因為琴晚玩完一輪,

所以今日好晏返到屋企,

即係今日8點幾先訓= . =

所以今日訓到好晏先起身,

1點幾醒過,不過覺得好以唔夠訓,

所以訓到3點幾先起身,

起左身都係唔食野,

因為都3點幾不如等開晚飯啦,

修身堂講過,不如食小餐好過節食,

點知等等等等到6點幾媽咪都未返,

平時5點幾就開始煮架嘛,

差唔多7點媽咪就返啦,

仲話唔煮飯tim= . = 頂又唔早講,

不過佢買左麵包,我食左一個就算啦,

呢排唔知咩事,之前都唔識肚餓0既,

宜家開始會有喂食0既感覺,成日想搵野食........大獲,

跟住就打比老婆,佢話好多野做冇咁早返,

其實我知道她好辛苦,她可以轉工,

但係因為我無撚用,廢人,所以佢要繼續捱落去,

但我都好努力,讀完書以經搵左幾份工,

我讀書前係一個出色0既運輸,一個月都搵13000-15000蚊,

但宜家我真係唔知運輸世界係咪變左,

以前人地高薪叫我走,宜家我搵份8-9000蚊都咁難?

咩世界,搵工搵到我開始有d灰,

但我唔可以比自己停,因為老婆真係太辛苦,

我真係唔想佢再捱落去,我開始擔心佢精神會承受唔住,

跟住就我地感情又開始出現問題,因為心情唔好多數嗌交,

所以我要盡快搵一份人工 ok 0既工,因為我除左要顧自己外,

亦都要顧住老婆,我以經好比心機去搵,打電話架啦,

妳放心丫,好快就會有新生活,

我會好以以前咁博晒命做,朝9晚12咁,

錢就係我地有將來0既動力,

辛苦只係一時,唔會係一世0既。

《《知妳辛苦>3<》》 

今日起左身冇耐就出去做GYM,

去做GYM途中我買左兩個麵包,

入到去GYM房先食,食之前緊係磅一磅啦,

又輕左兩磅,雖然宜家比係初初真係好難減,

不過又唔可能放棄,

真係果種感覺太美好啦,

睇住自己一日比一日輕落去,

我唔會放棄的,我會繼續咁樣落去,

直至去到我心目中0既體重為止,

一個月的總結17磅,

我知道今個月唔會比上個月利害,

因為唔知係咪有一個叫(平台期)呢?

算吧啦,我開始做GYM,

今日比平時大力,可以玩得重小小,

可能係星期一掛,抖左兩日咩力都返黎啦,

所以比平時落力,

做晒我要做0既膊頭-背脊-手之後,

我就做最辛苦的跑步.............

因為好悶架自己一個跑...........

