單身的日誌 - QOOZA BLOG 網上日誌

Leader2008 : 個人主頁 - 相簿 - 訂閱 [ QOOZA - 論壇 - 登入 ]

Leader2008

暱稱： AlienChan(leader)
性別：男
國家：香港
地區：大埔區

MORE...

最近沒有訪客

日誌統計

文章總數： 92

留言總數： 59

今日人氣： 24

累積人氣： 2095

2008 年 7 月 27 日星期日

今日好開心呀!!哈哈

分類: 未分類

今日仲以為好早,唔想起身,

點知睇一睇個電話原來3點幾啦.....哈哈

咁我都係訓左係到,可能冷氣舒服,

唔想起身住,等多陣老婆都起身啦,

咁我地就出去刷牙洗面啦,

返到黎就諗食咩好呢?

老婆就成日睇到kfc個廣告,

就話食kfc啦,

咁我地就換衫整頭出去上水啦,

因為今日要幫她攞野返上水,

琴日因為嗌交所以冇去到,

攞齊野就出發,去上水途中都係到諗,

上水有冇kfc呢??????

咁冇辦法我真係諗唔到,

咁我叫老婆打比利志問佢,

利志話有,我問佢一唔一齊食呀,

佢話:未收工wo,我話咁我等埋你囉,

佢話:好快,睇埋d野就搞掂,

但收左線老婆話:我好肚餓wo,

落左車我見到有麵包鋪,

我就話:不如買個麵包食住先啦,

就買左兩個熱狗返上去啦,

上到去我就幫佢套左d新0既床單枕頭套,

跟住就幫她呀媽整埋個dvd機啦,

又話壞左呃人= . =

老婆叫我曬兩張3R0既相比佢,

佢話要放係床到WO,

咁我就叫佢不如攞埋我地上次去泰國買左兩個相架,

兩個相架幾得意架,木制架,

跟住我就插埋個新電話,教埋D時間呀日子呀鈴聲呀,

仲幫她試埋個電話用唔用得TIM,

整好晒就執下野食下煙,

打比利志佢仲話有個幾鐘先收工,

咁我地做咩好呢..........

整下呢樣整下果樣都差唔多個幾鐘啦,

利志終於打電話黎,咁我地就落去等車去上水啦,

一齊去到KFC緊係食108套餐啦,

唔好晒比佢嘛,一路食一路傾下計真係好開心,

最後都係食唔晒,晒左D野,

算啦無謂夾硬食,跟住就去左公園傾計,

傾返D以前0既事,又傾下我地兩個0既事,

利志真係好關心我地兩個,

都差唔多11點啦,都要返屋企啦,

佢地兩個聽日都仲要返工,

我地就去左火車站搭車啦,

我就將她兩隻手攬住我,

因為我成日見到火車好多情侶都係咁,

我覺得人地幾甜蜜架,

所以我都想試下,原來感覺幾好架WO,

不過係有D熱姐= . =

返到屋企就去左沖涼啦,

老婆就開左D電影黎睇啦,

傾下計睇下戲冇嗌交,

開心架.........但係我知道一樣野就係,

過左今晚我就幾日都冇得見妳啦,

因為以經執左D衫褲過去上水,

妳聽日就要正式搬返去上水住,

所以今晚我地傾計傾到差唔多4點先訓,

但點解平時我同妳傾計妳都會鬧我,我聽日要返工呀唔好嘈啦,

點解今日妳唔會呢?真係一個迷...........

最後我都係講,叫她記住解決『佢』,

如果唔記得就睇下我日誌自我介紹,

入面有提到就算我死左入醫咩都好,

妳都唔洗理我,記住要解決『佢』就得啦,

保護自己,唔好做D令自己後悔0既事,

坦白,承實,底線,相信,

宜家0既我唔可能100%都相信妳,

但我知道妳可以改變到我0既,

係2008年7月27號之後唔好再出現關於『佢』0既大話出現。

我是真的真的很愛你

 聽說感情要慢慢累積 

由不得讓我放肆任性  怎麼我循規蹈矩 

拼了命付出　你沒有回應



＊聽說感情難免力不從心

亦步亦趨卻不見蹤影

你給的眼神好冰

大熱天裡　一道冷空氣



＃我是真的真的真的很愛你

以為付出了一切就非得有意義

你給的難題　我不曾逃避

誰叫我已愛你成性



＋總有一天可以用力緊緊抱住你

畢竟繼續的呼吸也要有點目的

一身的傷痛　委屈的痕跡

在妳防備的眼睛裡　都是零



我是真的真的真的很愛你

以為付出了一切就非得有意義

一身的傷痛　委屈的痕跡

在妳防備的眼睛裡　都是零

《《老婆我是真的真的很愛妳》》

發表時間：2008-07-28 08:19 PM [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 26 日星期六

唉....唔想嗌交呀!!

