我日記係公開0既我唔介意去比任何人睇,

我亦都唔介意有人留言比我,

如果我係介意我就一早將個日記私人,

自己打完,比返自己睇不過咁冇意思,所以我唔會做,

我有諗過不如將個日記結束啦但諗返我開呢個日記要做咩呢?

日記原名係:哄老婆的日記.......

所以我都係決定唔結束佢,

記低實實在在0既回憶係裡面,

今日睇到有好多留言都係有攻擊性0既,

但係我講過兩個我都唔會幫, 

點解呢?你地一定會問點解唔幫自己身邊果個呢? 

好簡單因為兩個我都識,我唔會因為私人感情宜偏幫邊個,

家姐今次搞到妳,對唔住呀,

因為我冇諗到妳會留言,

我話唔會幫佢地兩個姐,

但家姐我都當佢半個家姐,

佢受到傷害我都覺得唔好意思,

所以再一次同妳講聲對唔住,認真的......

我知道妳知道我今次做緊咩,

希望妳唔好怪我啦, 

我以前去諗點樣守住呢後愛情,

用左好多方法去同『佢』鬥,

但往往我都覺得妳幫住『佢』,

所以我知道係唔好受,

今次妳地兩個嘈,我都唔會偏幫住Cherrie,

我只會係旁邊睇住,如果邊一方出事我地唔想,

今次呢件事又有好多人以為我搞喊妳,激嬲妳,或者郁手郁腳,

拿今次我冇呀,我都應承左唔會再咁做架,

死貓我都食唔小,食多隻都唔覺飽,

只要妳對我好咪得囉,我洗咩理人點睇,

係呢個月我學識左好多野,知道咩叫退一步海闊天空,

有時d野唔洗下下咁執著,所以我冇怪過任何人,

訓醒左就咩事都冇啦,我同妳鬧完交,

第二日訓醒咩事都冇啦,不過比我選擇,

我都唔會同妳鬧交,因為鬧交產生出黎0既問題好嚴重,

對日後妳對我都有好大關係,所以呢排妳鬧我我都盡量唔出聲,

等妳發洩完算數,今次呢件事希望重快解決,

我想比妳知道完來解決個人係唔洗好多時間,

希望妳解決一個人都唔洗用太多時間,

兩個一心去解決現有0既問題,咁先係上冊,

拖只會令問題惡化,我知道妳咁大個女識得諗,

不過係我長氣姐, 如果妳真係愛我鐘意我0既,

我估妳識得點做掛,拖多一日就會危險多一日,

因為我地唔見面,可能第一個月仲會掛住,

咁有冇諗過第二個-第三個月呢?