但今次我比平時決心,

我一定要跑完為止,今次我真係跑完晒全程,

原來都幾有滿足感,

玩完就返屋企等她返黎啦,

差唔多9點先返黎,我就開飯啦,

食完就係到睇電視,她就打日誌,

但我睇完都唔係好明, 真係好想再問一問,

不過等聽日先啦,再夜小小利志條女又話唱K,

我話我唔知利志去唔去啦 ,利志去我去,

咁最後都唔知傾成點,我就唔理啦,

再夜D我就幫她用藥膏卒手卒腳,

一直卒,卒卒下她都訓著左啦,

咁我就睇電視,聽下歌啦不過開得細聲,

再夜D佢地就打黎啦,咁出去啦,

我出去我永遠都係等妳訓左覺,

我唔想比妳感覺我冇陪妳,

我係做晒我要做0既野我先出去,

出到去有利志,屎撈,我,文文,LILY,

咁就玩啦,玩到中後段死人屎撈掉低錢走人,

咁LILY又話飲酒,我話妳地要飲咪飲囉,

得果半打咁小,我真係冇諗過,

一個二杯仔 一個四杯仔咁就玩完,

我廢事比佢地再飲,我清晒其他佢算數,

兩條友好以傻左咁,發酒癲呀,

到最後走先係最麻煩,

送佢地去搭車,驚利志一個搞唔掂,

咁我陪埋佢地搭車,等左成半個鐘先有車,

掉晒佢地上車,我先鬆一口氣走人,

返屋企沖涼訓教。

《《飲酒累人》》

今日唔知咩事咁好訓,

一訓就訓到下就4點半,

她仲大獲訓到6點先識起身,

唔講仲以為我地兩個死左呀,

 起左身我就開電視睇啦,

歌都冇聽,廢事嘈醒她她又屌鳩我,

咁我一路睇睇到做<我們這一家>

她先識得起身,起左身又話肚餓wo,

咁我問食咩丫,佢又話要食kfc但又唔起身,

咁我又係到睇電視啦,我仲話不如唔好去食啦,

我呀媽都就返黎煮飯,過左一陣我睇番電話原來教左震機,

我呀媽打左比我兩次,我打返比佢,

佢叫我自己搞掂,咁我就話去食kfc啦,

佢又唔郁又唔換衫又唔整頭,

咁我就自己去換衫啦,佢先識得郁,

咁我又問食咩呀,我話一係m記一係大家樂一係富苑一係kfc,

咁最後都揀左食麥當奴,咁我就落左去買啦,

唉.....都係我落去架啦,佢邊會咁好死丫,

咁我就好快咁買完返黎,

咁就食啦....原來我個胃真係細左好多,

平時我一個人都食兩個麥當奴啦,

宜家食完個包都覺得好飽呀,

仲要飲埋咁大杯野tim,

以前食0既食量同宜家真係有好大分別,

食完又係冇野做,就係到睇花樣少年少女大結局,

睇完又係到睇獎門人,

不過今集好好笑,有洪天明所以會好好笑,

睇完又轉台睇鐵達尼號,可能睇左好多次關係,

感動真係冇乜,不過大制作緊係要睇下啦,

又真係幾好睇wo,係咁熱0既天氣,

睇到佢地天寒地凍都覺得自己冇咁熱,

開埋冷氣仲覺得凍tim呀,

戲裡0既愛情 ,都不會出現再我門身上,

如果有可能的話我都想試一試,

睇完都成1點半有多啦,

佢故係時候要訓教啦,鐵達尼都做幾長時間wo,

由9點半做到1點半,4個鐘都有呀,痴線架,

不過總好過冇野係到悶丫,訓教算。

《《不要一日比一日無聊》》 

今日起身都12點幾啦,

不過真係冇野做,一起身就係到聽歌,

野都未食,過左一陣,

她打電話黎啦,叫我等埋佢放工返黎食食野,

咁我就等啦,因為我宜家都唔識肚餓既,

等幾耐都冇所謂,跟住仲要同佢去睇床單怎頭,

去買家用電話,咁我就應承左佢啦,

因為要出街我都冇去到做gym,

係屋企一個人真係好悶,

咁都冇辦法啦都要一直去等,

她講3點左右就會收工返到黎,

點知我等到5點幾,差唔多6點先返到黎見到佢,

咁我就同佢搭的士落返大埔中心啦,

因為我真係起身到6點都未食過一粒米落肚,

所以我就提意去食左野先啦,

我就選擇左萬利食粉麵,

因為果到d粉麵真係好好食,

但我覺得她就唔係好想食野,

我覺得佢係食左野架,

但我等左咁耐佢理由唔食所以諗左好耐先話食小小, 

食呢餐都用左好耐時間下,

因為我宜家食野都慢,佢就不嬲都慢,

