Of Mimi (Billboard 200 #3 - Greatest Gainer)
Mariah Carey - We Belong Together (Billboard Hot 100 #1 - 10 Weeks No.1)
Mariah Carey - Shake It Off (Billboard Hot 100 #19 - Greatest Gainer - Airplay)

點解仲未收到 JAL 個 e-mail 架？

男孩像你

曲：徐繼宗 詞：黃偉文
編：Billy Chan 監製：James Ting / 崔炎德 / Evi Yang

男孩們來約我一般送花 而無人能似你親手種花
但男孩像你 不要我下嫁
男孩們能有你般纖細嗎 談情時和我那種感性嗎
但男孩像你 只愛同類嗎

*假使間這一刻我要你憑良心
想一想 揀一揀 實在是和誰襯
你會說是命運 你與我其實熟得很 但他總比較親
好知己好姊妹 那裡會談情感
不牽手不親咀 但是亦能陪我 下半生
問你這夜最後 送誰回家 我信那個會是我
但我心裡知道 男孩像你 不想跟妹妹拍拖
共你笑著說著 戲劇時裝 那怕錯過了幸福 彼此搓陀
仍然可以彼此幫助 沉悶晚上相約渡過

寒流來何以你先擁抱他 回頭時才替我遮擋雪花
是從甜蜜裡  分我甜蜜嗎
如從前無法碰到這個他 和良朋能夠變出戀愛嗎
若然矇著眼 又能投入嗎

repeat *

像個世上最壞 愛情童話 最襯你那個是我
就算都算相愛 仍然沒法比兄妹浪漫更多
共我繼續約會 喝茶談天你說勝過了共他一起消磨
為何他會得到寶座 長伴身邊的卻是我

聽完一峰同千嬅唱完呢隻歌，又再一次鐘意番呢隻歌喇

今日返到公司，公事包都未放低，舅父就叫我幫佢分 House 票，激死人喇．．．等人簽埋個名先都得卦！今日有成萬六票，十點鬆 d 就睇晒，因為 Jacky 睇左四千幾票，所以先咁快睇晒，佢聽日放假就唔知點算喇，0199 一定又會出黎嘈啦，今日收到個好消息，就係唔使再派傳單喇，好野，放工諗住返屋企訓覺，但係訓極都訓唔到，點解咁架，於是拎起左 GiGi 同楊采妮本交換成長日記睇，都幾好睇喎，d 插圖都幾靚，睇左陣又拎番本蒲精列傳出黎睇，都係呢本書吸引 d，跟住發覺原來仲有本抱抱書係櫃桶入面仲未拆袋，唔得，我要用多 d 時間去睇埋 d 書佢，唉，仲有借左 Raymond 本書都未睇添，不過都係還番俾佢先喇，我諗我宜家都唔想睇 d 咁慘既書喇，同埋決定唔睇我的馬拉松喇，費事又喊到豬頭咁！

呢幾日好熱，郁一郁都出好多汗，唔係，應該係話唔郁都會出汗先岩，咁樣既天氣令到人好唔舒服！

呢幾日我究竟係度諗緊咩？！我都唔係太清楚，問下自己依家開唔開心，我真係答唔到，連自己開唔開心都唔知，的確係一件好荒謬既事，依家有冇野令我覺得好煩呢？其實可以話冇，之前複雜既關係問題已經解決左，其實唔知點解，依家我好似冇晒自信咁，做咩都好似冇晒信心，成日都將自己同人去比較，其實每問人一條問題，自己都希望別人會說出自己心入面個答案，覺得自己好低能，呢幾日問左好多好傻既問題，問左好多唔應該問既野，好白痴！！！

冇自信既我唯一可以做既就係將每件事做到最好，對每個人都要好好，我知道我以前根本唔識得去愛人，我自己反省過，我唔會好似以前咁樣對人咁差，我知道我己經對兩個人唔住，宜家對住你，我不其然就諗起以前既事，你叫我要向前看，我宜家仲學緊！我應該開心你對我咁好，所以我對你都會好好，我唔想你唔開心，但呢幾日我見到你好似有好多野諗緊咁，但係我唔知可以做D 咩，我只可以對你再好D，其實我想知係咪因為我令到你有好多野要擔憂，係咪因為我既情緒而影響到你，我宜家真係唔知點做好！