時間可沖淡一切,呢句野係岩架,

所以要解決就要快唷,時間會唔等人架,

我知道我仲愛妳仲鐘意妳我一定會等落去,

我地係可以有將來架,不過宜家只係有d石頭阻住條路,

搬走左就會暢通無阻,睇妳有冇恆心去搬啦,加油知道嘛,

我做0既只可以係背後幫妳睇住妳,身邊冇晒人得妳自己一個,

但妳唔會覺得孤獨,因為我就係光,大大枝燈係後面射住妳,

你只要跟住光去行就會搵到我,

講返今日做左d咩先,今日過左海,

因為要考急救,初時我去到都好緊張呀,

不過係我去考試途中,妳打過電話比我,同我講今日考試加油呀,

我聽到好開心笑左出黎,但當然唔會比妳知啦, 

去到有好多人考呀,但係我一步就係考筆試,

我一番開試題,心諗點解咁簡單0既,

有30分鐘時間,我唔洗10分鐘做完,

不過唔知岩唔岩= . =

跟住就考包扎,我都做得好好,應該都做岩晒,

不過有一個結我唔知太緊定打錯左,好難去解,

不過聽返人地講只會扣我小小分,唔會唔合格,

咁我就放心啦 ,考完就去第三部,心肺復甦法,

我落到去睇d人考,我覺得有10個8個都肥佬左,

因為有人就唔識吹,有人就唔識步驟,有人就太細聲,

但我就咩都做齊晒,數幾多下都冇數錯過,

我做到第六個循環姐係我咁左個假人個心160幾下= . =

吹左10幾次,個考官叫我停,我應該合格啦,

不過以上都係我估姐,合唔合格都要等8月5號先知,

考完返屋企啦,係留下買左個m記比她食,

因為屋企冇飯食啦,等夜d妳訓左我就出去搵利志,

利志話黎大埔同我吹水飲野,佢叫到我緊係唔會唔去啦,

傾到5-6點我都返屋企啦,返到黎沖涼打埋呢篇日誌就去訓啦。

《《我同妳都加油呀》》

今日要見工,所以早左起身,

今日見工都ok丫,我覺得今日見我果個人幾好玩,

問左我好多以前見工未問過0既問題,

例如:不如你介紹下自己丫,你屋企有咩人架?