所以大家都慢就食左好耐啦,

食完就出去食煙啦,跟住就上左去商場,

睇到亞波羅我就好想食乳酪,

咁就選擇左兩隻味,我就揀左蜜瓜她就揀左芒果,

兩個一齊食左成杯乳酪,一路行就一路睇下有咩靚野,

咁就停左係一間色物鋪門口,其實我係想食埋杯乳酪先行,

食完啦,就去左睇電話啦,睇左幾間都冇咩心水,

最後都係去返第一間買,因為第一間有我宜家屋企用緊果款電話,

咁用開果一款當然都係廢事去轉啦,咁就入左去買啦,

買完都冇咩地方好去,就去左睇一睇漫畫,

都睇埋啦,咁就行返屋企啦,

返到屋企都係睇電視,咁就過左一日啦。

《《悶的一天》》 

今日起身以經好累,

但起身發現我電話係地下,

仲要係散開左3件,

仲要我只係搵得番兩件,

有一件不知所中,

令我到我今日0既行程取消呀,

我諗住去做gym跟住跑步,

但我個人冇電話係身我就周身唔聚財,

所以都係選擇唔跑步唔做gym,

過左一陣先知自己煙要就快食完,

冇電話唔想落街呀,天呀點解要等我冇電話先黎咁多野做,

因為今日冇做運動關係,所以我全日都食菜,

廢事高卡路里,原來我成日都係得我一個人,

我覺得好孤獨,身邊兄弟工作中不想煩佢,

朋友我真係冇咩朋友,所以我成日都自己一個諗野算數,

 就算我開msn真係可以冇人同我講野就係冇,

孤獨我都慣晒啦,只有寄情工作吧!!!

夜晚我上網睇下野睇到一篇野都幾好笑,

宜我都覺得幾岩架,所以我想係到比你地睇下,

題目係:愛上一個人的7個預兆

1.當你正在忙時，卻把手機開著，等著她/他的短信.. 你已經愛上她/他了

2.如果你喜歡和她/他兩個人單獨漫步.. 你已經愛上她/他了

3.當你和她/他在一起時，你會假裝不注意他，但是當她離/他開你的視線時，你會急著尋找她/他... 你已經愛上她了

4.當她/他受傷或生病時，你會很關心她，替她/他著急.. 你已經愛上他了

5.當她/他和別人要好時，你會感到吃不知其味... 你已經愛上她了

6.當你看到她/他那甜美的笑時，你的嘴角會揚起一絲得意的笑.. 你已經愛上她/他了 ...

7.當你看到這篇文章時，心裡想到某個人...你已經愛上他了<~~~~重點呢句,鐘意^^

唔知我有冇曾經感受過呢,我記得我係有感受過架,

當妳有呢7個預兆姐係妳的幸福黎啦,

只要妳去把握呢個遊戲玩法,

要識玩但都要玩得精,

點解我會post呢篇野出黎啦,

因為我覺得『佢』以經有齊晒以上7點,

宜我對妳....呢7點以經成為我地0既過去,

但我知道我曾經都傻過,但我覺得會係值得,

呢7點我都只有回想, 再唔會我身上發生,

除非離開了妳,等待新一個女生再次帶比我甜蜜的7預兆,

今日無風無險,咩都冇事發生,

全日都只係聽歌.......又搵到一首好的歌詞。

萧敬腾 原諒我

請不要分了以後還記得親吻過的承諾
妳的永久 已不屬於我
默默低頭那時我很多話哽在喉嚨
妳的笑妳的快樂
或許我愛太多想太多
我能感受 他比我適合 愛放了手
我偽裝冷漠 比妳先說分手

請原諒我 原諒我不成熟
不愛妳是藉口 好讓妳離開我
請原諒我 好想自私將妳佔有
妳的寂寞就給我承受
換妳過更好的生活

請不要分了以後還記得親吻過的承諾
妳的永久 已不屬於我
默默低頭那时我很多話哽在喉嚨
妳的笑妳的快樂
或許我愛太多想太多
我能感受 他比我適合 愛放了手
我偽裝冷漠 比妳先說分手

請原諒我 原諒我不成熟
不愛妳是藉口 好讓妳離開我 nono
請原諒我 好想自私將妳佔有
妳的寂寞就給我承受
換妳過更好的生活


愛過恨過哭過也笑過
親吻過妳的脆弱
其實我比誰都要懦弱
原諒我 必須假裝愛錯
別讓時間逗留
我怕說不出口 誒
原諒我 沒有解釋太多
心痛 別無所求
徹底忘了我
愛原來有捨得

我難過 我才懂

寧靜的一天...帶比我舒服感覺。

《《一起的日子最後兩天》》