等左咁耐今日終於都派成績表啦,

我讀左香港教育學院1年,

今日係派成績表0既大日子,

我今日早起身呀,9點幾10點就起左身,

琴晚發生左咁大件事,我都喊到第二日天光,

第二朝仲要咁早起身,唉.....唔夠訓好辛苦,

但我都要收拾心情,去擔心我成績0既問題,

咁我就整理好晒,著左一套靚d0既衫,

利志女朋友就約左我係火車站等,

利志就要開工,我諗住幫佢睇下合唔合格,

咁我就係火車站等左一陣就到左啦,

一齊出左旺角食左小小野,

就搭車去學校,係學校門口就見到兩個同學,

問左佢地合唔合格,佢地兩個都ok合格左,

我就自己一個行入班房,

因為利志女朋友唔同我一班,

我入到班房就話我係利志,跟住佢就比左佢成績表比我,

簽左個名就出左門,跟手我就入返去,

話我係leader,跟住佢都比埋我張成績表我,

咁都得,我真係天才.............

一睇之下我地兩個都10科合格,

仲要有叻過我地0既人唔合格,

 有時世事就係咁好彩,

如果我係愛情上都係一個好彩0既人,咁就好啦,

攞完成績表就同d同學去唱k,

我成日都係悶悶不樂冇咩心機去玩,

但我之前應承左佢地,所以我都要出去,

4點左右唱到7-8點,

我唱0既都係分手0既歌唔開心0既歌,

今日真係好唔開心,有時仲會想喊, 

唱完就去食飯啦,我都冇食到,

因為今日開始我又食唔到野,

食完野就同利志女朋友返去利志屋企,

因為我要幫佢整電腦,同埋傾計,

利志媽咪好好呀,因為畢左一碗湯比我飲,

咁我就幫利志砌電腦啦,砌到最後點知條ran唔岩,

係你買0既時候我都屌左你,

話散收收咁,可能有d野唔覺,

宜家真係有d野唔岩啦,死啦聽日又要去買啦,

咁砌完都成12點啦,

我地就送左佢女朋友去搭車,

我地兩個就去左傾計,利志真係同我好夾,

兩個都係d好爽0既人,同你傾計真係好開心,

我向你訴苦你從來都聽我講,

亦會比一d好中立0既意見我,

唔會因為我係你兄弟所以凈係幫住我,

我錯唔岩你都會一句屌埋黎,

但好岩聽,我唔會怪人,

真正0既兄弟係會鬧醒我,

2點左右我都要走啦,因為你聽日都要返工,

我返到屋企沖完涼就上日誌睇下,

見到有兩個妹妹留言,好多謝妳地兩位,

原來除左我兄弟之外,都會有人關心我,

多謝妳地.........但我仲未平服我0既心情,

但我會努力,我知道明天一定會更好,

我知道有人關心我以經夠啦,

今日真係好難過,每一分每一秒都好以好耐咁,

allen你唔好再煩她啦,唔好再打比佢啦好冇,

當我係到求下你,她以經失去左好多野,

她因為你以經冇左另一半, 你今日仲要不停打電話去騷擾她,

你可唔可以比她自己一個靜下呢?

你真係要咁黑人憎咩,呢場杖打完架啦,

你唔好再去爭啦,她受傷害以經夠多啦,

我為左唔想她傷心再諗咁多野,

我以經離開啦,我可以做到,點解你身為一個男人你都做唔到呢?

你係咪真係咁冇用呢?