咁我一一去答佢0既問題,見工過程都用左好耐時間下,

最後佢都係話會打比我如果成功的話,

佢問我有冇問題要問佢,我就問:妳覺得我見工點呀,

可唔可以比d意見我,

其實我咁問係想知自己機會大唔大,

仲有係我見過幾次工都失敗左可能自己本身有一個問題出現左,

佢答我:你ok丫,我問你0既問題你都答到我呀,

我諗今次都應該得啦掛,

落到去個天又落雨啦,天呀點解次次見工都落雨架,

去到火車站我打比她,問她有冇興趣一齊食飯,

她話好丫,咁我就去火炭啦,去到火炭我就行上去,

落好大雨淋到我隻狗咁,

不過我都想同佢食飯仲有應承左她,

所以再大雨都好我都行上去,最後當然係濕晒身啦,

上到去我就係餐廳等她落黎,落到黎好開心咁食完一餐午餐,

食野其間都有講有笑,之後她驚我落雨走會又濕晒咁返屋企,

咁我就上左她公司到攞把遮啦,她話陪佢去到2點15分,

咁我就係後樓梯到陪佢食下煙傾下計啦,

到左時間我都係要走啦,

不過落到去都冇落雨,頂佢個肺,好以玩鳩我咁,

返到屋企就沖個涼換左d濕0既衫啦,

就係到聽歌上網咁過左一個下午,

她打電話黎問我做咩同Cherrie傾電話,

我話冇咩架wo傾下電話,

她語氣十分差,又話我去溝Cherrie,

我同她講佢係日記打我去溝佢,係因為佢同佢男朋友發左一d小問題,

想用我黎令佢男朋友緊張佢咋,

人地男朋友都唔信啦,妳咁白痴走去信,

妳唔信的話,我比晒佢地兩個電話妳,妳自己打去問啦,

仲有呀,唔好話我同妳一樣呀,

妳果時同我一齊緊,但同『佢』傾電話,剷Record,

大佬妳諗下啦,妳同我一齊緊架,

妳咁做咪姐係呃左我囉,

宜我同Cherrie講電話我係同妳分左手架,

全世界都知係妳做錯啦,妳宜家黎話我管我屌我,你傻架,

我重新講一次,我地分左手架啦,

仲有呀琴晚妳講0既野我聽得好清楚,

你話驚我地有Bb,妳驚......我地不嬲都係咁架啦,

3年半黎妳唔識話驚,當呢個人出現左妳先話驚,

妳係咪驚有左Bb人地會唔要妳咋,

仲有一句呀,妳話想要一個鐘意妳愛妳0既人同妳結婚,

我明晒啦,佢鐘意妳愛妳,妳咪同佢結婚囉,

所以琴晚我選擇左訓地下,我話我驚我地一齊訓都冇啦啦會有左Bb呀,

我激撚到著撚晒,妳要我同返妳一齊下一世啦,

下一世我都可能會諗下0既,我可以同妳講,

我0既結婚對象未必會係妳,

如果有得選擇的話,我寧願選擇一個識做家掃煮飯洗衫樣樣齊啦,

妳呢兩日加埋0既說話以經令到我唔止死心咁簡單,

我0既心今日以經碎左啦,我明白晒妳想同我講0既意思,

我希望下次妳有機會同我出街,妳唔會再去拖我隻手鍚我塊面,

如果做返朋友我好樂意,但我希望妳會尊重返我地0既關係,

我係呢幾日訓教都會訓地下,直到妳走0既一日,

我唔會再同妳講野,妳真係好過份,

如果妳一定要諗我去溝Cherrie0既話,

仲好丫,妳宜家開始受返我之前0既感受,

我唔會再比機會妳唔會再原諒妳唔會再理妳,

妳自己以後好先為之。

一直聽著一首歌。 

取消資格 

老友看見我　也會驚訝
平日杯酒不沾　今晚總喝不厭
淺灰色煙圈　浸沒了我的臉
寧願聽舊笑話　安慰可免則免
我說我愛你　夠份量了嗎
我努力試探你　接受我的真心可以嗎
我太過愛你　你會被我嚇怕　不是嗎
怎麼你眼裡只得他　
我也不知道
如今這算甚麼　你是否非他不嫁
當選了是他　我認輸都不可怕
最怕其實被取消資格
還不知道　拼命掙扎
如今這算甚麼　我是否這麼討厭
只知道付出　以後都不知怎算
最怕其實是輸得很遠
還不知道　惹人生厭
老友看見我　也會驚訝
平日杯酒不沾　今晚總喝不厭
淺灰色煙圈　浸沒了我的臉
寧願聽舊笑話　安慰可免則免
我說我愛你　夠份量了嗎
我努力試探你　接受我的真心可以嗎
我太過愛你　你會被我嚇怕　不是嗎
怎麼你眼裡只得他　
我也不知道
如今這算甚麼　你是否非他不嫁
當選了是他　我認輸都不可怕
最怕其實被取消資格
還不知道　拼命掙扎
如今這算甚麼　我是否這麼討厭
只知道付出　以後都不知怎算
最怕其實是輸得很遠
還不知道　惹人生厭
多麼想知道
如今這算甚麼　你是否非他不嫁
當選了是他　我認輸都不可怕
最怕其實被取消資格
還不知道　拼命掙扎
如今這算甚麼　我是否這麼討厭
只知道付出　以後都不知怎算
最怕其實是輸得很遠
還不知道　惹人生厭

《《記住我地以經分左手架啦》》

昨晚都一如以往,冇咩突別事情發生,

都只係去做健身返屋企,

返到屋企係好偶然之下我睇番一個日記,

一個忘記左好耐0既日記,

係我女朋友以前的一個日記,

網址係:http://diary.php.hk/?id=a_tsz 

日記名稱:... ◆和||"你↑一點一滴)..記在這裹|||..有個實實在在的回憶。|||★

日記係由2005年5月開始的,直到2006年2月結束,

我一路睇一路睇,我就一路喊一路喊,

我喊係因為我睇完幸福0既感覺都回來了,

原來我地兩個以前真係好幸福,

我非常之就佢,佢亦都非常體諒我,

我點解會變成咁,我夠景發左咩事,

我係咪傻左呀,點解有一個對我咁好0既女仔我唔識去珍惜,

我問自己,今時今日搞成咁係咪因為我,

我真係好後悔,我直頭係果個環境想打自己一身,

我係發左癲定係鬼上身,大好將來係我將佢破壞架,

我就算死十次都離保唔到我0既罪,

但事到如今,我知道我做咩都冇用啦,

因為我地以經決定左分手,

3年半0既旅程,2005年2月10日開始-2008年7月14日結束,

睇完我0既心情好沈重。

我只好攬著妳和妳說,

有個實實在在0既回憶,妳做到啦,

3年半好多謝妳陪左我3年半好多謝妳支持左我3年半,

原來我係有過幸福0既回憶,好多謝妳寫呢個日記,

但我宜家要離開啦,以後0既路只有妳一個人行,

我唔會在係妳身邊,用我0既身體幫妳遮風擋雨,

我真係好後悔冇一直對妳好,對唔住.............