分手後幾個月好攰，但係都唔及呢幾日攰，心理上其實比身體攰得多，你問我係咪好攰，我話唔係，你問我係咪唔開心，我又話唔係，我唔想你煩，唔想你擔心，有時真係好想打爆自己個腦唔去諗咁多無謂野，但係又做唔到，坐係度又諗，搭緊車又諗，返工做緊野又諗，宜家再冇想辭職既諗法，因為一冇野做我就會亂諗野，又會鑽牛角尖，宜家既生活規律好似打亂晒咁，我好想一個人靜下．．．

Leave Me Alone 孫燕姿

作詞：廖瑩如/李偉菘　作曲：李偉菘　編曲：Terence Teo

站在你背後　感動又難過　這個人一開始也愛過
不知為什麼　突然間覺得沒有你沒有愛最快樂
Oh~~ 如果你問我　想要些什麼　我會說我想要風平浪靜
慢慢的摸索　一天天的過　但是我們想的畢竟不同
Oh~ Oh~ Oh~ Oh~ Oh~ 想什麼　要什麼　別問我
Can you leave me alone Na　Na　Na　Na　Na　Na......
Oh~　Oh~　Oh~　Oh~　Oh~　想什麼　要什麼　別問我
Can you leave me alone
我不想要誰給我快樂　因為快樂總帶給我不快樂
我們不是做錯　只是不知所措 So please 這一刻　讓我走
Can you leave me alone 

尋日返六點，冇想像中咁眼訓，但係唔眼訓都睇錯票，激死！！！之後十一點就放工喇，之後去找咭數，唉，呢次又遲交咭數喇，近幾個月成日都好冇記性，唔記得交咭數啦，又唔記得俾家用啦，又唔記得轉數去支票戶口，到開支票時又俾人扣錢，又成日唔記得拎銀包呀、鎖匙呀、電話呀、八達通呀．．．點算！！！之後去唱 LUNCH K，行左旺角一陣，之後拎完禮品就去九龍灣喇，終於有機會睇番憶蓮九六年個音樂會喇，好開心，如果當時可以親身去現場睇就更好喇，晚飯係去大家樂買外賣食，好飽！！！係屋企睇亞洲先生選舉，都幾搞笑，但係泳褲環節班女人好似前世未見過男人，成班色中餓鬼咁，哈哈！！！

尋晚訓下醒下，訓得唔好，所以今日個人有 D 攰，個樣又好唔精神，其實一年三百六十五日之中，我諗有三百三十日我個樣都係好似未訓醒咁架喇！！！個樣越黎越殘，唉！今朝醒左，諗起一 D 野，喊左出黎，係咪又嚇親你呢？又係你面前喊，真係好冇用，同埋又要你擔心，我真係唔想，你問我做咩事喊，因為我諗番起以前一 D 野，同埋諗起依家既情況，好多好多回憶，好多好多感覺，好多野突然之間湧晒出黎，你叫我唔好諗咁多，但係有時真係唔到自己唔去諗，有 D 野我都想有方法可以去逃避，但係越係唔諗，個人就越係放唔低，有好多野我都想講，但係唔知點講，我知你想同我分擔，但係有 D 野真係要靠我自己去解決，有時自己諗唔通就係諗唔通，講俾一百個人知都冇用，分手之後幾個月內所發生既事令我好攰，有 D 野講左好多好多次，到依家有個答案，但係原來唔係真係咩都放得低，今日我竟然仲問自己，我係咪真係己經可以 READY 去投入一段新感情，可能我真係未準備好，我只知道我想對你好，我講過依家好難再毫無顧慮咁去愛一個人，人大左，諗野亦都複雜左，可能一直都只係我自己既問題！