我琴晚到今日都係到諗點樣整靚個日誌,

我想整到一睇就有感動0既感覺,

不過係唔係人人睇都有感覺,重要0既我只係想整比她睇,

我好比心機去搞,想每一個地方都搞到好靚,

所以我用左成晚加今日去資料,

搵多好多語法,自己學點樣整個相薄,

整完日誌又要去整個主頁,

雖然唔係好靚但我真係用左好多心機,

點解我會整靚個日記?

其實係因為她話鐘意日記的我,唔鐘意現實的我,

仲有另一樣就係日記係宜家我同她溝通0既途徑,

她宜家從我屋企搬走左,所以我地都會好小傾到計,

咁不如整個靚靚地舒舒服服0既地方比我地溝通啦,

今日落去,一落雨我就冇咩心機,

咩都唔想做唔想郁咁,因為我鐘意陽光,

所以今日都唔去做GYM,咁不如係屋企整下日記打下機啦,

今日她又要去返學,但我都唔會理,

因為就算她做咩都好,我都以經冇感覺啦,

就算妳同佢日日傾電話日日見面,我都管唔到架啦,

因為就算妳係做左,妳返到黎同係同我講『冇』,

我唔想再活係妳0既大話之中,

我唔會去等妳架,我希望妳唔去再晒時間係我身上,

做朋友我冇問題,但係進一步我就真係唔想啦,

希望妳明白妳做錯0既事要自己負責。

《《一切都只有回憶》》

 今日起身睇個日誌都仲未開返,點知夜小小開就有d野睇啦,

呢個星期都冇得打日記,真係心裡面好多想發都冇得宣洩出黎,

因為我透過呢個日誌我先可以搵到我自己,

因為我係好鐘意打字寫野0既人,

我覺得文字可以簡單就帶出我0既想發比你地知道,

所以呢幾日我都好以自己鬱鬱埋埋咁,

今日終於都可以暢快咁打出心事,

妳講過妳鐘意日記裡面0既我多過鐘意現實0既我,

因為現實0既我口不對心鐘意收收埋埋,

妳想聽0既說話現實係聽唔到架,

要去到日記先可以知道我心入0既說話係咩,

其實我都成認妳0既諗法,因為我對住妳我就會不由自住咁憎妳,

所以係說話上我唔會講得出我想講0既野,

如果妳真係鐘意日記幢的我就鐘意啦,

就當鐘意上一個寫小說0既作者一樣,

妳係鐘意我0既文字定係鐘意我本人我都搞唔清楚,

呢排係我得閒0既時間我會睇小說,係愛情小說,

近排睇緊一本叫《離不開》,作者係一個女仔名叫鄭梓靈,

我覺得有時睇下呢d書對感情都有一定幫助,

有一句說話係:我一直以為,其實我沒有那麼深愛你,我怎可能愛得如此毫無道理?

用一個謊言來結束我們千辛萬苦才能擁有的戀愛,你不覺得太兒戲,也太悲哀嗎?

妳唔覺得妳同我講咁多大話,令到宜家我要結束千辛萬苦0既愛情,

妳不唔會覺得太兒戲嗎?我真係諗極都唔明,

我希望呢本小說可以帶比我答案,但我未睇完,

我都想知道個主角點解要講一個大話令到個女主角離開,

今日開返個日記,我睇到原來都有一個妹妹為我地份感情努力過,

我好多謝妹妹為我講左好說話,但一切都太遲啦,

因為我唔會再去相信一個講大話0既人,

我相信妳小時候冇聽過一個故事《狼來了》,

一次兩次大話大家都會相信,但被人呃得太多,

最後都會冇人再相信妳,今次隻狼又再次來了,

但我唔會再去相信妳,就算妳點都好我都唔會去理妳,

希望童話故事可以帶比妳啟事,想想妳自己以後0既生活應該點樣過。

《《書裡的答案要盡快解開》》

 今日她要返工所以一早就出左去,

佢仲話晏就要出去見工又話要去搵人溫習會計,

咁姐係唔洗傾啦,今日我自己一個搞掂,

妳話咩咪咩囉,反正我宜家都唔去信妳講0既每一句話,

她放左工就出左去見工,她話姐我都唔知係唔係,唔會信........