我唔會要求妳去原諒,因為一切0既野都係我做成,

我係時候放開妳的手,等妳一個去經歷以後0既事,

對唔住呀..........我就喊起上黎,一直好緊地攬著,

直至我哭乾我0既眼淚,我就知道我要放手啦,

但都要等妳返黎同我一齊食飯,

但係食飯途中妳接左一個電話,

呢個電話令妳心情跌進谷低,

事情係,妳以前有一個好要好0既朋友,

再一段感情事件裡面,接受不到,

亦都承受不到生活感情上壓力,

在某大廈一躍宜下自殺結束自己生命,

我只好做0既係,好好安慰妳,

要妳係呢件事裡面學會珍惜生命,

珍惜現在擁有0既一切,珍惜身邊伴侶朋友家人,

呢件事大家都唔想發生,我0既心情都不太好,

因為我知道佢家人朋友一定會好難過,

因為今年2月我都失去左我daddy,

我學會左珍惜,希望呢件事亦會令妳學會珍惜,

我知道我講咩都冇用,

我只有在妳旁邊聽訴,我眼看妳一直聽著一首<後來>,一邊流著眼淚,

我睇到妳我好心痛,因為妳在次喊係上黎,

 但我知道妳雖要0既係我係妳身邊,就咩事都唔再緊要啦,

 不知不覺都夜深啦,妳要去訓教啦,聽日要返工,

我就自己一人,但我的抑鬱症又開始發作,

我好比心機去用意識控制,但冇作用丫,

我去叫醒妳,希望妳同我傾下計,

妳有做到,但我知道妳太眼訓啦心情會不太好,

所以我只有用妳的手,向我面上一下一下打下去,

我希望可以打醒我自己,妳去阻止我咁做,

心力交碎,我諗如果我好以妳朋友一樣壓力太大,

乜都唔理跳下去,妳會點呢?

會唔會一樣為我哭呢?

我開著電腦,播著一首歌 張散軒新碟第7首  酩酊天使

長時間給一堆工作壓碎　
讓細水將哀愁也沖去
別要擔心我氣餒　發掘閒來情趣
漸漸地淡化苦水

難忘你我也要生活下來
近況好如常地拼搏進取
一開心可以喝醉　倦了一覺睡
情緒便困進身體裡

朋友你悄悄遠去化作遠方的天使
仍間歇聽見你舊名字
翻開這相簿至少哭一次
你笑臉印滿相紙

朋友再與你說說笑笑已經不可以
而我要奮鬥每日如是
一天的奔波也許不止
活在你路過的小都市

隨時間過去固執亦下調
但有點無聊事叫我困擾
初相識　跟你拍照
但我黑了面
還記住你說應該笑

朋友你過去去過那個故居都空置
人氣店永遠滿座無異
將一些輕鬆笑話講一次
帶有你每個影子

難過　每一天都走過　生命是如此

朋友你悄悄遠去化作遠方的天使
仍間歇聽見你舊名字
翻開這相簿至少哭一次
你笑臉印滿相紙

朋友再與你說說笑笑已經不可以
而我要奮鬥每日如是
珍惜的呼吸也許休止
活著已是最好的心意

I miss you I miss you

過多冇耐我都訓著左啦,可能太累啦。

《《各自行自己覺得值得0既路》》

今日一早要搞我daddy靈位0既事,

我叫醒我女朋友,因為佢好以冇乜點搞過我daddy0既事,

但我地都去到最後,所以我今次好想佢去出席,

當大家都搞掂晒野之後,我地就出發,

放靈位果間寺廟好近我屋企,

大概10分鐘左右路程就到,

去到就聽個道士講好多經,

我地就裝香啦,跟住就去燒晒d野,

入面有錢啦,車啦,大屋啦,工人啦,等等..........

