今日在工作上遇上唔開心o既事,我唔開心的並不是因為可能要取消資格,而係某d 人將所有的問題都推到我身上,還死口不認自己出錯,對著這些人我只好感嘆...

放工約左佢,我地去左食野,之後坐低傾左一陣,佢很清楚話比我知佢想點,令我個心放鬆左好多.因為一直我都唔明白究竟佢想點,要我點做,原來所有事係可以好簡單.根住我o係度睇佢打psp,打火龍好緊張呀...好想試下玩,不過佢係都唔比我玩,衰到死坐到3 點幾我們就走了(多謝你陪左我咁耐呀)

今日我放假,原本今日約左佢出去o既,可惜最後都係無去到.因為佢昨晚飲醉左玩到今朝5 點先走,佢話佢嘔左好多次,好累所以唔出去了,話訓醒打比我.事但啦,都習慣,都估到會係咁架喇.不過唔想迫佢陪我出去,就比佢休息下啦.唔知點解覺得佢變左,之前佢都唔會咁o既.下午6 點左右我打比佢,打左幾次佢都無聽,到晚上9 點左右我再打比佢,佢電話已經無開了.結果最後佢都係無搵過我,我又搵唔到佢.其實如果唔想再比我搵到或者唔想搵我,有咩可以直接同我講丫,點解要咁對我喎.一時一樣,好難捉摸呀.現在呢個男人...已經唔再係我所認識o既佢了,或者要醒o既應該係我...

就快到星期5 了,好緊張...

今朝6 點醒左,根住訓唔返>.< 訓得3 個鐘咋...今朝都要上training,不過今日好像比較累,勁眼訓.上完堂走的時候有同事話覺得我同佢真係好襯,hehe...其實有好多人都係咁講架,不過佢唔知道啫.佢今日打過比我,但我上緊training 所以無聽,根住我打返比佢,原來佢想搵我問返我request 放假o既問題,下個月就係佢生日喇,記得上年我們仍然很恩愛,我還將自己綁上絲帶送給他說往後每年他的生日我都會為他慶祝跟他一起渡過呢,哈哈...諗返起心仍然感覺很甜呢但今年所有都改變晒.他還說今年有很多人都想跟他慶祝,他大概已經不再需要我了.今晚我收8 點,根住打比佢,佢話今晚要去唱k ,原本約定明天的約會還未約實時間,他放工仍沒有打比我,我打比佢,電話又唔通,他是在避我嗎?為甚麼每晚他的電話都是未能接通?我真係唔明,佢究竟想我點?比個答案我好嗎?我真係好無方向呀....

今日7 點幾起身,因為9 點要去office上training,好眼訓呀 =.=" 上到1 點幾走,返到公司好肚餓,好彩食2 啫.hehe...大概到6 點幾,我已經開始好眼訓,好彩比我收8 點早走.但都沒有早訓.今晚呀roy 係咁問我,可唔可以比個機會佢追我,佢問我佢會唔會係我其中一個選擇,哈...我真係唔知點答佢,我真係唔得,因為我根本未放低那個人.連我都唔知我同佢咩關係,亦唔知可以點?應該等嗎?我自己都好無奈...所以我真係唔想為左想有個人錫我而拍拖,就係因為那個人說會等我,所以我對我們還存有希望.sorry...好彩最後佢都好識做話咁我地做朋友先,如果第日我覺得可以選擇佢時記得要比機會佢,咁識做,唔該晒...^^

今日我放假,玩到今朝7 點幾先訓,原本約左佢2 點半食lunch,不過佢有事食唔到,所以無食到.我訓到4 點幾起身,根住返左公司,之後去左佢公司搵佢比返d 野佢.根住陪左佢去買禮物,佢話佢好擔心,因為我一時無事一時又好似好唔開心,其實點解會擔心我呢?怕我煩住佢嗎?不過佢同我鷗手指尾話會等我,係咪真架?我好開心呀hehe...不過其實我都有d 驚架,因為唔知佢幾時會對我好,幾時又會鬧我...

女人其實總喜歡希望有人向她們提出問題  以自我鞏固被關心的存在意義.