分類: 未分類

今日早左起身,想知道老婆幾點放工,

她今日比平時早放工呀,

諗住等她返到黎同她去食野,

跟住幫她攞d野返上水,

點知返到黎傾左一陣又係到訓左教,

最後又係到係嗌交,

我叫佢埶晒佢又唔執,

咁好啦叫佢執小小佢又話要執晒,

咁我就去攞紙袋比她去執啦,

幫下佢手啦,又鬧我..........

叫我咪撚掂佢d野,咁好啦...我話咁妳執走晒佢呀,

我唔想見到呀,妳唔執走晒佢妳走左我一樣掉晒佢,

跟住就係到發晒癲,我都好燥架啦,

我係咁將她d衫掉晒落個袋到,

她又攞返晒出黎,好煩囉........

跟住我就發脾氣自己一個就左出去,

我要走妳一定追我唔到,

我跑樓梯走,走左幾層我就行返出大堂搭升降機,

我落到去都唔知去邊好,我坐左係樓下公園一陣,

冷靜下先,但我真係唔識去面對她,

想唔嗌交最好就係唔見面,

所以我先選擇左走人,

我仲熄左電話,因為真係唔想聽電話,

等左一陣我就諗到我有咩地方可以去,

就係gym房啦,呢個真係一個好的避暑聖地,

有冷氣有得做運動有人吹水有歌聽,

我做到大約7點先返去,開電話睇到幾個信息,

內容大概係她同我講知錯果d,

但我知道錯唔係妳一個錯,

我都有錯架,老婆對唔住呀,

我知道我一個人走左去係唔岩,

但我真係唔知仲有咩方法可以清靜d,

我都想好好咁對妳,但妳火爆的脾氣真係唔係人人頂得順,

返到屋企就食飯啦,我有叫到她出去食,

但她話:唔肚餓,咁算啦我食先啦,

食完入房兩個都冇咩點出到聲,

直到屋企人走晒出去,全屋得返我地兩個先開始有野講,

她話好肚餓,咁我就出去睇下有冇飯啦,

冇晒,咁為有要煮麵啦,

我煮左一個好多料0既麵,

因為妳話肚餓,所以我落多左料,

到左夜晚,我都係落左地下訓,

我一直係到打psp,直到眼訓我先訓得著,

唔知點解第二日會上左張床到= . =

《《嗌交傷身傷心》》

發表時間：2008-07-28 07:48 PM [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 25 日星期五

游水= . =

分類: 未分類

琴晚應承左個妹去游水,

今日2點幾先起身,

我呀妹巴死人聲好嘈,

係到叫我起身,

咁我起左身就去同佢食野仲有我細佬,

食完就去游水,

去到都唔係想像中咁多人姐,

不過我今日主要係去曬太陽,

所以游左一陣就坐左係到曬,

佢地兩個就去左玩,

原來曬太陽都幾爽,

自從去完泰國玩之後,

返到黎都曬過一次太陽,

其實我想約班兄弟去沙灘仲好玩,

不過有d又唔方便,有d又唔得閒,有時又唔齊人,

成日都搞唔成,真係想真真正正癲一次,

由3點曬到5點幾都好以冇咩分別咁,

但返到屋企沖涼先知,條褲入面同個身有好大分別= . =

真係黑左,但又唔係黑左好多,

跟住就開飯不過我冇食到,

因為今日胃口真係麻麻地,

唔想食野,咁為有等她返黎先算啦,

每一日都如是者係到等,

身邊兩個人等於一個人冇分別,

我開始感覺我好孤獨我好悶,

成日都係得自己一個係屋企,

遲下她就要搬走啦,

我就會更加孤獨,

我真係唔想咁樣,所以我成日都去做gym,

因為有d人氣嘛,有時兄弟陪我時間仲多於她陪我時間,

我知道我要體諒她的工作,我知道她每日的累,

但我亦都知道我係好孤獨,我想有個人係身邊陪我,

咩人都得只係想講野有人應一句,

電話又好,msn又好,真人又好,咩都好啦,

她成日話自己冇朋友,其實佢朋友多我好多倍,

朋友我真係冇乜10隻手指都數得晒,

唔係數得晒係用唔晒先岩,

因為岩玩0既人得幾個,

仲要諗諗人地要返工做野,

得閒0既會仲有幾多呢?