我真係講得冇錯你跟本就唔佩去愛她,

你之前對她0既承諾跟本就係廢話,

我唔想她傷心,我寧願自己一個喊,

你想她唔傷心,但你繼續做d野出黎另她煩,

我真係覺得男人唔係咁做架,

都係果句,愛唔一定要擁有,

因為如果為左愛另對方難受辛苦傷心,

我會帶著呢段離開,但你比我睇到0既係,

你做唔到,你真係做唔到,

今晚又要自己一個人訓,係我身邊0既只有,

妳親手整比我0既蠟筆小新咕0臣,

兩日都訓唔到,訓到都好易醒,

食唔到野,食到都係食好小,

我再係咁的話我0既抑鬱症可能會番發,

上個月因為要同allen你鬥,

我一個月都輕左16-17磅,

仲有幾次諗住自殺,

但我今次唔係因為你食唔到訓唔到,

係因為我心裡面仍然有執著, 

身心都受都極大傷害,我好辛苦呀,

喊.................................住訓 

《《呢件事我受最大傷害》》 

3年半0既愛情今日終於都正正式式完結,

allen你0既出現,

我可以同你講你正式拆散一對戀人,

我真係好憎你,真係非常地憎你,

你做左咁多野,我一直都好比心機去守護呢段愛,

我可以講呢場杖以經打完啦,

我可以帶住傷痛咁離開,

係呢個遊戲裡面3個玩者,

但係冇人贏3個都輸, 

我真係好心痛每一次睇到妳地0既相----事-----日記,

由我知道allen你出現,愛上我老婆,

我先感覺到有危機出現,

我以前不懂得去珍惜,

但係呢件事教懂我點樣去珍惜,

雖然宜家我同你都得唔到她,

但我受傷痛太多,要我再次一齊可以話冇可能,

而你出現帶比她咁多麻煩,最後仲要失去埋我,

我相信你要接觸她,除非我死左啦,

所以我同你講,你係一個破壞者,

但你成功左,你做左好多損人不利己0既事,

我相信會有好多人去憎你,

你0既出現令到我改變,令到我知道我以前係做錯左好多,

令到我知道原來我係好愛她,令到我知道我係好鐘意佢,

令到我知道我從不孤單,令到我知道她都會緊張我,

但亦都令到我得到抑鬱症,令我失去一個身邊重要0既人,

我係呢一年裡面,先後失去兩個親人,

第一個係我daddy,今年2月過左生,

第二個係我老婆,令我唔再相信她,唔再愛她,唔再鐘意她,

係某程度我覺得你幾犀利,你用左好多方法令我脾氣暴躁,

令我同她嗌交,你從宜入手,你真係好野,

3個玩者裡面其實得你一個可以贏,

我就一定冇得贏,一係輸一係打和,

因為我只係可以守唔可以攻,

因為我攻擊你我老婆只會覺得我野蠻,

係今日我睇到一個信息,係你send過黎,

我睇到我重未試過發咁大脾氣,

就係呢個信息令我3年半愛情玩完,

我睇到我發晒脾氣,我覺得妳地兩個仲呃緊我好多野,

我做左好多唔應該再做0既事,係你一手做成架,

你係咪人黎架,一面講話唔想我地嗌交,

唔想做第三者,唔想見到我地咁多傷痕,

但你篇篇要send一d信息或做一d事出黎,

破壞我地感情,我地兩個好努力咁改變,

好努力咁對對方好,點解你要咁忍心做咁多野去傷害我地,

傷害我咪好囉,點解你要做到傷害埋她,

她冇罪架,宜家佢受0既傷害係一世架,

你有冇諗過呀,凈係為自己諗,

你跟本唔佩去愛她,跟本唔佩去愛一個人,

嘈完一輪我真係唔知我岩定錯,

話我錯我又錯唔晒,如果你唔搞風搞雨,

我就唔會錯,點解點解點解................

