今天我放假,所以成晚都唔願訓,今朝7 點幾先走去訓,一訓又夢見佢,我見到佢企o係我面前,我上前攬住佢,叫老公.跟住佢叫唔好再叫佢做老公,我係咁話唔好,唔好...跟住,佢亦抱住我同我講:如果你變返之前o既你,我就比你叫啦.如果唔係我就咬咬咬你.之後我們大家都忍唔住笑左出黎.夢...總是溫馨的,現實...總不能盡如人意.

今天佢打比我同我夾假,傾左一陣就收線.如果唔係要陪我睇e 生,我諗佢連打都唔會打比我.攪掂件事之後可能我同佢連電話都未必會講,見到面可能就只如同陌路人一樣...諗到都好驚.好唔想咁樣,每日都好希望佢可以原諒我,不過佢今天跟我說他覺得自己沒有決定錯,他覺得我好煩,困擾著他.或者,我就是個令人討厭的人.今天我終於將之前整左一半的相薄整好.雖然仲有好多相無放落去,不過裡面亦都記載左好多好多我和他開心快樂的事,每睇一頁我都忍不住笑,好多回憶盡現眼前.張張相都溫馨無比,頁頁都咁精彩...晚上,我上左佢度換返對鞋,一上去佢倒左碗湯比我飲,我一路飲一邊想喊,佢媽咪煲o既湯我已經好耐無飲過了,很溫暖o既感覺.而佢就食緊飯,我一望見佢食緊飯個樣我就忍唔住笑左出黎.好得意...將d 野食放到成個口都係,滿滿的..成個小朋友咁好可愛.還記得我第一次同佢食飯,見到佢個食相我又係忍唔住咁笑左出黎,仲問佢咁樣食係咪會好味d添.哈哈.....諗返真係覺得好笑.飲完湯坐左一陣我就走了.

睇返之前o既日記,我們都好簡單開心的.對不起....我真的知錯了.是我變了,變得壞了,令你不再愛我.我也憎自己變成了這樣的一個我.

我好掛住佢呀...

不相信你還會回心轉意
是我任性才決定  要等你

想念你說的話　想念你的模樣

原來想念是這樣　原來寂寞是這樣　原來愛一個人會是這樣
小說的情節都用不上　何止是睡不著吃不下　又是他

我想　想　天就快亮　我還在想
我想　想　我好想你　原來想念就是這樣

昨晚5 點幾訓,早左訓得著,不過又發夢見到佢.一個多月了,晚晚都夢見他.昨晚夢見在他屋企,正要開門出去時,開極都開唔到門,出唔到去.在現實生活中,我真的走不出去.今日的天氣變得很快.早上還是熱熱的,下午就下起大雨...到了晚上就變得很冷.天氣簡直就好似人的心情一樣變幻莫測.原本今晚約好和他會去遊車河的,點知落雨,我知道今晚都係去唔成架喇.點解要今日落雨喎,點解每次等我滿心歡喜後結果總要我失望.或者連個天都認為我不應該擁有這樣的快樂,所以要我將最愛的都失去.這就是我的命嗎?

今日在公司時照鏡望見自己,總覺得自己這2 天肚仔好像大了一點,不知是心理還是真的大了.見到自己個樣覺得好攪笑,對腳咁幼,個肚肥肥的,好似兩枝竹榪住粒大魚蛋咁,怪怪地...很有趣.我在想,如果我有幸個肚再大落去的話,我很快就會變成矮冬瓜了.諗到都覺得好笑.最近我的胃口大增,成日食完野都好似無食過野咁,死啦,就快變肥妹喇...身理開始起變化,我唔知道我仲可唔可以應付落去.我個心根本咩都唔想諗,因為我無得揀,我咩都無晒了,還可以在乎甚麼?晚上放工後上左去佢度,佢屋企令我有種好舒服,好熟識o既感覺,這一個我曾生活過的地方,我鍾意呢度,每一個角落都曾有過我倆的影子,不知道甚麼時候我將會再沒機會回來這地方?這個月,他daddy, mummy都將退休了,記得之前多麼希望能夠有幸跟他一起擔起這個家,令他爸媽過得幸福舒服,一直都很期待4月快d 黎,點知他決定自己擔起這屋企,我們還未開始一起努力,他就不需要我了,而我原來沒有這個命.他跟我說他憎我的其中一個原因,是因為我在這日記網數他的不是不是...其實我並不討厭他,亦都討厭唔到,這只是一個我晚上不能睡而逃到這裡的一個地方,無論寫幾多字,都不能將我所有感覺, 所有情感盡錄,就算再寫,都寫不走所有回憶...

今日終日鬱鬱不歡,好想喊,好想大叫.個心好辛苦.佢對我依然不聞不問.真係好想問,點解人可以咁絕情?一個自己曾經愛過,曾經和自己每天一起生活,開心過的人,今天竟可以這樣冷淡,點解可以做得出?如果可以我都想學下...起碼我現在就唔洗咁辛苦.對佢...我真係憎唔落,我都好想自己可以憎佢,但我做唔到,每天仍然掛念著佢,好想聽到佢o既聲音...每日都好想我同佢可以好似之前咁,咁開心.我和他應該是開心的,真唔明白點解會攪到咁?我每日都好唔開心,好希望一切都唔係真架,好想佢今日就同我講話係整估我,今天係愚人節呢.今天我先真正知道,失去他我原來會變成咁.起唔返身,我多麼希望自己是在發夢,或是他給我的一個教訓,教訓完我會跟我說一切都過去了,我們好好開始過吧.

今日我返4 點.昨晚失眠,肚又痛攪到更加訓唔到,痛到忍唔住send 左個sms比佢,好掛住佢呀,好想佢o係我身邊.下午,我食4 點半,搵返我昨日唔見左o既鉛芯筆,好開心,失而復得...這枝鉛芯筆陪左我好耐,每次唔見左都會搵得返,今次我真係好驚會搵唔到,好彩最後都搵到.不過,原來唔係每樣野都可以失而復得,有好多野唔係必然架.他...我失去了,卻不能失而復得.我和他的開心事...我失去了,真的不能失而復得嗎...?