我呢排又好失落,因為搵工問題,

點解會咁,我成日以為自己好叻咩都識,

咩都難唔到自己,原來唔係架,

我都係有失落0既時候,

我都係人有感情架,會傷心-會開心-會笑會喊,

我真係唔想再做負累,我有時寧願死左佢算數,

唔想煩做人真係好煩,

家庭-工作-愛情-友情.........統統都係煩,

人地話開心又一日唔開心又一日,

點解唔揀開開心心過呢?

但真係有得揀我都會去揀開心,

點解要比人去揀呢?點解唔可以全部人都開心呢?

真係唔明白,算啦人就係咁鐘意搵d野黎煩,

可能會冇咁悶掛,有d野諗下,

等到她返黎我就同她食飯,

今次係她去開飯,因為我係房整緊d搵工0既野,

好快咁就食完,都係食左唔係好多,

返到房又係睇電視,她好快咁又訓著左只得我一個,

唉..........我都想快d入睡。

《《孤獨係好可怕》》

發表時間：2008-07-26 03:20 PM [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 24 日星期四

冇野做

分類: 未分類

今日起身冇野做,

咁諗住去做gym啦,

但係我隻手咁樣,咁鬼痛點做呀,

咁為有放棄做過第二樣啦,

隻手唔知幾時先好返呢?

比起我隻左手手肘仲要痛,

唉.........真係無謂,

因一時之氣令自己受傷真係蠢= . =

咁冇野做就為有 dl d戲黎睇下啦,

近排睇左一套電影叫<圍城>,

係講天水圍0既情況,

睇左都覺得幾嚴重,

d 0靚仔點解會變成咁,

我仲諗住我細個果時先有,

點知宜家天水圍都仍然存在,

睇完冇野做就打機啦,

呢排玩緊psp隻機戰A,

我覺得唔係咁好玩,對上一隻機戰MX仲好玩,

唉.......真係好悶呀,

咁就等她返黎啦,

返到黎我一如已往咁去開飯啦,

食完就入房啦,咁我就卒手啦,

她話幫我我都話唔洗,

因為我自己搞得掂我都唔想麻煩人,

最後佢講左好耐我都就氾比佢卒手,

真係好痛,但我死都話唔痛,

死忍爛忍,過多陣利志又打黎啦,

叫我夜D出去飲酒,我推左佢,

因為她成日都話我唔陪佢出左去玩,

咁我比人話過我相信我都會記得0既,

所以我就會去諗,諗完咪改囉,

所以我就唔出去啦,

今日她比平時早訓,她訓左我都冇鼠出去,

我未眼訓呀,但好悶點算好呢,

搵D開心野睇下先,就睇<美女廚房>啦,

有一首歌我好鐘意明知故犯余文樂&張燊悅

為何要落淚　落淚仍要一個面對
無謂的負累　怎麼不忍失去
其實我不怪誰　在你掌心裡
偏偏我要孤單的寄居　為何要恐懼
寂寞時欠一個伴侶　甜蜜中受罪
怎麼講都不對　無論你想愛誰
在你掌握裡　我熱情隨時在手裏
誰也知夜夜與她那內情　可惜我瞎了眼睛
真相那須說明　而我卻哼不出半聲
誰也知夜夜與她那內情　甘心去做你佈景
得到你的愛情　還要再得到你任性
為何要恐懼　寂寞時欠一個伴侶
甜蜜中受罪　怎麼講都不對
無論你想愛誰　在你掌握裡
我熱情隨時在手裏　誰也知夜夜與她那內情
可惜我瞎了眼睛　真相那須說明　
而我卻哼不出半聲　誰也知夜夜與她那內情
甘心去做你佈景　得到你的愛情　
還要再得到你任性　誰也知夜夜與她那內情
可惜我瞎了眼睛　真相那須說明
而我卻哼不出半聲　誰也知夜夜與她那內情
甘心去做你佈景　得到你的愛情
還要再得到你任性　一切原是注定
因我跟你都任性

聽完呢首歌我會更加珍惜妳。

《《孤獨只有我》》

發表時間：2008-07-25 06:38 PM [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 23 日星期三

不喜歡妳的做法

分類: 未分類

今日起身上網搵工,

都係搵左幾份唔知有冇回音呢?

