無法安寧   是因為聽不到誰的聲音而不能入睡

電話撥號不通   話音終止

儘管接駁好電源   最後接不通仍然是我們彼此之間的思緒

女人要不時學不會適可而止的撥出打進

就是太習慣靜待來電的那份寂寞感

因為我覺得自己不夠實在

其實我多麼想你好像我想你的這樣想我...

計埋今日,我和他已經有一個星期沒有聯絡了,我每天都好希望佢會打一個電話或send 一個sms 比我,但係點等都係等唔到.今天rosanna同我講話要我在６月攞大假了,否則呀dick會幫我安排.唉...我都無地方想去,之前原本約定他在今個月這時候齊齊放大假一起去台灣影結婚相,點知攪成現在咁.上個月我和他還約好會一齊攞大假去玩,但現在應該是無可能o既事了.事但啦,放幾時對我黎講都無咩所謂.放工諗住上佢度換件衫,點知send 左sms比佢都無回覆,呀...我無衫著呀 >.< 最近都係有d無來電o既電話打黎唔出聲,我聽電話一喂佢就收線,邊個呢,唔通我得罪左人?不過有時多麼希望呢d 電話會係佢打黎架.哈哈...真係白痴!!!

我覺得愛一個人應該是會無條件的付出一切，不應計較甚麼回報。

在我學懂之前，我還是沒有資格再愛你，

現在才覺悟會不會太遲呢？你又會否等我呢？

最近我自己亦因為很多事情感覺很困擾,工作又很有壓力,真不想再支持下去了...

今日o係公司有好多唔愉快o既事,令我忍不住喊了出來.我真係覺得很疲累...無論在感情,工作上我都做得不好,究竟我應該點做???有無人可以話比我知呀?

朋友問我點解佢咁對我,我仲會等佢,愛佢...我話因為無論他點樣對我,對我講咩難聽o既說話,我都唔會憎佢,仍然對佢有希望.係因為記得佢曾經對我講過:鬧交時講o既所有難聽o既說話都唔可以當真,所以每次無論佢點話完我,我都會諗起佢o既呢一番話,因為我深信我所認識o既佢並唔係咁.我知道只要我同佢比時間大家冷靜過後再慢慢了解,問題一定會解決架...

最近知道佢間shop有d 問題發生左,我知道他現在一定好煩腦,我真係好想幫到佢,局外人係睇得最清楚架,記得以前佢一有咩唔開心或有咩問題都會同我講,我地一齊分析,一齊諗下點解決...現在已經沒需要我的地方了.今日好想打比佢,攞起個電話都係唔敢打,我驚佢又會話我煩佢...咁諗住send 個sms 比佢支持佢,安慰佢啦,打晒d字結果都係唔敢send,唉...希望佢可以好快解決晒d 問題啦.我相佢o既能力一定可以做到架.加油呀~

親愛的:

         我知道你現在一定很心煩,我更知道我打比你亦只會增加你o既煩腦,我不多說了,只想你知道無論是解決任何事情都要用個心去解決呀,要過到自己過到人,要清楚知道你身邊人o既感受.用心去幫佢地啦.好似無話過比你知,o係我心目中你係一個好上司,你處事公平,會處處為你o既下屬著想...你亦係一個好情人,好老公...至少到現在我仍然覺得你係~