係8月1日零晨3點半左右我最後見她行出我0既房門,

我只可以講一句再見,我個心有幾痛,你知唔知呀,

你凈係識係我地身邊搞事,你有冇親身感受過呀,

係她出左門口我一直係窗邊望落下面,直到她的出現係我眼前,

我望住她上車,望住開車,直至消失,

我眼裡面0既淚水一直留下,就算用再多0既紙巾,

眼淚都係一直留下,但我知道我今次真係完啦,

我最後講左一句,愛唔一定要擁有,

宜家她屋企人都知道這件事,我身冇一物,

我可以講一句我拍拖係兩個人0既事,

但她唔得,因為她有屋企人關心佢擔心佢,

為左她以後唔會再有壓力,我只好忍痛離開,

請妳原諒我,因為我知道我咁樣做先唔會再比妳從我身上受傷害,

因為屋企人比妳0既壓力只會令妳難做,

今次我要決心放低妳,但我想講件事搞成咁,

係因為allen,如果冇佢出現我地可能會結婚生仔,

但一切都成為回憶一切都成為泡影,

我最後可以為妳做0既就係要我呢個負累離開妳,

最好有咁遠走咁遠,唔會再比妳搵到我,

因為我帶比妳好多不便,希望妳會去體諒,

亦都希望妳會去原諒我0既做法。

喊住去打日記真係唔係一樣容易0既事。 

《《對唔住》》

今日先身都一真係到諗,

妳會唔會為左我而放棄呢個課程,

同妳家姐去報下一個呢?

我仲未知道答案,

咁我起左身就上網搵工,

搵都一份工都OK WO,

咁我就打電話去約見工,

係一個女人黎0既,佢問左我好多野,

有好多都係唔關工作0既野,

都係問我日常生活做咩,讀左咩課程,

個課程係點架,有咩科呀...等等............

都傾左一陣,咁就約我聽日早上11點上公司見工啦,

收左線就搵D野食下,食完就出左去做GYM啦,

唔知係咪太熱關係,行去體育館都好辛苦下,

琴晚嗌完交,今日都差唔多冇聽過她電話,

有時個電話真係太嘈先聽一兩次,

我宜家心情真係唔太想去理她,

因為我覺得同她一齊比我太多壓力,

令到我運動或搵工作都有阻滯,

心理上成日都好以好煩咁,

我可能又就黎爆啦,

加上今晚我唔知妳會唔會返學,

如果妳返學的話我一定履行之前承諾,

我唔會搵妳,唔會聽妳電話,妳都唔好搵我,

等妳自己諗,搞掂返呢件事先,

或者3個月之後妳先好係我面前出現,

好快咁就做左3個鐘頭GYM,

呢排都小左做GYM,因為搵工或者我呀妹成日走上黎,

做完GYM都差唔多8點幾,

返到屋企利志打比我,同我講佢果到要人,

但個老細孤寒過鬼,夠膽死開我價250一日,

百痴都唔會做啦,300都要諗諗呀,

我就推左佢,佢都同我講250蚊一日都唔會比我做,

因為佢都知我係咁,做左運輸咁耐,仲開我250傻左呀,

傾完就收左一個信息,係她SEND黎0既,

有一句就係<我上完堂打比你,聽我電話>

咁姐係妳去左返學啦,咁得啦唔洗傾,

因為妳選擇左返學,琴晚比左兩個選擇妳,

宜家妳揀左返學姐係要同『佢』一齊讀3個月,

咁好丫,我都會實行我0既承諾,

3個月唔好比我見到妳,就算見到我都唔會同妳講野,

妳做野唔諗後果丫嘛,唔識分下輕重,

明知我好撚唔鐘意『佢』,我今次唔係著著地,

我真頭係著左火呀, 妳要唔聽我講野,

咁以後都唔好聽,仲好呀........

我可以專心搵工,煩小個人,諗小D野,

將心機放係工作上,做GYM上,前途上,

我今晚成晚都唔會聽妳電話,

唔好話我絕............而係我要咁做,

因為我唔咁做妳止會係下一次變本加厲,

3個月妳自己諗下,3個月有幾耐,

我宜家咩都唔理架啦,妳自己搞出黎自己搞返掂佢,

花樽定律,妳要自己打爛自己,

今次我唔會去痴返妳,由妳打爛左就算,

身心都好累,聽日要見工希望可以早D訓得著。

《《人蠢係咪真係冇藥醫》》 

今日起身都3點幾,想去做gym, 

但係我呀妹又上左黎,

阻住晒搞到我又去唔到做gym,

算啦咁鬼熱,聽日先去啦,

咁冇野做係屋企,搵d野睇下先,

近排出左<森美做大SHOW-金牌司儀>,

我好鐘意睇呢d show,

因為好搞笑架,睇左人都開心d,

上一個林海峰我以經好鐘意,

但今次森美用左好多人,

用返佢不嬲0既作風,好以森美小儀歌劇團咁,

都係人多,不過都幾好笑,值得一睇,

老婆今日打電話黎話今晚會返黎,

我不知幾開心呀,

但屋企冇飯食,我叫左佢買野返黎食,

食完佢話有野同我講,

佢話聽日要返學,讀咩會計,

我話:好丫,讀書好丫,

佢冇出聲,跟住我問:得妳自己一個讀呀,

佢先開口講:仲有『佢』,同埋她同事,

咁姐係想我點,又話去解決『佢』,

宜家又話要同人地一齊讀書,玩鳩我呀,

仲話要讀3個月,咁好丫......

