知道你去海邊吹風，諗起我們之間的事哭了，知道後我好難過，我個心好唔舒服，我宜家先知原來心痛係咁，我唔值得你為我哭，我真係唔想見到你唔開心。
這個想法半年前便有了，我提出過，可是你沒有放上心，而我和你也拖拖拉拉至今，分開是我提出的，我唔應該傷心吧，可是我哭了，仲要在你面前哭，我哭係因為我知道我今次真係傷害左大家的關係，我唔想傷害到你，相信你哭得比我還多，也比我更傷心，但你在我面前永遠都比我堅強，我知你心入面一 d 都唔好受，我今次真係做左衰人。
我知你好鍚我，我都知道你對我好好，我可能以後都搵唔到一個人對我咁好，你話我好決絕，你說相處了差不多四年，怎會連一點感覺也沒有，但係我都想你知道我宜家好多時都會諗起你，我永遠都會關心你，可是宜家我對你冇左一 d 感覺，我知道冇人會比你更了解我，你會係最清楚我的好朋友。
你會話我好矛盾，我知你對我好好，而我又關心你，又冇第三者介入，點解唔可以再一齊，但有時愛要有感覺，你會覺得呢個理由好多餘，但我接愛唔到我咁自私，愛需要雙方付出，你說你唔介意你愛我多過我愛你，但係我真係唔夠愛你，有時甚至連我自己都接受唔到點解可以對你咁差，如果我再拖住你，到再過多幾年我先同你講分手，你會傷得更深，你宜家仲後生，應該去搵過一個真心真意愛你同對你好的男人。
你說不捨得我，你說會等我，你希望我們可以重頭再開始過，我也不捨得你，但我唔希望你等我，我唔係細路仔脾氣，我唔值得你再花時間在我身上，咁樣我會有好大的壓力，再開始過？有個朋友話邊套電影的續集會比第一集好睇，我真係唔想再由頭再開始過，宜家一個人都幾好丫。
當我知道你阿爺有事時，我知你一定好擔心，我知你一向都好孝順，好緊張屋企人，我唔知點安慰你好，你知我唔識講野，我驚我講多錯多，其實你唔開心有野想搵人傾，你真係可以隨時打俾我。
你話呢排好多野都唔好，又要調分行，又分手，屋企人又有事，但我只係想你唔好諗埋一邊，正面 d 去諗下所有野，凡事都有兩面嘛，你話你冇用，梗係唔係啦，你心地好，同埋你好孝順，點會一 d 用都冇，唔好因為呢件事失去信心，我支持你。 |