跟住就返左黎,講講下就辣著左我,

我叫佢走呀,妳唔好撚返黎呀,我唔想見到妳呀,

我一世都唔想見到妳呀,如果你硬係要返黎,咁得我走囉,

妳都唔好打比我呀,我都廢事聽到妳把聲,

如果妳成日打黎搞到我煩我會去改左個電話佢,

我話我唔會再雖要妳,我有我媽咪我有我細佬理我,

唔雖要妳再出現,即刻同我走,

妳口講有幾愛我,妳有冇真係比我感受到妳有幾愛我呀,

經妳把口講出黎0既都係大話,我真係唔知妳講咩係真咩係假呀,

我真係好辛苦呀,妳放過我啦走啦唔好搵我啦,

她最後就執左一d野就走左,

但我希望妳走唔好再返黎啦,

妳成日話會讀完書就去解決佢,我都想知道妳點樣去解決,

但宜家妳讀唔讀書同唔同佢一齊解唔解決都以經唔係問題啦,

因為我以經唔會再去理妳,妳唔好成日覺得妳解決左佢我就會同妳一齊,

我係唔會架,我地感情以經變左質啦,我100%唔相信妳啦,

如果我聽日可以搵到一個值得我去對佢好0既女仔出現,

我就會去追佢,因為妳以經唔值得我去愛,

我只係想有一個人可以愛我,同埋我去愛佢,

但果個人宜家一定唔係妳,我係呢6年兩段愛情我都係尊一, 一個3年一個3年半,

從來冇諗過去同第二個一齊,點解妳要咁對我,

唔通我真係咁好蝦咩,定係我條命生出黎就係感情有難關呢?

如果比我搵到妳就一定冇可能同返我一齊,

因為妳傷害我太多,我只會越黎越憎妳,

仲有件事拖得太耐啦,妳如果係第一個星期就解決,

妳最多咪呃我7次,一日一次,

但係宜家拖左咁多個月,呃左我3-40次,

段感情唔變質我都真係唔信,

件事係妳一手搞出黎,我係成件事裡面都係受害者,

妳自己做0既事妳自己負返責任。

《《我今次係認真》》

 今日我細佬病呀,聽講係發燒wo,

咁我都冇出去,係屋企睇下有咩幫到手咁啦,

呢排可能成日覺得自己悶呀,

有時會想搵返之前日學時代d兄弟朋友傾下計,

但我又冇晒佢地電話又冇msn,

咁點做好呢?我就諗起網上有一樣方法可以有機會搵到,

係咩方法呢?就係Facebook啦,

我就去申請一個pw啦~

上到去第一次咩都唔識,點都好搞返個樣比人睇先,

唔係人地鬼知你邊個呀,咁就研究左一陣,

大概知道點用啦,因為中文都比較易明白,

咁就打左自己個中學名啦,

佛教大光中學.........跟住一睇第一個就係我想搵0既人,

哈哈.........原來真係搵到架wo,我初初仲有d唔係好信tim,

搵到一個之後,再入去佢個好友到睇,

就可以搵到更加多0既朋友,

成個下就就係搞呢樣野,

我成日都冇聽到她電話,可能前一日嗌過交掛,

我都唔係好記得,但我又記得今日成日都冇聽過她電話,

真係奇怪,不過過左一排她就自己上左黎啦,

咁我都冇咩點出聲,好無聊咁大家自己做自己啦,

我鮏起她電話打出*2200,

係用黎睇下佢今個月用左幾多分鐘0既,

一睇之下1700分鐘,平時我係佢電話只會睇到allen0既未接來電,

我都有問過她,我話:妳又話同人地講左,點解『佢』仲會日日打比妳0既,

佢就話:我都冇聽啦,咁妳想我點姐,

我果一刻睇到1700分鐘我就知道她之前講0既全部都係大話,

我一次又一次比機會妳,妳一次又一次咁樣去傷害我,

今次我真係冇得原諒,妳要繼續咁樣我都冇辦法,

我只好要妳走要妳離開,係妳日記裡面,

妳話要比我睇到妳真會改變真係會解決,

會做到一個我雖要0既女人,

我睇完之後入晒腦,我咁天真真係會去相信妳0既說話,

我真係蠢,我唔應該睇到妳咁講就心軟,

我決定左要同妳正正式式咁解決,

妳去做咩我都唔會理妳,就算妳去死都唔洗指意我會出現,

我話:『佢』值得妳去一次又一次呃我嘛,咁妳去同佢一齊囉,

妳去同佢結婚囉,真係關我撚事,

聽日我就會去解決一切。

《《比人呃真係好心痛》》

 今日起左身都冇事做,

我覺得我呢排比起之前我肯食野,

我呢排覺得自己食左好多野,

感覺咋下我都唔清楚係咪,

可能自己開始慢慢放低,

開始慢慢唔諗她的重要性,

咁個人自自然然就會放鬆起黎,

但我呢幾日都冇去磅到呀,

唔知重左家輕左呢?

今日全日都係到打機,

原來打機真係可以短時間忘記一切,

同她傾左幾次電話,

咁就一日啦。

《《悶悶悶悶悶真係好悶》》