今日返工都係咁,咩都唔可以做,好悶呀.我知道佢地都係因為擔心我,所以先咩都唔比我做,我明白o既 ^^

放工上左呀grace屋企,之後落左街食野再返佢屋企傾計,同佢傾下佢公司發生o既問題,佢好唔開心,傾到3 點幾,希望幫到佢啦.

計埋今日我同佢已經有一個星期完全無聯絡,有時仍然會攞起個電話好想打比佢,亦有時會諗唔知佢現在點呢,過得好嗎,唔知佢做緊咩呢,仍然會經常想起佢.佢o係我心目中真係好重要.其實好簡單,我只係想誠實地面對自己既感覺。

我愛你既,你唔可以阻止我呢個感覺...
同時地,你唔再愛我,我都唔可以改變呢個事實

今日返工好悶,咩都唔做得,呢樣又話唔得o個樣又話唔得,好悶呀 =.=" 放工同呀dick 一齊走,佢話你今次真係太任性了,我說:係呀,我知我今次實在太任性了.之後大家都無言.今日最開心的就係coco 搵我,我地已經好耐無聯絡了,我真係好掛住佢,呢段時間發生太多了,我真係好需要呢位朋友.我和這位朋友,唔係成日見面聯絡,但心裡總有著對方,而且我們亦一起有所經歷過,所以呢種友誼係改變唔到架.

ＨＡＰＰＹ　ＢＩＲＴＨＤＡＹ　ＴＯ　ＫＩＴ !!!

今日放假,訓到2 點起身食完野再訓過,訓到5 點左右起身洗白白出去,因為約左meko去tst行街.出到去我地行左it,又返左公司睇下jan jan,見到佢今日仍然唔係好開心咁,希望佢快d 無事啦.之後我地去左食野,再去行街,去左玩具反斗城睇bb 野,之後meko問我會唔會想去佢(yy) 公司睇下佢,我話我唔去喇,如果她想去,我在這裡等她好了,她說她都係唔去比較好,現在仍然唔係時候.她說現在想逃避的是我,我說:我不想再去想了,因為我和他都受了傷.之後我地就去買pizza食,唔......好味道呀,都有幾個月無食過了.之後我地去左行利時,我買左衫衫呀,he...  

返到cwb上左grace 屋企,一上到去見到佢面青青,嚇死我呀,好彩無事.之後我地傾計傾到3 點左右,傾下佢工作,感情,仲有我o既事咁,佢摸一摸我,叫我要食多d 野,放心啦朋友,我會架喇~

呀ching 打比我,話money 昨日生左個女,嘩...我呢位老朋友,我地由小學識到現在,記得2 年前我先去飲佢o個餐,o個晚飲完我仲攬住yy 喊左好耐,估唔到今非昔比,佢已經生左個女,而我...就已經失去左佢.

今日到我要面試了,緊張得我丫.食完飯大概3 點9 我走出發上office,上到去要等,等左1 個多小時左右,到我的時候,因為太緊張了,表現得唔係咁理想,有d 唔開心,因為覺得自己答得唔好,唉...無計啦,下次再努力d 啦為有.返到公司,呀dick 就叫左我入倉傾計,問我點,佢話我要比答案佢了(肚),我說我想睇左醫生先,聽下醫生的意見.之後他就安排我掉Area,咩都唔可以做,咩都唔洗理.我明白佢一定要咁做,事但啦..呀dick對我講左d 說話令我聽到之後好唔開心,好似講到我呃佢咁,我對佢我無所不言,如果連佢都要咁諗我,算數啦,放工,同kiu,michelle上左去michelle 男朋友度坐左一陣,傾下計咁,之後去左食野就返屋企喇.返到去同grace 傾電話,佢叫我唔洗理其他人點講,因為無人親身體驗過,所以無人會真正咁明白我.她又說她和男朋友的問題,我們分析後認為她還是應該給時間她男朋友.收線之後無耐,jan打比我,我地傾到6點幾先收線訓覺.( jan jan : 唔好唔開心啦~)

男人　若你真的愛你的女人
麻煩拜託請不要讓她們傷心

《大家都好平凡》

小時候想像邂逅時有多浪漫動人
長大後才發覺這原來是自以為事

小時候想像過分手有多轟烈感人
其實一點也不
相反男人只是絕情地向自己輕輕帶過已而

我們有太多的故事　都太相同　太簡單
只是每個女人都不願意承認自己的公式化
其實只是一個平凡到不平凡的平凡女人