做完成個過程都是30分鐘左右,

今日仲有另外一件事就係,她張床今日要送黎,

所以我地做完早上0既事,就返落上水收床,

其間我地有d嗌叫,因為食野0既問題都好小事姐,

可以不題,去到上水清河邨先知唔記得帶鎖匙,

天呀你又開始落大雨,心情有d不過,

但我就死忍算數冇左件事,咁就要返去大埔攞啦,

她叫我不如搭的士返去,我話唔洗巴士轉火車得架啦,

因為我諗到果d師父一定會等我地,就算唔等都會去做左其他單先返轉頭,

所以慢慢黎冷靜d,唔洗去晒錢搭的士0既,咁我返去途中都冇乜出過聲,

她見到我咁樣都好主動去哄下我,我覺得都幾甜架,

好快咁返到去屋企啦,攞完雖要0既野就返去上水啦,

去到上水我知道她好肚餓,所以我提議去她屋企下面食,

佢好唔鐘意,但我同她講,師父可能隨時返黎,同埋近屋企,

佢都聽我講,好耐都冇試過冇嗌交可以達成共識,

今日真係好開心0既日子,因為我就下妳,妳又哄下我,真係好開心架,

拍拖要咩.就係要呢d之嘛,其實好簡單,咁我地去左食野啦,

因為我都唔想食得太油,所以我選擇左食粥,她又跟住食粥,

好快咁就食完粥,我隔離有個Bb坐係到有人謂佢食飯,

個Bb都都幾得意丫,食飯個口合下合下咁,

咁我地都上返去等床啦,上到我我當然第一時間去掃下個地,

跟手去拖下個地,因為有好多灰塵,張床裝左落去就會壓住晒掃唔到,

幾細心呀我,跟住就幫她呀媽整個寬頻電視,

我驚呀媽唔識用,我用紙筆寫低晒點樣操作,

開機要等幾多時間有畫面,我都計算埋,

等佢唔洗諗就可以好簡單咁用,

我在執好晒地下d箱,因為會阻住師父裝床,

我要務求執到房地下冇任何野,

跟住就要郁埋個地主,但我都好有禮貌拜下先郁,

乜都搞掂晒,只係爭師父上黎姐,

兩個人一齊執下野,傾下計,好以一對新人咁,

其實都幾幸福架,因為屋裡有0既只係我地兩個人,

等左一陣師父上黎啦,我就睇住佢地裝啦,

因為她對家私都唔熟識,我話晒都做左咁耐家私,

我有一定程度0既認識,師父好怏手咁裝完,

我就比埋尾數,師父有3個人我比左60蚊佢地飲茶,

因為要師父等左咁耐我都唔係好好意思,

咁我又開始要掃地,張床新0既又要去清潔下,

我就負責掃地,她就負責清潔新床,

我搞掂我果到就去幫她手啦,

因為張床係新的,所以會有好多介手位,

我就用野幫佢磨番平佢,唔好比佢介到佢自己一雙手,

幾小心都好,我自己都介左一下,

好搞掂晒我最後就將床肉放上床上,大公告成,

當然上去試下好唔好訓先啦,佢自己就好鐘意呀,

但太高我此終都鐘意訓d低地方,空間感大d,

當兩個訓係到0既時間,合埋眼感受下佢每一次同我訓0既感覺,

因為就黎會冇左,所以珍惜下,

突然諗起有野未做,就係地主,

我將地主放返原先個位,再點著3枝香拜左3下裝上,

呢個係我神佛0既尊重一定要做,

諗住搞掂晒啦,我去拉一拉呀媽個衣櫃,

原來個衣櫃有問題,唔緊要家私有問題我識整,

咁我就用一枝鏍絲批拆左對門出黎重新安裝,

得左整好了,當係我最後為呢個屋企做返d野,

因為之前我都冇咩幫過手,宜家去補救會唔會遲左呢?

咁我地就傾下計啦,我問佢選擇左未啦,

但她就選擇左２啦,姐係我會同佢分手,直到她去解決左『佢』先算,

咁我講今日係最後一日,妳講咩我都陪妳去做啦,

她話想我陪佢睇戲,但我地搞掂屋企d野都6點幾7點啦,

咁她話不如去食黑椒豬手丫,我話好呀,妳想去我就會陪妳,

我問係邊到食架,她話係呀媽鋪頭到食,

咁都好0既最後見下呀媽都好丫,

跟住有兩個朋友打黎,

第一個就話今晚去燒野食,

第二個就話出旺角行街食飯,

我兩個都冇應承到因為我應承左妳,

以前0既我可能會同佢地出去,現在0既我只要妳開心就去做啦,

咁我地離開上水,向大埔進發,

我發覺我地今日去到邊到係拖住手架,

拖手...真係好以好耐未拖過妳的手,

我問我隻手好拖咩,妳話好呀夠大隻嘛,

哈哈妳咁都諗到,不過聽到好甜,

唔知今日會唔會甜得濟,唔洗食野呢?

