一個多愁善感的天蠍座男人喜歡諗野同發白日夢，有時幻想程度有如思覺失調一樣，脫離現實得有點可怕！
究竟一個人要擁有甚麼才算幸福呢？一個學位？一個溫暖的家？一份你熱愛的工作？一個你愛的人和愛你的人？一個健康的身體？一班好朋友？
咁我有些甚麼呢？
我沒有讀大學，亦沒有一個學位，自問遺憾嗎？有少少啦，依家在街上見到一些中學生，也會諗番以前我讀書時做過 D 咩呢？答案我只係一個平凡到不得了，每日返學放學，測驗考試，沒有參加課外活動，也不愛打波，只是一個 PHY CHEM BIO 成日不合格的理科生，好自然，考完會考我就再升不上去了。之後入左 IVE 讀左一年證書課程，呢一年係我最冇壓力的讀書生涯，因為課程入面的東西好多我已學過了，同埋有一班好搞野的同學，很多時放學都去唱 K 打機，好開心。（根本我就不是一個讀書的材料）之後再在 IVE 讀多三年 HIGHER DIPLOMA，呢三年就好似一個避難所咁，我成日都唔想咁快畢業，因為知道畢業之後就真係要出黎做野，真係唔想．．．
屋企呢？我有一個完整的家，爸爸媽咪從來都唔會俾壓力我，讀書啦，搵工啦，做野啦，他們都任我想點就點，我係細仔，所以他們都好錫我，家務唔使我做，在家中，發脾氣發得最多又係我，哈哈，我真係好幸福架喇。我有一個哥哥，以前我地成日都一齊玩，有時又會打交，但係唔知自從邊一日開始，我地兩個開始冇咩野講，漸漸話題少了，關係也變得疏離，我有嬲過點解爸爸媽咪見到我地咁樣都唔做 D 野去搞番好大家的關係，但係其實可能連我地都唔知點解會咁。
我有一份工作，係一份別人眼中不錯的工，準時放工，人工唔錯，係一份幾穩定的銀行工，實際係點呢？唔多講喇，唯有繼續努力啦。
我有你，係你喇，你知我講緊你！
人越大，就越緊張自己的健康，好多對身體唔好的事都唔會做，其實我唔怕死，只希望死的時候不要病得太辛苦便好了！
朋友，有很多，真朋友，可能十隻手指都數得晒，當你唔開心時，打開手提電話的通訊錄看一遍，可以搵到一些朋友可以聽你訴苦同給你開解的話，你已是一個幸福的人。
|
仲有一峰四月做的舞台劇
同埋希望快 D 聽到你的新歌