食左d野就出去做gym啦,

去到gym都冇咩識0既人係到,

得自己一個人做,好悶........

不過去到都冇辦法啦,

今日比平時玩得快,

可能冇水吹掛,好多都唔識,

自己做就自己做啦,

做到尾我個fd先出現,

話我勤力左,緊係啦今日交左gym錢嘛,

比左錢緊係勤力啦,

玩完就返屋企啦,

見到我呀妹同我呀哥係到食緊飯,

因為做完gym唔可以咁快就食野,

所以我沖完涼都係入房睇下電視玩下電腦先,

到左8點幾我出去睇一睇,乜都比佢地兩個食晒,

咁我地兩個食乜呀,我就打左比她同佢講,

她都笑左出黎,咁冇辦法啦我煮麵囉,

我就自己食左先,等她返黎我先再煮比她食啦,

9點幾她都返到黎啦,同我講左好多今日係公司比人鬧呀,比人屈呀,

我聽到我都好心痛,因為我0既問題,

令到妳咁辛苦,對唔住........

我知道我係妳0既負累,所以我一定要諗一個辦法令妳離開我,

因為如果冇左我妳就唔須要受呢d位屈,

咁講返我去煮野比她食啦,

她食緊野我就去洗碗啦,

洗完返入房佢就問我好多問題,

我答晒佢,之後她就唔出聲,

比我感覺好以係到無聲示威 ,好以係到隱瞞緊咩事咁,

唔知係到緊張緊d咩?

她越唔出聲我就越激氣,

我將個電話掉左落地下,一腳踢落個垃圾桶到,

之後她要攞返個碗入廚房,

我就鎖埋對門,係入到清理我岩岩發脾氣掉落去0既野,

她係咁踢對門,我唔開比佢,

因為我想比妳知,妳唔講野我就唔會理妳,

妳好以太多野隱瞞我,如果妳冇咪直接同我講,

點解唔出聲呢?妳唔出聲我就會自己諗,

妳之前點對我,我就會用返果個諗法去諗,

姐係妳有野瞞住我,我清理好晒d野,我就開門比佢入返黎,

佢同我發脾氣,打左落個櫃到,

我真係好激氣,我差唔多用盡10成力打返落佢打同一位置上,

我打左兩個拳,好大聲.........我隻耳即時vv聲,

但我另一感覺就係我隻手郁唔到,但感覺到入面d血管斷左,

d血好快咁嘖出黎,睇住自己隻尾指拳頭位,

係咁脹大我就知流血速度相當快,

我冇去做任何急救0既野,由佢流由佢脹囉,

點解我往往要對妳好0既時候,

都會嗌交發脾氣,我地兩個條命係咪唔可以風平浪靜?

每一日都要嗌交先可以圍似到呢?

手傷唔係大問題,會慢慢咁好返,

心傷係大問題未必會好得返,

邊個岩邊個錯以經唔重要,

因為以經發生左,發生左嗌交發生左受傷發生左感情問題,

我真係唔想咁樣,妳琴晚用手鏈住我傷0既地方,

好大力咁鏈落去,我真係好痛,

但我唔可以喊,喊姐係代表心碎,

希望一直都再人間,睇妳我識唔識去掌握,

我真係好累,死左daddy,讀書無工作,左手斷左受傷,出現第三者,大話開始出現,讀完書都未搵到工作,

在於屋企在於朋友在於兄弟在於老婆.............我係咪一個負累呢?

我成日話兄弟屋企老婆缺一不可,原來最可缺小0既係我自己。

《《負累原來係我》》

發表時間：2008-07-24 02:20 PM [ 訪客留言(0) ] [ 編輯日誌 ] [ 分享至FACEBOOK ]

« | 10 | 11 | 12 | 13 | 14 | 15 | 16 | 17 | 18 | 19 | »