去到大埔我就陪她行下街先,我地要睇下d家用電話,

跟住去睇下d電腦,行左一輪她都肚餓啦,

咁就去呀媽到食野啦,去到呀媽話佢好忙叫我地行幾個圈先再黎wo= . =

咁我地就出左後門食煙傾下計啦,傾左好多問題啦,

有d問題都係關於『佢』,都冇乜野就過左一陣,

咁我地就入去食啦,呀媽就出左黎,問我地食乜呀,我介紹妳地食黑椒豬手啦,就份返去做野啦,

跟住叫左幾個送,當然有黑椒豬手啦,

等左一陣就有得食啦,兩隻豬手好大隻,

咁粗重野切豬手就等我黎啦,

切好晒搞掂晒就開始食啦,呢餐飯都食得幾開心丫,

我切下野妳夾比我食我又夾比妳,好開心咁食完呢一餐,

就返屋企睇獎門人,但往往就會有d嗌叫,

唔開心0既野係到我唔想講破壞左呢篇日誌,

過埋呢日我地就正式分手啦。

《《希望妳可以進快解決》》

今日終於完滿解決件事,

因為我提出左兩個選擇 ,

第一)即時去解決『佢』我留低。

第二)等妳解決『佢』之前我離開,但我會係呢半年內都唔會拍拖唔會做D對唔住妳0既事。

妳選擇左２,我希望妳可以進快解決『佢』,

如果妳越快解決我地就越快係埋一齊,

我唔理妳係想真正解決『佢』,

定係會同『佢』增進感情,

解決左佢我當然會開心同妳一齊啦,

如果同佢增進左感情,係埋一齊左0既話,

我希望妳通知我一聲,等我可以唔洗一直去呆等,

我知道妳鐘意0既係我,但我都知道一日有『佢』0既出現我地都唔可以一齊,

所以係呢段時間裡面,我唔會插手任何事情,

妳有任何危險我都好難去出手幫妳,

我只有用呢後時間去計劃我0既將來,

比心機去搵多D錢,同埋操到自己最好,

可能當妳下一次見我0既時候我會變左第二個人,

當然會越變越好啦,各位兄弟我今日單身啦,

陪我0既只有你地,利志你要陪我捱過呢後日子,

因為交心0既兄弟得你一個,

今次分手係因為妳講大話0既問題我同妳分手,其實係唔關『佢』事0既,

宜關『佢』事0既就係,有佢係妳身邊我地就唔可以一齊,

所以唔可以當一件事黎睇,因為性質唔同,

我希望今次我放開妳隻手,妳出到去可以學識好多野,

學識如何去珍惜,學識如何去保護自己,學識如何去處事,

我希望等妳返黎0既時後妳可以更加成熟,

半年時間我願意去等,但時間只有半年,

我可能會係半年一過,第一日就同第二個女仔拍拖架,

所以妳要珍惜呢半年寶貴0既時間,

唔好拖長黎搞呀,因為時間無多,

但如果妳真係同左佢一齊就另作別論,

我只好講句,祝妳生活愉快,

再次去放低妳,我解力真係小左好多,

因為諗野都小左好多,我好鐘意諗野,

有時仲會亂諗野,令我出現抑鬱症,

如果日後妳想搵我傾下計,或者會屋企出現一D要男仔整0既野,例如:換燈泡,家電壞左,家私爛左等等.................

或有危險呀...記住第一時間打比我,

因為我唔再想做前線去守,因為我覺得好累,

我想去做背後幫妳0既男人,因為冇壓力之如仲有可能會比妳賺下我,

咁樣我咪仲開心

但平時妳出街就要妳自己保護自己啦,

希望今次放開妳,妳可以學識保護自己,

冇左我0既身體為妳遮風擋雨,

冇左我0既右手比妳訓,冇左我攬妳0既左手,

處處都要小心,係呢個世界上危險永遠都存在,

妳作呢個決定妳今次真係做得好好,

希望妳係呢段時間每一日都過得比前一日好。

《《保護自己》》