有兩個選擇比妳,

第一)妳報過下一個課程,可以同妳家姐一齊讀。

第二)妳就去讀丫,不過我會實行我之前承諾。

之前我講過,妳一日未解決『佢』,妳都唔好搵我,

咁我宜家開始實行,妳未解決『佢』,

妳都唔好返黎我屋企,我都唔會見妳聽妳電話,

3個月丫嘛,妳自己搞出黎我希望妳自己搞掂,

全部都瞞我呃我,跟本就係大話,

我真係好嬲呀,又話要好以以前咁開開心心,

我宜家真係可以開開心心咩,

只會令我提心吊膽,我相信我的病一世都唔會醫得好,

抑鬱症再一次返黎我身邊,

我相信我真係要放低,我真係再接受唔到打擊,

求下妳放過我丫,好嘛.............

我今晚都唔會同妳訓,我寧願訓地下,

我之後都唔想再同妳講野,

就算對住妳我都唔出聲,

我真係好唔開心呀))))))))))))))))

《《再一次受到打擊》》

今日比一個電話嘈醒左,

一睇次下唔知邊個,

不過都要照聽,

一聽之下原來係打黎 叫我去見工,

 咁我就彈起身攞我本薄仔睇一睇,

我就知邊間公司打黎啦, 

約左我下就4點鐘,

咁我就用筆記低地址-電話,

我起身果時其實都差唔多兩點架啦,

咁我就去準我去見工用0既野啦,

我呀媽就叫我食d野先,

我就話得啦我自己僧搞掂啦,

咁我呀媽就出左去打麻雀,

咁我就上網去中原地產,

中原地產個地圖好用,

咁我就搵左係邊畫低左, 

差唔多3點我要出門口啦,

嘩........出到去真係好熱呀,

好彩我搭火車都唔洗點會外面熱,

搭到大圍又轉車去第一城,

去到第一城比我想像中近,

過條馬路就係見工果到啦,

去到公司樓下大堂,

我0既心情一直都係15/16,

因為呢份工都唔係我想做果d,

但係唔做我點生活呀,

唔通真係諗聽日六合彩3300萬有我份咩,

咁我都頂住頭皮上去啦,

入到去就入左一間房,

填我0既表格啦,

我交左表格比佢,跟住就有第二個人入黎,

我以為係老細啦,

唉..........原來呢一間又係大公司,

姐係請唔請我唔係見我呢個人話事啦,

咁我比起平時小左好多野講,

做晒所雖要做0既野,

請就請唔請就算啦, 

咁我都走啦,落到去我就食返枝煙,

行返去火車站,

老婆多謝妳係我去見工途中send比我0既信息,

不過今次應該都係失望架啦,

因為我都冇咩信心,

天大地大應該餓我唔死掛,

返到屋企我都冇咩心情去做gym,

咁我就係屋企戇鳩啦,

我飯都冇食到,因為我真係冇胃口,

今日心情真係麻麻地,

老婆今日唔會返黎,

得返我一個係屋企,

起身見左呀媽一眼,好夜好夜見左細佬一眼,

其實時間都係得我一個係屋企,

我又開始孤獨0既生活,

我只孤單一個過活,望向天邊多療闊,

成晚同老婆傾左好多次電話,

我諗最覺得我係存在0既,就係我同老婆傾電話,

因為起碼會有一聲老公.....比我聽到,

聽到她叫緊我丫,

今晚冇左老婆係屋企,唔知訓唔訓得著啦,

我相信都係一件難事,

今日寫係咁多啦,因為都冇咩野要寫。

《《搵工真係好辛苦架》》