今日我都係食一點半,我知佢地特意安排的,因為怕我餓親.我知道佢地錫我,緊張我,但我唔想要特別待遇,好似今日有個客要試dummy 件衫,我想搬開個dummy 出黎攞件衫比個客試,呀dick 都叫人幫我,唔比我自己整,我覺得自己好無用,成日要人擔心...我想工作,工作或者可以令我暫時忘記佢,忘記唔開心的事,所以我想咩都做,太得閒只會諗諗諗...諗返d 無可能o既事.不過我亦明白現在的我一天比一天有分別,一天比一天攰,肚一日比一日大,仲可以瞞到幾時?  

我 們 的 關 係 是 : 不 可 終 結 也 未 長 久...

今日lunch 的時候,好日都唔去o個間茶餐廳食飯,今日一去就見到佢.我地大家都扮見唔到大家,唔好話傾計,就連一個招呼, 一個眼神接觸都無,大家都視而不見,當對方透明,就好似仇人一樣.我不斷諗點解...或者係因為大家都狠狠咁傷害左大家,所以今日才會攪成咁.現在呢種關係比任何傷害更心痛,更無奈...

放工,去左michelle男朋友開o既酒吧飲野,佢地問我點解唔飲酒同埋唔講野,我只好回答我一向都係咁.坐左一陣我就走左.

我每天都念著你　你不會知道
有點奢求你能再望多我一眼
可是　那又怎樣？
再望多我一眼　那眼神都是不耐不煩不屑

昨晚訓得唔係咁好,諗住早d 訓啦,但結果都係要今朝先訓得著.返到公司死死下咁,好攰...最近除左識得講好攰之外咩都唔識講.我覺得我個人就黎痴線咁,成日都唔知自己想點,情緒又時好時壞,我咁大個女都未試過咁,我一直都把自己看得在他心目中太重要了,以為他不會想失去我,原來只係我看得我們的關係太重了.最近不知怎的,我的食量很驚人,把我自己都嚇怕了.放工,有個同事問我,為甚麼最近我總是著d 寬闊的衣服,我說沒事,只是感覺舒服而已.唉...近日穿衣成了我每天最煩惱的事.返到cwb 我走左去trendyland睇mickey 野,記得以前我同佢成日都會去睇架.好想買野,好想令自己開心,但點睇都無野想要,為買野而買野,或者,要買o既應該係心情.

你已經再看不到

聽說一個人用一隻手指摘人的不是時
同時　他用四隻手指指向自己

我說是這是歪理
文字解說上　產生太多的誤會
令人以為我在指摘他同時他在指摘我

有點太多情　多情推去無情
有人把自己看得太過重要　我倆都是

曾經親愛的
努力在那邊幹你的事吧
我在這邊吹噓過著　不需要以前

不說了　道不同　不相為謀　不相互聯
各走各路　不歡而散　在尋找我的著陸點

今日我放假.但無聊得很,個人好攰.晚上,grace 打比我,佢話佢真係好嬲我,因為我竟然唔將我肚o既事話比佢知,佢話佢見到我發覺我有改變,其實她一早就已經看出來,只是沒開口問我,她說這個bb 我不可以要,因為會牽連好多野,她說我可不可以愛自己多一點?對自己好一點?她說我攞緊自己的生命來玩,為甚麼要因為他這樣傷害自己,她說現在已經太危險了,基本上我只得兩個選擇,但任何一個選擇都會對自己做成很大的傷害.說著她哭了,我心也很痛,對不起...我真不想令到身邊的人傷心但偏偏就令到身邊的人傷心.大家都說不要想他,怎可能不去想他,我最怕的就是傷害到他,但所做的偏偏又傷害到他.我煩死了...好攰呀,我支持不住了,如果倒下會好一點,那麼就讓我倒下甚麼都不用再想,我真的也不想再死撐下去.

今年比上年過得不快樂,失去了他,要在失戀中渡過每一個節日,把眼淚都變成雨水.

我累了　疲乏了   痛苦得崩潰了
然後竭撕底里地發狂落淚

有沒有再進一步
可不可以再走前一步

1. 收起他的東西，以免觸境傷情
2. 將電話簿既quick key、鈴聲、來電照片等的設定全部刪除，不存有任何寄望
3. 去買自己喜愛的東西
4. 約自己想見的朋友
5. 會想去結識與自己不相識的朋友，甚至一眼就覺得有好感的人
6. 經常上MSN, ICQ，發現原來有很多朋友，願意和自己傾談
7. 會突然碰見很多朋友，還會積極留下他們的聯絡方法
8. 期望將自己的時間表排滿
9. 原來身邊的朋友，感情上都遇到相似的問題
10. 不過可笑的是，發現自己是愛得比較轟烈的一方。亦令自己死得再為轟烈
11. 有很多朋友生活得很好，或是自己生活得較差？
12. 突然好掛念他，不過亦要學會不去找他，很辛苦的﹗
13. 會常反省是自己有錯嗎？最後只知都已分開了，沒什麼好想了……

 

不過，始終失戀都是教人傷心的……