昨晚又夢他了,要忘記根本並不是容易的事.正所謂日有所得思夜有所夢,我根本放唔低.我認為我同佢應該好好咁傾下,心平氣和咁傾下.但佢話唔傾,因為答應左呀哥佢地我地唔好再聯絡,咁我點呀,要我自己一個做決定,而佢就等結果.好辛苦呀,如果可以只係諗我自己,就好容易,有朋友說如果我堅決只諗自己做這樣的決定,這個男人將在這公司無法抬起頭.唉...我唔想要害左佢,但我應該點做好呢?自私定唔自私好喎?好煩呀...究竟佢心裡面係點?睇到o既又係點?而我應該點睇點做點決定...?

掩蓋雙眸   才能看到真相

堵塞喉嚨    才可以講出實話

餘下聆聽耳朵全部以外都假

一個人有多努力為自己辯護   同時就有多落力把被點破了的要害遮瞞

最近都無咩胃口,成日食唔落野,食左又想嘔,一係就唔想食,一係就好想食野,怪怪地...

今日呀dick 放假,不斷打返黎公司搵我問我點,我知道他很擔心我.下午,呀哥落左黎,我一見到佢好唔知點咁,不斷扮忙,想避開佢,但結果都係比佢叫左入倉傾計.佢一開口就問我點解咁傻唔早d 同佢地講,我說我真係唔知道點講,而且yy 說不要對人說.呀哥說我現在一定要為自己打算,諗要諗自己先,但點可能唔諗佢丫,我都想唔諗佢,但如果我只諗自己就太自私了.我真係做唔到唔諗佢,無諗過我地會咁容易玩完,個心真係好痛.呀哥叫我唔好再死撐下去了,他說他明白現在的我很辛苦亦很累,說這樣對自己唔好,一定要好好照顧自己.叫我唔好再同yy 聯絡,唉...唔聯絡真係最好的方法嗎?我這次是很認真,很投入的...沒有想過會變成咁.而且我嬲,我嬲佢把我們所有快樂過,經歷過的忘掉,心只想著那個女人,他會跟她說對不起,會為她補償,咁我呢?誰會補償我?我們一起咁耐,難到我在他心目中就連一點地位也沒有?在他心目中我真的一點好都沒有?想到這裡,心真的很痛.  

我們這結局太不堪
分不出真假的愛恨
 

連朋友們也知道　現在他只對她好
維持往日慣常拖手散步　當為我好

如果她敢跟我對望　誰人首先羞愧冒冷汗
若是憑啞忍換到施捨的眼光　不稀罕

是我太好勝　愛得不留情
難以勉強去 閉起雙眼睛
 

若要接收愛是建基於同情　誰代禮待仍然欠公平
若要接收愛是建基於同情　誰要扮偉大仍然欠公平

今日在公司呀dick 找我傾計,說很擔心我,我說著又忍不住哭了出來.呀dick 說我很好勝,而且跟yy 很相似,2 個人的性格都是咁固執.當時我還不明白,到放工後因mile 的男朋友生日,所以我們成班同事都去跟他慶祝,去了一個好像酒吧但又可以燒野食的地方,呀dick 再同我傾計,今次他開口說他已經清楚我們的問題,只是想我開口跟他說,我甚麼都說不出口,於是他拿比喻開了話題,問我為甚麼不早點跟他說,他和呀哥都很擔心我,對不起...其實我真係唔想你地擔心,但係我真係唔知可以點?我心身都疲累得很,我知道yy 都一樣快要瘋了.說著說著又忍不住哭了出來,他說了很多後果給我知,叫我一定要決擇,因沒時間了.我明白,但仍然很矛盾,他叫我要想清楚,說一定會陪伴我,叫我不用怕.我知道每一個人不論知不知道內情的都很關心我,錫我,我感受得到,亦很感動,很對不起...我很煩,真係唔知應該點決擇,我個人好無方向,咩都唔想諗呀,而且我自己一個人如何去面對...

目標跟方向
已為你統統喪失

願 我 可 以 學 會 放 低 你 !