女孩以為以抑壓愛來處罰男孩
就不會像吵架的人那樣直接傷害對方
慢慢剃剝套他應得的愛來間接傷害他
女孩從而想令男孩對她緊著多一點　關心多一點

抑壓愛必然會使對方對我們付出得更少
可是女孩並不發覺這是男孩對她反而冷淡的原因

終於　今天女孩還是忍不住想見男孩
男孩今天也合巧地來看他可能掛念的女孩

他們又像以往一樣　快樂地一起離開
她知道她的想法錯了　因為
男人來自火星　女人來自金星

今日我放假,原本約左佢12 點架,點知12 點我打去佢屋企時佢先起身,成2 點幾先出到黎.我真係好想問佢究竟有無尊重過我地o既約會? 佢黎到之後我地去左天后飲茶,然後我地就入左去石澳,這個之前我們成日去的地方,我們的拍拖勝地.我地坐左o係D 石度傾計,好清靜好舒服...坐坐下,佢突然話好唔開心因為我同佢攪成咁,我都唔知講咩好,其實我都唔想,但可以點,這是你所揀的,如果你唔想點解又要放棄,既然你放棄左又何必要咁講,聽得我個心好酸.佢仲手多多咁摸下我個肚,o個一刻好感動...之後無啦啦落大雨喎,我地只好等到停雨先走啦. 同佢一齊真係好開心,好耐之前我地都係咁架,成日揸架車車周圍去,成日傾計,真係好開心架.佢仲話23號帶我去長洲玩,好野...

今日返左m38新貨,所以今日好忙,見到d 新野想試下啦,點知發覺自己原來肥左好多,個肚仔同個patpat 呀>.< 嗚嗚嗚...放工,同佢傾左一陣電話,結果又係傾得唔開心,唉...究竟仲會唔會有第2 個結果架?

空虛　厭倦　我覺得自己像失去了什麼
再不知道價值　再沒有想追求的感覺

今朝同rosanna 呀kiu 一齊返工,勁勁勁眼訓...真係企o係度都訓得著呀.食飯o既時候我打過比佢,佢無聽電話,我再用同事個電話打比佢,佢就有聽,好明顯佢就係刻意唔聽我電話的,我無野好講,只係嬲自己到呢一刻都仲唔明白咩...呆左一日好唔容易終於等到放工,食埋野訓...

今日係Aqua返工o既最後一日,所以今晚放工我地就成班同事就落左去旺角食日本燒烤,d 野食好好味架,我地叫左牛,海鮮等等...我地仲飲清酒,好開心,食到2 點幾,埋單成8000左右.之後我地有幾個同事就去tst 搵埋rosanna 佢地一齊去唱k,我同呀dick 合唱首愛你還愛你,呀dick 同我講話知道最近我仍然好唔開心,希望我可以振作,仲叫我要明白呢首歌o既真正意思.其實呢首歌我自己都好鍾意,我都好希望自己可以真正咁領悟得到,或者懂得放手令身邊人幸福才懂得咩叫真正愛一個人掛...唱完k 我地幾個同事仲有下場,玩到第2 朝成8 點先走,去左魷魚屋企度訓...今晚給自己放縱了一晚,無下次架喇.